ବୋଲଗଡ (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ବୋଲଗଡ଼ ବ୍ଲକ ସଂପୂର ଗ୍ରାମର ବାଲୁଙ୍କେଶ୍ୱର ରାଇଜିଙ୍ଗଷ୍ଟାର କ୍ରିକେଟ କ୍ଳବ୍ ଆନୁକୁଲ୍ୟରେ ଟାଙ୍ଗୀ ପଡ଼ିଆଠାରେ ପଞ୍ଚର୍ଦ୍ଦଶତମ ଲକ୍ଷ୍ମୀଧର ସ୍ମାରକୀ ଆନ୍ତଃଜିଲ୍ଲା କ୍ରିକେଟ ଟୁର୍ଣାମେଣ୍ଟ ଗୁରୁବାର ଉଦ୍ଘାଟିତ ହୋଇଯାଇଛି । ନକଆଉଟ୍ ଭିତ୍ତିରେ ଖେଳାଯିବାକୁ ଥିବା ଏହି ଟୁର୍ଣାମେଣ୍ଟରେ ବିଭିନ୍ନ ଜିଲ୍ଲାର ୧୬ ଟି ଦଳ ଅଂଶଗ୍ରହଣ କରିବାକୁ ଥିବା ବେଳେ ପର୍ଯ୍ୟାୟ କ୍ରମେ ଚାରି ଗୋଟି ଦଳ ମଧ୍ୟ ଖେଳ ଅନୁଷ୍ଠିତ ହୋଇ ଥିଲା ।
ଆଜିର ଉଦଘାଟନୀ ମ୍ୟାଚରେ ପ୍ରଥମେ ଘୋର ଡିଆ ଗ୍ରାମର କ୍ରିକେଟ କ୍ଳବ ଓ ନରେନ୍ଦ୍ର ପୁର କ୍ରିକେଟ କ୍ଳବ୍ ମଧ୍ୟରେ ମୁକାବିଲା ହୋଇଥିଲା । ନରେନ୍ଦ୍ର ପୁର ଦଳ ଟସ୍ ଜିତି ପ୍ରଥମେ ବ୍ୟାଟିଂ କରିବାର ନିଷ୍ପତି ନେଇ 12 ଓଭରରେ 6 ଉଇକେଟ ହରାଇ 90 ରନ କରିଥିଲା । ଏହାର ଜବାବରେ ଘୋର ଡିଆ ଦଳ 9 ଓଭର ରେ 5 ଉଇକେଟ ବିନିମୟରେ 91 ରନ କରି ବିଜୟୀ ହୋଇଥିଲା । ସେହି କ୍ରମ 2 ୟ ମ୍ୟାଚରେ ସାଲୁଣି ଓ ବାଙ୍କୋଇ କ୍ରିକେଟ ଦଳ ମଧ୍ୟ୍ୟ ରେ ଖେଳ ଅନୁଷ୍ଠିତ ହୋଇଥିଲା ।
ପ୍ରଥମେ ଟଚ ଜିତି ବାଙ୍କୋଇ କ୍ରିକେଟ ଦଳ 12 ଓଭର ସମସ୍ତେ ଉଇକେଟ ହରାଇ 78 ରନ ସଂଗ୍ରହ କରିଥିଲା । ଏହାର ଜବାବ ରେ ସାଲୁଣି କ୍ରିକେଟ ଦଳ 10 ଓଭର 6 ଉଇକେଟ ହାରଇ 81 ରନ ସଂଗ୍ରହ କରି ବିଜୟୀ ହୋଇ କ୍ଵାଟର ଫାଇନାଲକୁ ଉନତି ହୋଇଥିଲା । ଏହି ମ୍ୟାଚଟିକୁ ଆମ୍ପେୟର ଭାବେ ଭାବଗ୍ରାହୀ ମଙ୍ଗରାଜ ଓ ନାରାୟଣ ରଣସିଂହ ପରିଚାଳନା କରିଥିଲେ।ଉଦ୍ଘାଟନୀ ସମାରୋହରେ ମୁଖ୍ୟଅତିଥି ଭାବେ ଯୁବ ସମାଜ ସେବୀ ମନୋଜ କୁମାର ପ୍ରଧାନ ,
ମୁଖ୍ୟବକ୍ତା ଭାବେ ସାମାଜିକ କର୍ମୀ ହେମନ୍ତ ଦେଓ ଓ ସମ୍ମାନୀତ ଅତିଥି ଭାବେ ଖଙ୍ଗୁରିଆ ପଞ୍ଚାୟତ ବିଜେଡ଼ି ସଭାପତି ଚିତରଂଜନ ମିଶ୍ର, ଖବରଦାତା ନିରଞ୍ଜନ ନାୟକ, ହର ପ୍ରସାଦ ନାଥ ପ୍ରମୁଖ ଯୋଗ ଦେଇ ଖେଳାଳୀ ମାନଙ୍କୁ ଉତ୍ସାହିତ କରିବା ସହ କପ ଉନ୍ମୋଚନ କରିଥିଲେ । ଆୟୋଜକ କ୍ଲବର ସଦସ୍ୟ ବିକୁ, ରଘୁ, ଚଗଲା,ନଣ୍ଡା, ଚିନୁ, ପିଣ୍ଟୁଆ, ବୁଦୁଲା, ବାବାଲି ପ୍ରମୁଖ ସହଯୋଗ କରିଥିଲେ।ପରିଶେଷରେ ପ୍ରମୁଖ ଆୟୋଜକ ବବୁଲ କୁମାର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
