କଟକ (ଓଡିଶା ତାଜା ନ୍ୟୁଜ ) ନି. ପ୍ର :- କଟକ ସହରର ୭୩ ଟି ପୂଜା ମଣ୍ଡପର ମା, କାଳୀଙ୍କ ପ୍ରତିମୂର୍ତ୍ତି ଦୀପାବଳୀ ଠାରୁ ପାରମ୍ପରିକ ରୀତିନୀତିରେ ପୂଜା ଅର୍ଚ୍ଚନା କରାଯିବା ପରେ ଆଜି ପ୍ରାୟ ୨୭ ଟି ମାଙ୍କ ପ୍ରତିମୂର୍ତ୍ତିକୁ ସୁସଜ୍ଜିତ ବାଦ୍ୟ ରୋଷଣୀରେ ନିଆଯାଇ ଦେବୀ ଗଡା ଠାରେ ମେଲାଣି ଦିଆଯାଇଛି । ଏଥିରେ କଟକର କାଳୀପୂଜା ଭସାଣୀ ଉତ୍ସବରେ ନୃତ୍ୟ, ଘଣ୍ଟ ଘଣ୍ଟା କାହାଳୀ, ମାଦଳ, ଢୋଲ ଦୁଲ ଦୁଲରେ କମ୍ଫିଥିଲା ସହର । ଦୋଳ ମୁଣ୍ଡାଇ ପୁଜା ମଣ୍ଡପ, ଖପୂରିଆ ଅଞ୍ଚଳର ପୁଜା ମଣ୍ଡପ, ମଙ୍ଗଳାବାଗ ପୁଜା କମିଟି, କାଠ ଗଡା ସାହି ପୁଜା କମିଟି,
ଚାଉଳିଆଗଞ୍ଜ ପୂଜା କମିଟି, ଏଵଂ ଶେଖ୍ ବଜାର ପୁଜା କମିଟିର ଶୋଭାଯାତ୍ରା ଗୁଡିକ ବହୁ ଆକର୍ଷଣୀୟ ହୋଇଥିଲା । ଏହି ଶୋଭାଯାତ୍ରା ପାଇଁ ପୋଲିସ ପକ୍ଷରୁ କଡା ସୁରକ୍ଷା ବ୍ୟବସ୍ଥା ଗ୍ରହଣ ସହ ସ୍ଵତନ୍ତ୍ର ଟ୍ରାଫିକ କଟକଣା ଜାରୀ କରାଯାଇଥିଲା । ଦେବୀ ଗଡା ଠାରେ ସ୍ଵତନ୍ତ୍ର ସୁରକ୍ଷା ଗ୍ରହଣ କରାଯାଇ ଏହାର ସୁରକ୍ଷା ଦୃଷ୍ଟିରୁ କଟକ ସହରରେ ୭୦ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଥିଲା । ଏଥି ଶହ ୬୦ ଟି ପୋଲିସ୍ ଏଡପୋଷ୍ଟ ଖୋଲାଯାଇ ସ୍ଥିତି ଉପରେ ନଜର ରଖିଥିଲା ପୋଲିସ କମିଶନରେଟ ।
ଏହାର ଦାୟିତ୍ଵ ତଦାରଖ କରିବା ପାଇଁ ୨୫୦ ଜଣ ଏସ ଆଇ, ଓ ଏଏସ ଆଇ ,୪୦ ଜଣ ଇନ୍ସପେକ୍ଟର,୧୦ ରୁ ଅଧିକ ଡିଏସପି, ରାୟଙ୍କ ଅଫିସର ଓ ୨ ଜଣ ଏଡିସିପି ନିୟୋଜିତ ହୋଇ ଥିଲେ । କଟକ ସହରର ମୋଟ ୭୩ ଟି ପୂଜା ମଣ୍ଡପରେ ମା, କାଳୀଙ୍କ ମୃଣୟୀ ପ୍ରତିମୂର୍ତ୍ତି ପୂଜା ପାଇ ଆଜି ଆରମ୍ଭ ହୋଇଥିଲା ଭସାଣୀ ଉତ୍ସବ । ମା, ଙ୍କର ଏହି ଭସାଣି ଶୋଭାଯାତ୍ରା ଦେଖିବା ପାଇଁ ହଜାର ହଜାର ସଂଖ୍ୟାରେ ମହିଳା, ପୁରୁଷମାନେ ସମବେତ ହୋଇଥିଲେ। କଟକର ଏହି ମା, କାଳୀଙ୍କ ପୂଜା ଉତ୍ସଵ ମହାସମାରୋହରେ ପାଳିତ ହୋଇଥାଏ। ଏହି ଉପଲକ୍ଷେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମମାନ ବହୁ ଅନୁଷ୍ଠିତ ପକ୍ଷରୁ ହୋଇଯାଇଛି ।
