ବାଙ୍କୀ ଉପଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ଦୁର୍ନିତି ନିବାରଣ ସଚେତନତା ଶପଥ ପାଠ

ବାଙ୍କୀ (ଓଡ଼ିଶା ତାଜା ନ୍ୟୁଜ୍) :- ଚଳିତ ବର୍ଷ ଅକ୍ଟୋବର ୨୭ତାରିଖ ଠାରୁ ନଭେମ୍ବର ୨ତାରିଖ ପର୍ଯ୍ୟନ୍ତ ଦୁର୍ନିତି ନିବାରଣ ସଚେତନତା ପାଳନ ଅବସରରେ ବାଙ୍କୀ ଉପଜିଲ୍ଲାପଳ କାର୍ଯ୍ୟାଳୟରେ ଆଜି ଦୁର୍ନିତି ନିବାରଣ ସଚେତନତା ଶପଥପାଠ ଅନୁଷ୍ଠିତ ହୋଇଯାଇଛି । ଏହି ଶପଥପାଠ କାର୍ଯ୍ୟକ୍ରମରେ ସହକାରୀ ଜିଲ୍ଲାପାଳ ପ୍ରିୟଙ୍କା ଝୁଣାରସିଂହ ଅଧ୍ୟକ୍ଷତା କରିଥିଲେ ।

ଏଥିରେ ଉପଜିଲ୍ଲାପାଳଙ୍କ କାର୍ଯ୍ୟାଳୟ , ତହସିଲ ଓ ଉପକୋଷାଗାରର ସମସ୍ତ କର୍ମଚାରୀମାନେ ଯୋଗଦେଇ ରାଜ୍ୟ ସରକାରଙ୍କ ନିର୍ଦ୍ଦେଶମୁତାବକ ସମସ୍ତେ ନିଜ ନିଜର କାର୍ଯ୍ୟରେ ସାଧୁତା, ସ୍ୱଚ୍ଛତା ଏବଂ ଦୁର୍ନିତି ମୁକ୍ତ ରହି କାର୍ଯ୍ୟକରିବା ପାଇଁ ଶପଥ ପାଠ କରିଥିଲେ ।

କାର୍ଯ୍ୟକ୍ରମରେ ଉପକୋଷାଗାର ଅଧିକାରୀ ସଂଜୟ କୁମାର ଧଳ, ଉପଖଣ୍ଡ ସମାଜମଙ୍ଗଳ ଅଧିକାରୀ ସୌଦାମିନୀ ଦାଶ, ଉପଜିଲ୍ଲାପାଳଙ୍କ କାର୍ଯ୍ୟଳାୟର ବରିଷ୍ଠ ଉପବିଭାଗ ଅଧିକାରୀ ଜୟନ୍ତୀ କୁମାର ରାଉତ, ଭାରପ୍ରାପ୍ତ ଉପଖଣ୍ଡ ସୂଚନା ଓ ଲୋକସଂପର୍କ ଅଧିକାରୀ କାଳୀଚରଣ ତ୍ରିପାଠୀ ପ୍ରମୁଖ ଉପସ୍ଥିତ ରହି ଶପଥପାଠ କରିଥିଲେ ।