ପାରଳାଖେମୁଣ୍ଡି ସହରର ବଡ଼ଦାଣ୍ଡ-ବଜାରକୁ ଯିବା ଆସିବା ମୁଖ୍ୟ ରାସ୍ତା ରେ କର୍ଲଭଟ କାର୍ଯ୍ୟ ତୁରନ୍ତ ସଂପୂର୍ଣ୍ଣ କରିବା ପାଇଁ ଦାବି

ଓଡ଼ିଶା ତାଜା ନ୍ୟୁଜ (୧୬ ଡିସେମ୍ବର ବୁଧବାର ) ଗଜପତି :- ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସହରର ମୁଖ୍ୟ ସ୍ଥାନ ରାଜଦାଣ୍ଡର ଚାରିଛକ ଭାବେ ପରିଚିତ ଚାନ୍ଦିନୀ ରେଷ୍ଟୁରାଣ୍ଟ ସମ୍ମୁଖରେ ପାରଳାଖେମୁଣ୍ଡି ପୌର ପରିଷଦ ପକ୍ଷରୁ ଚାଲିଥିବା କର୍ଲଭଟ୍ କାମ ତ୍ୱରାନ୍ୱିତ ହେଉନଥିବାରୁ ଜନସାଧାରଣଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି । ଏହି କର୍ଲଭଟ କାର୍ଯ୍ୟ ପରିସମାପ୍ତି ହୋଇପାରୁ ନଥିବାରୁ ସହରବାସୀ ବଜାରର ମୁଖ୍ୟ ରାସ୍ତାକୁ ଯାତାୟାତ କରିବା ଅସୁବିଧା ହେଉଛି ।

କଲଭର୍ଟ ନାରେ ରାସ୍ତାରେ ମାଟି ଖୋଳି ପକାଇବା ଦ୍ୱାରା ରାସ୍ତା ସଂକୀର୍ଣ୍ଣ ହେଉଛି ଓ ଟ୍ରାଫିକ ସମସ୍ୟା ଉପୁଜୁଛି । ଏହି କଲଭର୍ଟ କାମ ତୁରନ୍ତ ପରିସମାପ୍ତି କଲେ ସହରବାସୀ ଉପକୃତ ହେବେ ବୋଲି ଜନସାଧାରଣରେ ମତ ପ୍ରକାଶ ପାଉଛି ।ଜିଲ୍ଲା ପ୍ରଶାସନ ଏଥିପ୍ରତି ତୁରନ୍ତ ଦୃଷ୍ଟିଦେଇ ପଦକ୍ଷେପ ନେବାକୁ ଦାବୀ ହେଉଛି l (ପାରଳାଖେମୁଣ୍ଡି/ଗରୁଡ ଧ୍ଵଜ ଚୌଧୁରୀ)