ଜନ୍ମସ୍ଥାନ ବୈଦ୍ୟେଶ୍ୱର ଠାରେ ଜିଲ୍ଲାସ୍ତରୀୟ ପଣ୍ଡିତ ନୀଳମଣି ବିଦ୍ୟାରତ୍ନଙ୍କ ୧୫୮ତମ ଜନ୍ମ ଦିବସ ପାଳିତ

୧୪ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-  କଟକ ଜିଲ୍ଲା ସଂସ୍କୃତି ବିଭାଗ ଆନୁକୁଲ୍ୟରେ ପଣ୍ଡିତ ନୀଳମଣି ବିଦ୍ୟାରତ୍ନଙ୍କ ଜିଲ୍ଲାସ୍ତରୀୟ ୧୫୮ତମ ଜନ୍ମ ଦିବସ ବୈଦ୍ୟେଶ୍ୱର ଉଚ୍ଚମାଧ୍ୟମିକ ବିଦ୍ୟାଳୟ ପରିସରରେ ପାଳିତ ହୋଇଯାଇଛି । ଆୟୋଜିତ କାର୍ଯ୍ୟକ୍ରମରେ ସ୍ଥାନୀୟ ସରପଂଚ ତଥା ନୀଳମଣି ବିଦ୍ୟାରତ୍ନ ଜୟନ୍ତୀ କମିଟିର ସଭାପତି ସୁରଞ୍ଜନ ପଣ୍ଡା ଅଧ୍ୟକ୍ଷତା କରିଥିଲେ । ମୁଖ୍ୟଅତିଥି ଭାବେ ବିଧାୟକ ଦେବୀରଞ୍ଜନ ତ୍ରିପାଠୀ ଯୋଗଦାନ କରି ବିଦ୍ୟାରତ୍ନଙ୍କ ଜୀବନୀ ଉପରେ ଆଲୋକପାତ କରିବା ସହିତ ବିଦ୍ୟାରତ୍ନ ବାଙ୍କୀର ଗର୍ବ ଓ ଗୌରବ ବୋଲି କହିଥିଲେ । ସମ୍ମାନିତ ଅତିଥି ଭାବେ ବାଙ୍କୀର ସହକାରୀ ଜିଲ୍ଲାପାଳ ପ୍ରିୟଙ୍କା ଜୁଝାର ସିଂ,

କବି ରବିନାରାୟଣ ମଙ୍ଗରାଜ, ବାଙ୍କୀ କେନ୍ଦ୍ର ସମବାୟ ବ୍ୟାଙ୍କର ସଭାପତି ସୁବାସ ଚନ୍ଦ୍ର ପାଢୀ, ସମିତିସଭ୍ୟ ମହେଶ୍ୱର ମହାପାତ୍ର, ଜିଲ୍ଲାପରିଷଦ ସଦସ୍ୟା ରଶ୍ମିତା ସାହୁ, ସାମ୍ବାଦିକ ସମରେନ୍ଦ୍ର ମହାପାତ୍ର , କବି ସୁନୀଲ୍ କୁମାର ମିଶ୍ର, ପ୍ରାଧ୍ୟାପକ ମନୋଜ କୁମାର ମହାପାତ୍ର, କବିକୌଶିକ ନାୟକ, କମଳାକାନ୍ତ ପ୍ରହରାଜ ଉପଖଣ୍ଡ ସୂଚନା ଓ ଲୋକସଂପର୍କ ଅଧିକାରୀ କାଳୀଚରଣ ତ୍ରିପାଠୀ , ସାମ୍ବାଦିକ ବିଭୂପ୍ରସାଦ ସାମଲ ପ୍ରମୁଖ ଯୋଗଦାନ କରି ବିଦ୍ୟାରତ୍ନଙ୍କୁ ଓଡ଼ିଶାର ବରପୁତ୍ର ଭାବେ ବର୍ଣ୍ଣନା କରିଥିଲେ । ସେ ଜଣେ ଆଦର୍ଶ ସାମ୍ବାଦିକ , ସଂଗଠକ ଓ ବିଭିନ୍ନ ପତ୍ରପତ୍ରିକାର ସଂପାଦକ ଭାବେ କାର୍ଯ୍ୟକରି ସୁନାମ ଅର୍ଜନ କରିଥିଲେ ବୋଲି କହିଥିଲେ । ସମିତି ସଭ୍ୟ ମହେଶ୍ୱର ମହାପାତ୍ର ଧନ୍ୟବାଦ ଅର୍ପଣ କରିଥିଲେ ।