ଓଡିଶା ତାଜା ନ୍ୟୁଜ୍ (୨୬ ଅଗଷ୍ଟ ବୁଧବାର ) କଳାହାଣ୍ଡି :– କଳାହାଣ୍ଡି : ଭାରତୀୟ ପ୍ରତ୍ନତାତ୍ବିକ ସର୍ବେକ୍ଷଣ ସଂସ୍ଥା (ଏଏସ୍ଆଇ)ର ଭୁବନେଶ୍ୱର ସ୍ଥିତ ଉତଖନନ ଶାଖା ୪ ଦ୍ଵାରା କଳାହାଣ୍ଡି ଜିଲ୍ଲା ଅସୁରଗଡ ଦୁର୍ଗର ଉତଖନନ କାର୍ଯ୍ୟ ୨୦୧୮/୧୯ ମସିହାରେ ହୋଇଥିଲା । ଉତଖନନ ମୁଖ୍ୟ ପ୍ରତ୍ନତତ୍ତ୍ଵ ଅଧିକ୍ଷକ ଦିବିଶଦ ଗଡ଼ନାୟକଙ୍କ ନେତୃତ୍ବରେ ଆଶିଷ ସାହୁ, ଜିତେନ୍ଦ୍ର ନାଗ, ଉମାକାନ୍ତ ଭୋଇ, ବିଭୁତି ଭୁଷଣ ବଡମାଳି,ଏସ ଏନ୍ କୁଅଁର, ସୁବ୍ରତ ଦାଶ ପ୍ରମୁଖ ସାମିଲ ହୋଇଥିଲେ ।
ବର୍ତମାନ ସେଠାରୁ ମିଳିଥିବା ପୁରୁଣା ଜିନିଷର ବୈଜ୍ଞାନିକ ପରିକ୍ଷଣ ହୋଇ ବିଜ୍ଞାନ ସମ୍ମତ ସମୟ ଉନ୍ମୋଚିତ ହୋଇଛି। ଯାହା ଦ୍ଵାରା ପୂର୍ବରୁ ଦୁଇ ହଜାରରୁ ୨୩୦୦ ବର୍ଷ ପୂର୍ବେ ଅସୁରଗଡ ସଭ୍ୟତାର ବିକାଶ ଉପରେ ଯେଉଁ ଆକଳନ କରାଯାଇଥିଲା ତା ଉପରେ ପୂର୍ଣ୍ଣଚ୍ଛେଦ ପଡ଼ିଛି । ବର୍ତମାନ ଅସୁରଗଡର ଏଏମ୍ଏସ୍ ତାରିଖ ଖ୍ରୀଷ୍ଟପୂର୍ବ ଅଷ୍ଟମ ଶତାବ୍ଦୀ ଅର୍ଥାତ ୨୮୦୦ ବର୍ଷ ପୂର୍ବେ ଅସୁରଗଡରେ ବସତି ସ୍ଥାପନ ହୋଇଥିବାର ସୂଚନା ମୁଖ୍ୟ ପ୍ରତ୍ନତତ୍ତ୍ଵ ଅଧୀକ୍ଷକ ଶ୍ରୀ ଗଡ଼ନାୟକ ଜଣାଇଛନ୍ତି ।
ଏହା ସହ ଅସୁରଗଡର ଖନନ ସମୟରେ ମୈ।ର୍ଯ୍ୟ ଶାସନ କାଳରୁ କୁଷାଣ ଶାସନ ପର୍ଯ୍ୟନ୍ତ ବହୁ ସାମଗ୍ରୀ ମିଳିଥିଲା ସତ୍ତ୍ବେ ଏହା ଲୈ।ହ ସଭ୍ୟତାର ପ୍ରତୀକ ସୂଚିତ କରୁଥିବା ସହ ଶିଶୁପାଳ ଗଡ଼ ଠାରୁ ମଧ୍ୟ ପୁରୁଣା ବୋଲି କହିଛନ୍ତି। ଲୈ।ହର କଳା ,କୈ।ଶଲ ବ୍ୟବହାର କରି ଏଠାକାର ଆଦିମ ଅଧିବାସୀ ଏକ ପୁରାତନ ସହରୀକରଣ ପ୍ରକ୍ରିୟାରେ ଯଥେଷ୍ଟ ଉନ୍ନତି କରିଥିବା ବେଳେ ମଲ୍ଲାର ଅଞ୍ଚଳ ସହ ଆନ୍ଧ୍ର ପ୍ରଦେଶର ବିଶାଖାପାଟଣା ପ୍ରାଚୀନ ବାଣିଜ୍ୟ ସହ ସଂଯୋଗ ରହିଥିବା ଦର୍ଶାଇଛନ୍ତି ।
