<h4><strong><span style="color: #ff0000;"><em>୧୮ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଫିରିଙ୍ଗିଆ :–> </em></span> ମନୁଷ୍ୟ ଅଧିକ ଦିନ ଧରି ମାନସିକ ଚାପ ରେ ରହିଲେ ତାହା ମାନସିକ ଅସୁସ୍ଥତା ଆଡକୁ ଗତି କରିଥାଏ । ଏହାର ସଠିକ୍ ପରିଚାଳନା କରିବାକୁ ହେଲେ ଚାପରେ ରହୁଥିବା ସମୟରେ ବ୍ୟବହାର ରେ ସକରାତ୍ମକ ଚିନ୍ତା ଆଣିବାକୁ ହେବ । ଏହିପରିପ୍ରେକ୍ଷି ରେ ବେସିକ୍ ନିଡ୍ ଇଣ୍ଡିଆ, ବାଙ୍ଗାଲୋର ଓ ସ୍ୱେଚ୍ଚାସେବୀ ଅନୁଷ୍ଠାନ ସ୍ୱାତୀ ଙ୍କ ମିଳିତ ସହଯୋଗ ରେ କନ୍ଧମାଳ ଜିଲ୍ଲାର ଦୁଇଟି ଯଥା- ଫୁଲବାଣୀ ଓ ଫିରିଙ୍ଗିଆ ବ୍ଲକ ର ୩୦ ଗୋଟି ପଂଚାୟତ ରେ ମାନସିକ ରୋଗି ଙ୍କୁ ଚିହ୍ନଟିକରଣ , ସେମାନଙ୍କ ର ଚିକିତ୍ସା ଓ ସ୍ଥାୟୀ ଜିବନଜିବିକା ନିମନ୍ତେ ଗୋଷ୍ଠିସ୍ତରୀୟ ମାନସିକ ସ୍ୱାସ୍ଥ୍ୟ ବିକାଶ-ଉଗଐଊ କାର୍ଯ୍ୟକ୍ରମ ବିଗତ ତିନି ବର୍ଷ ହେବ କାର୍ଯ୍ୟକାରୀ ହୋଇଆସୁଛି ।</strong><img class="alignnone wp-image-156446" src="https://odishatazanews.com/wp-content/uploads/2024/09/FIRINGIYA-2-300x225.jpeg" alt="" width="823" height="617" /></h4> <h4><strong>ଏହାର ସୁଫଳ ପାଇଁ ଆଜି ଅନୁଷ୍ଠାନଙ୍କ ବନ୍ଧଗଡ ସ୍ଥିତ ତାଲିମ କେନ୍ଦ୍ର ଠାରେ ଏକ ଦିନିକିଆ ଚାପ ନିୟନ୍ତ୍ରଣ ପରିଚାଳନା ସହିତ ନେଟଓାର୍କିଂ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ କନ୍ଧମାଳ ଜିଲ୍ଲା ମାନସିକ ସ୍ୱାସ୍ଥ୍ୟ କାର୍ଯ୍ୟକ୍ରମର କ୍ଲିନିକାଲ୍ ସାଇକୋଲୋଜିଷ୍ଟ ତପଶ୍ୱିନି ଆଚାର୍ଯ୍ୟ ମନୁଷ୍ୟ କେତେବେଳେ ଚାପ ରେ ଆସିଥାଏ ତାହା ଉଦାହରଣ ମାଧ୍ୟମରେ ବୁଝାଇବା ସହ ସେଥିରୁ ମୁକୁଳିବା ପାଇଁ ନିଜର ଚିନ୍ତାଧାରା କୁ ସକରାତ୍ମକ କରିବା ସହିତ ମନଭିତରକୁ ଅବାଧରେ ପ୍ରବେଶ କରୁଥିବା ନକରାତ୍ମକ ଚିନ୍ତାଧାରାକୁ ଦୂରେଇ ମାନସିକ ଚାପରୁ ମୂକୁଳିବା ର ଉପାୟ ଜଣାଇଥିଲେ । ତତ୍ ସହିତ ମାଳତୀ ବେହେରା ମାନସିକ ଅସୁସ୍ଥ ବ୍ୟକ୍ତି ଙ୍କୁ ସରକାର ଙ୍କ ଦ୍ୱାରା ଇ.ସଞୀବନୀ ମାଧ୍ୟମରେ ଯୋଗାଇ ଦିଆଯାଉଥିବା ସେବା କୁ ପ୍ରାଞଳ ଭାବରେ ସୂଚନା ଦେଇଥିଲେ ।