ଶିଶୁ ଶ୍ରୀ ଭ୍ରାମ୍ୟମାଣ ପାଠାଗାର

ଓଡ଼ିଶା ତାଜା ନ୍ୟୁଜ (୧୦ ଅଗଷ୍ଟ ମଙ୍ଗଳବାର ) ବରଗଡ଼ :- ବରଡୋଲ ସିମେଣ୍ଟ ନଗର ସ୍ଥିତ ସାଧନା ମନ୍ଦିର ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା ଓ ଗବେଷଣା କେନ୍ଦ୍ର ଠାରେ ଶିଶୁ ଶ୍ରୀ ଭ୍ରାମ୍ୟମାଣ ପାଠାଗାର ର ଏକ ଶିକ୍ଷଣୀୟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପାଠାଗାର ମୁଖ୍ୟ ଉଦ୍ୟୋକ୍ତା ରବିନାରାୟଣ ସାହୁ ଙ୍କ ଅଧ୍ୟକ୍ଷତାରେ ଏକ ବୈଠକ ବସି ଛାତ୍ରଛାତ୍ରୀ ମାନେ ପୁସ୍ତକ ପବନର ଉପକାରିତା ସମ୍ପର୍କରେ ଆଲୋଚନା ହୋଇଥିଲା ।

ନୂଆ ବହିଟିଏ ହାତରେ ଧରି ତା’ର ବାସ୍ନାରେ ପାଠକଟିଏ ବିଭୋର ହୋଇ ଯାଏ । ଯାହାକି ବର୍ତ୍ତମାନ ର ଇ-ବୁକରୁ ମିଳିନଥାଏ । ସେହି ବହିକୁ ପିଲାଙ୍କ ପାଖରେ ପହଞ୍ଚାଇବାକୁ ଏହି ପାଠାଗାରର ମୁଖ୍ୟ ଉଦ୍ଦେଶ୍ୟ ବୋଲି ମତ ପ୍ରକାଶ ପାଇଥିଲା । ବୈଠକ ରେ ପଣ୍ଡିତ ଗୋପବନ୍ଧୁ ପୁରୋହିତ, ଶିକ୍ଷାବିତ ରମେଶ ସାହୁ, ସ୍କୁଲ ଅଧ୍ୟକ୍ଷ ପ୍ରଫୁଲ୍ଲ ଲେଙ୍କା ପାଠ୍ୟପୁସ୍ତକ ଏବଂ ପାଠାଗାର ସଂପର୍କରେ ଉପସ୍ଥିତ ଥିବା ଛାତ୍ର ଛାତ୍ରୀଙ୍କୁ ବୁଝାଇଥିଲେ ।