ସୌମ୍ୟ ରଂଜନ ପଟ୍ଟନାୟକ ବଦ୍ରିନାରାୟଣ ପାତ୍ରଙ୍କ ବିରୋଧରେ ଲଢିବା ପାଇଁ ରଣହୁଙ୍କାର ଦେଇଛନ୍ତି

୩ ଏପ୍ରିଲ, ୨୦୨୪ (ଓଡ଼ିଶା ତାଜା ନ୍ୟୁଜ୍ ) କେଶଦୁରାପାଳ :-> ସୌମ୍ୟ ରଂଜନ ପଟ୍ଟନାୟକ ବଦ୍ରିନାରାୟଣ ପାତ୍ରଙ୍କ ବିରୋଧରେ ଲଢିବା ପାଇଁ ଆଜି ରଣହୁଙ୍କାର ଦେଇଛନ୍ତି । ଘସିପୁରା ନିର୍ବାଚନ ମଣ୍ଡଳୀରୁ ସ୍ୱାଧିନ ପ୍ରାର୍ଥୀ ଭାବେ ନିର୍ବାଚନ ଲଢ଼ିବେ ସୌମ୍ୟ । ଏନେଇ ଏକ ବୈଠକ ନିଜ ଆନନ୍ଦପୁର ବାସଭବରେ ଅନୁଷ୍ଠିତ ହୋଇଯାଇଛି ।ଏହି ବୈଠକରେ ବିଭିନ୍ନ ଦଳର କର୍ମୀ, ବୁଦ୍ଧିଜିବୀ ଓ ଘସିପୁରା ନିର୍ବାଚନ ମଣ୍ଡଳୀର ବରିଷ୍ଠ ନେତାମାନେ ଉପସ୍ଥିତ ଥିଲେଲ କେନ୍ଦୁଝର ଜିଲ୍ଲାର ବହୁଚର୍ଚ୍ଚିତ ଘସିପୁରା ନିର୍ବାଚନ ମଣ୍ଡଳୀର ପାଣିପାଗ ଏବେ ବଦଳିବାରେ ଲାଗିଛି ।

ଏହି ଆସନରୁ ବିଜେଡ଼ିର ଖଣ୍ଡପଡ଼ା ବିଧାୟକ ସୌମ୍ୟ ରଂଜନ ପଟ୍ଟନାୟକ ବିଜେପି ଟିକେଟର ଲଢ଼ିବେ ବୋଲି ନିଜେ ଏକ ପ୍ରକାର ମନସ୍ଥ କରିଥିଲେ ଏବଂ ଦଳ ପକ୍ଷରୁ ତାଙ୍କୁ ନିର୍ଭର ପ୍ରତିଶ୍ରୁତି ମିଳିଛି ବୋଲି କହିଥିଲେ । ଏଥିପାଇଁ ଉସ୍ୱାହର ସହିତ ସୌମ୍ୟ ରଂଜନ ପୁରୀ ଯାଇ ଜଗନ୍ନାଥଙ୍କୁ ଦର୍ଶନ କରିବା ପରେ ଘଟଗାଁ ମା’ ତାରିଣୀଙ୍କ ଦର୍ଶନ କରି ଆଶିର୍ବାଦ ଭିକ୍ଷା କରିଥିଲେ ।