</strong><img class="alignnone wp-image-156448" src="https://odishatazanews.com/wp-content/uploads/2024/09/FIRINGIYA-1-300x225.jpeg" alt="" width="783" height="587" /></h4> <h4><strong> ଫୁଲବାଣୀ ସମନ୍ୱୀତ ଶିଶୁ ବିକାଶ ଅଧିକାରୀ ବୈଜୟନ୍ତୀ ପ୍ରଧାନ ଯୋଗଦେଇ ନିଜର ଚାପ କୁ ବିଭିନ୍ନ ଉପାୟରେ ନିୟନ୍ତ୍ରଣ କରିପାରିଲେ ନିଶ୍ଚିତ ମାନସିକ ଅସୁସ୍ଥତା ରୁ ରକ୍ଷା ପାଇପାରିବା ବୋଲି କହିଥିଲେ । ଫିରିଙ୍ଗିଆ ପ୍ରେସ୍ କ୍ଲବ୍ ର ସମସ୍ତ ସଭ୍ୟ ମାନେ ଯୋଗ ଦେଇଥିବା ବେଳେ ସଭାପତି ଉତମ ଖମାରୀ ସ୍ଥାନୀୟ ଅଂଚଳ ରେ ମାନିସୀକ ଅସୁସ୍ଥତାରେ ରହୁଥିବା ପରିବାର ମାନଙ୍କୁ କିଭଳି ଚିକିତ୍ସା ପାଇଁ ଯୋଡାଯାଇ ପାରିବ ତାହା ର ପ୍ରଚାରରେ ଗଣମାଧ୍ୟମ ନିଶ୍ଚିତ ସହାୟତା ର ହାତ ବଢାଇବ ବୋଲି କହିଥିଲେ । ଓଡିଶା ଜିବିକା ମିଶନ୍ ର ବ୍ଲକ୍ ଜିବିକା ସଂଯୋଜକ ରୁବିନା ନାୟକ ସ୍ୱୟଂସହାୟକ ଦଳ ମାଧ୍ୟମରେ ମାନସିକ ଅସୁସ୍ଥ ବ୍ୟକ୍ତି ଙ୍କ ପରିବାର ଙ୍କୁ ସାମିଲ କରି ତାଙ୍କ ପରିବାର ର ଆର୍ଥୀକ ସ୍ଥିତି କୁ ସୁଦୃଢ କରିବାକୁ ଚେଷ୍ଟାକରାଯିବା ସହ ବିଭିନ୍ନ ଯୋଜନା ରେ ସାମିଲ କରିବାକୁ ଚେଷ୍ଟାକରାଯିବ ବୋଲି କହିଥିଲେ ।</strong><img class="alignnone wp-image-156447" src="https://odishatazanews.com/wp-content/uploads/2024/09/FIRINGIYA-3-300x225.jpeg" alt="" width="788" height="591" /></h4> <h4><strong> ବେସିକ୍ ନିଡ୍ ଈଣ୍ଡିଆ ର ରାଝ୍ୟ ସଂଯୋଜକ ରାଜିବ କର୍ମୀ ନେଟଓାର୍କିଂ ବୈଠକ ରେ ସମସ୍ତ ଙ୍କ ସହଯୋଗରେ ଅବହେଳିତ ହୋଇ ରହିଯାଉଥିବା ମାନସିକ ଅସୁସ୍ଥ ବ୍ୟକ୍ତି ଥିବା ପରିବାରଙ୍କୁ ସମାଜ ର ମୂଖ୍ୟ ସ୍ରୋତରେ ସାମିଲ କରି ହେବ ବୋଲି କହିଥିଲେ । ସଂପାଦକ ହରି ଶଙ୍କର ରାଉତ କାର୍ଯ୍ୟକ୍ରମ କୁ ପରିଚାଳନା କରିଥିବା ବେଳେ ସଂଯୋଜକ ବୈକୁଣ୍ଠ ଚନ୍ଦ୍ର ଦାଶ ଓ କ୍ଷେତ୍ର ସଂଯୋଜକ ଆଲୋକ ସାମନ୍ତରାଏ ସହଯୋଗ କରିଥିଲେ । ପରିବାର ସହାୟକ ଗୋଷ୍ଠୀ ରୁ ଆସିଥିବା ଅରୁଣ କୁମାର ନାୟକ ମାନସିକ ସ୍ୱାସ୍ଥ୍ୟ କାର୍ଯ୍ୟକ୍ରମ କୁ ସୂଦୁର ପ୍ରସାରୀ କରିବାକୁ ଦାବି ଆଣିବାକୁ ଗଣମାଧ୍ୟମ ପ୍ରତିନିଧି ମାନଙ୍କୁ ଅନୁରୋଧ କରିଥିଲେ ।</strong><img class="alignnone wp-image-156150" src="https://odishatazanews.com/wp-content/uploads/2024/09/odisha-tazanews-fulubani-shntosh-Copy-300x69-300x69.jpg" alt="" width="778" height="179" /></h4>