ଏଠାରୁ ଖନନ ବେଳେ ପୁରୁଣା ଅର୍ଦ୍ଧ ଗୋଲାକାର ଆକୃତିର ଇଟା ନିର୍ମିତ ଗୃହ, ଖମ୍ବ ଉପରେ ଟାଇଲର ଛପର, ଗୃହର ଗୋଟିଏ କୋଣ ଭିତରେ ପୋଡ଼ା ମାଟିରେ ତିଆରି ନନ୍ଦ କୂଅ, ଖାଦ୍ୟ ଗ୍ରହଣ ପରେ ବଳକା ଖାଦ୍ୟକୁ ଡଷ୍ଟବିନରେ ରଖିବା ଅର୍ଥାତ ଏକାଠି କରିବା ଆଦି ଆବିଷ୍କୃତ ହୋଇଥିଲା ।
ମାଟିଆ ରଙ୍ଗର ପଥର,ରକ୍ତମଣି ପଥର, ଗୋଲାକାର ରେଖାଥିବା ପଥର, ବିଭିନ୍ନ ରଙ୍ଗର କାଚ, କାଚ ଚୁଡିର ଖଣ୍ଡ, ଲୁହାର ଚକ, ଲୁହାର ଚକ୍ରୀ,ଧନୁର ମୁନିଆ ତୀର,ଏକ ପାଖିଆ ତୀର, ପୋଡ଼ା ମାଟିରେ ତିଆରି ନଙ୍ଗଲ ପାହାଡ଼ ଚିତ୍ରିତ ହୋଇଥିବା ମୋହର, କ୍ଷୁଦ୍ର ଆକୃତିର ସୂକ୍ଷ୍ମ ଟେରାକୋଟା ସିଂହର ମୂର୍ତ୍ତି, ପଥର ମାଳି, ରୁପା ଖୋଦେଇ ମୁଦ୍ରା,ଘରକଣା ମସଳାବଟା ପଥର, ମାଟି ପାତ୍ରର ଲାଲ ଓ କଳା ରଙ୍ଗର ଖଣ୍ଡ ଅଂଶ, ପଶୁ ପକ୍ଷୀ ଅସ୍ଥି , ବିଭିନ୍ନ ଆକୃତି ର ପୋଡ଼ା ଇଟା ଆଦି ମିଳିଥିଲା ।
ଅର୍ଦ୍ଧ ଗୋଲାକାର ଆକୃତିର ଇଟା ଆବିଷ୍କୃତ ହୋଇଥିଲା ଯାହାର ଲମ୍ବ ୪୪ ସେ.ମି, ଓସାର ୨୩ ସେ.ମି,ମୋଟାଇ ୬ ସେ.ମି ହୋଇଥିଲା । ଦୁର୍ଗର ନିକଟ ଭୀମକେଲା ଗ୍ରାମର ସାନ୍ଦୁଲ ନଦୀ କୂଳରୁ ଲୋକଙ୍କ ଦ୍ଵାରା ସଂଗ୍ରୃହିତ ଶିଳାର ବିଷ୍ଣୁ ପ୍ରତିମା, କଳା ମୁଗୁନି ପଥରରେ ନିର୍ମିତ ନାରୀ ମୂର୍ତ୍ତି ଗୁଡ଼ିକ ଖନନ ସମୟରେ ଚିହ୍ନଟ କରାଯାଇଛି। ( ରିପୋର୍ଟ ପ୍ରଦୀପ କୁମାର ଗଉଡ)
