<h4><span style="color: #ff0000;"><em><strong>୦୪ ଫ୍ରେବୁଆରି ୨୦୨୫ (ଓଡ଼ିଶା ତାଜା ନ୍ୟୁଜ୍ ) </strong></em></span><strong><span style="color: #ff0000;"><em>ଦଶପଲ୍ଲା : -</em> </span>ଶୀତରେ ପୈlଷ ମାଘମାସ , ଦେହରେ ରଖ ଶୀତବାସ , ବୋଧହୁଏ ଏ ଉକ୍ତିଟି ତାର ଯଥାର୍ଥତା ହରାଇବାକୁ ଯାଉଛି । ଏବେ ଦଶପଲ୍ଲା ଅଂଚଳରେ , ମାଘ ମାସରେ ବୈଶାଖର ଭ୍ରମ ସୃଷ୍ଟି ହେଲାଣି। ଦଶପଲ୍ଲାରେ ଗ୍ରୀଷ୍ମର ପ୍ରକୋପ ବେଶ୍ ବାରି ହୋଇପଡିଲାଣି। ଦିନ ଗଡିବା ସହିତ ଉତ୍ତାପ ମଧ୍ୟ ବଢୁଛି । ଦିନରେ ଖରା ସାଙ୍ଗକୁ ରାତିରେ ସ୍ଵଳ୍ପ ଶୀତ ଅନୁଭୂତ ହେଉଥିଲେ ହେଁ ଜଳାଭାବ ସମସ୍ୟା ନେଇ ଲୋକେ ଏବେଠୁ ଚିନ୍ତା ପ୍ରକଟ କଲେଣି। ଆଶା ଓ ଭରସାର କେନ୍ଦ୍ର କୂଆଁରୀଆ ଜଳଭଣ୍ଡାରର ରୂପ ଦେଖୁଲେ ଯେ କେହି ବିସ୍ମିତ ହେବା ସ୍ଵାଭାବିକ ।</strong><img class="alignnone wp-image-169531" src="https://odishatazanews.com/wp-content/uploads/2025/02/BBSR-2-300x143.jpeg" alt="" width="690" height="329" /></h4> <h4><strong>୫୭ନଂ ଜାତୀୟ ରାଜପଥ କଡରେ ଠିଆ ହେଲେ ପାଣି କେଉଁଠି ଅଛି ତାହା ଆଉ ଠଉରେଇ ହେଉନି । ଜଳଧାରଣ କ୍ଷମତା କମି ଯାଉଥିବାରୁ ଖରାଦିନିଆ ପନିପରିବା ଚାଷ ହେଉ ଅଥବା ପାଇପ୍ ଜଳଯୋଗାଣ ବ୍ୟବସ୍ଥାର ଭବିଷ୍ୟତ ଏବେ ପ୍ରଶ୍ନ ଘେରରେ । ଦଶପଲ୍ଲା ବ୍ଲକର ସବୁ ଗାଁକୁ ଏବେବି ପାଇପ୍ ଜଳଯୋଗାଣ ବ୍ୟବସ୍ଥା ସଫଳ ହୋଇପାରି ନାହିଁ । ନଳକୂପ ଗୁଡିକର ଅବସ୍ଥା କ'ଣ ତାହା ସ୍ୱଚକ୍ଷୁରେ ନଦେଖୁଲେ ବିଶ୍ଵାସ କରି ହେବନାହିଁ । ଲୋକଙ୍କୁ ଖରାଦିନେ ପାନୀୟ ଜଳ ସମସ୍ୟାରୁ ମୁକ୍ତି ପ୍ରଦାନ ନିମନ୍ତେ ଆଗୁଆ ପଦକ୍ଷେପ ଗ୍ରହଣ କରାଯିବା ଆବଶ୍ୟକ ବୋଲି ବୁଦ୍ଧିଜୀବୀ ମାନେ ଚିନ୍ତା ପ୍ରକଟ କରିଛନ୍ତି ।</strong><img class="alignnone wp-image-139350" src="https://odishatazanews.com/wp-content/uploads/2024/04/dashapala-Ratanakar-copy-194x300.jpg" alt="" width="839" height="1297" /> <img class="alignnone wp-image-166576" src="https://odishatazanews.com/wp-content/uploads/2025/01/AD-ODISHA-TAZANEWS-PURI-273x300.jpeg" alt="" width="751" height="825" /></h4>