ଫ୍ୟୁଜନ୍ ମାଇକ୍ରୋ ଫାଇନାନ୍ସ ପକ୍ଷରୁ ଓଡିଶାର ଭବାନୀପାଟଣାରେ ଆର୍ଥିକ ସାକ୍ଷରତା କାର୍ଯ୍ୟକ୍ରମ ଆୟୋଜନ – ଏଥିରେ ୧୬୦ ମହିଳା ଅଂଶଗ୍ରହଣ କରିଥିଲେ

୧୭ ଜାନୁଆରୀ ମଙ୍ଗଳବାର,୨୦୨୩ ( ଓଡ଼ିଶା ତାଜାନ୍ୟୁଜ ) ଭବାନୀପାଟଣା :- ଭାରତର ଦ୍ୱିତୀୟ ବୃହତମ ଏନବିଏଫସି-ଏମଏଫଆଇ ଫ୍ୟୁଜନ ମାଇକ୍ରୋ ଫାଇନାନ୍ସ, ଅବହେଳିତ ମହିଳାମାନଙ୍କୁ ଅର୍ଥନୈତିକ ସୁଯୋଗ ପ୍ରଦାନ କରି ଓଡିଶାର ଭବାନୀପାଟନାରେ ଏକ ଆର୍ଥିକ ସାକ୍ଷରତା କାର୍ଯ୍ୟକ୍ରମ ଆୟୋଜନ କରିଥିଲା । ଅଧିବେଶନ ସମୟରେ ମହିଳାମାନଙ୍କୁ ଆର୍ଥିକ ସାକ୍ଷରତାର ଗୁରୁତ୍ୱ ବିଷୟରେ ବର୍ଣ୍ଣନା କରାଯାଇଥିଲା ଏବଂ ଭବାନୀପାଟନା ଗାଁର ପ୍ରାୟ ୧୬୦ ମହିଳା ଏହି ସଚେତନତା କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ ।

ଫ୍ୟୁଜନ୍ ମାଇକ୍ରୋ ଫାଇନାନ୍ସ ଶ୍ରେଣୀଗୃହ ତାଲିମ ମାଧ୍ୟମରେ ଆର୍ଥିକ ପରିଚାଳନା ଏବଂ ଡିଜିଟାଲ୍ ଦେୟର ଗୁରୁତ୍ୱ ବ୍ୟାଖ୍ୟା କରିବାର ଏହି ପଦକ୍ଷେପ ଗ୍ରହଣ କରିଥିଲା, ଭୂମିକା ଗ୍ରହଣ, କେସ୍ ଅଧ୍ୟୟନ, ପ୍ରଶ୍ନାବଳୀ, ଭିଡିଓ, ଗେମ୍ ଇତ୍ୟାଦି ପରି ଇଣ୍ଟରାକ୍ଟିଭ୍ ମଡ୍ୟୁଲ୍ ବ୍ୟବହାର କରି ରୋଜଗାର, ଖର୍ଚ୍ଚ, ବିନିଯୋଗ, ଋଣ ଏବଂ ସଂଚୟ ର ଆବଶ୍ୟକତା ବ୍ୟାଖ୍ୟା କରିଥିଲା । ତାଲିମ ଦଳର ସଦସ୍ୟମାନେ ବିଭିନ୍ନ ସରକାରୀ ଯୋଜନା ଏବଂ ସେମାନଙ୍କର ବିଭିନ୍ନ ଲାଭ ବିଷୟରେ ମଧ୍ୟ ସଚେତନତା ସୃଷ୍ଟି କରିଥିଲେ ।

ଫ୍ୟୁଜନ୍ ମାଇକ୍ରୋ ଫାଇନାନ୍ସର ବରିଷ୍ଠ ବିଭାଗୀୟ ପରିଚାଳକ, ଆଂଚଳିକ, ପ୍ରଶାନ୍ତ ସୁବୁଧି କହିଛନ୍ତି, “ମହିଳାମାନେ ସ୍ୱାଧୀନ ହେବା ଏବଂ ସେମାନଙ୍କ ଆୟରୁ ଟଙ୍କା ସଂଚୟ କରିବାର ସ୍ମାର୍ଟ ପଦ୍ଧତି ସୃଷ୍ଟି କରିବା ପାଇଁ ଆର୍ଥିକ ସାକ୍ଷରତା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଆମର ଆର୍ଥିକ ସାକ୍ଷରତା କାର୍ଯ୍ୟକ୍ରମ ମାଧ୍ୟମରେ, ଆମେ ଏହି ଅବହେଳିତ ମହିଳାମାନଙ୍କ ମଧ୍ୟରେ ବିଦ୍ୟମାନ ଥିବା ବ୍ୟାପକ ଜ୍ଞାନ ବ୍ୟବଧାନକୁ ପୂରଣ କରିବାକୁ ଲକ୍ଷ୍ୟ ରଖିଛୁ ଯେଉଁମାନଙ୍କର ମୁଖ୍ୟସ୍ରୋତ ଆର୍ଥିକ ସେବା ନାହିଁ । ଆମର କାର୍ଯ୍ୟକ୍ରମ ବିଭିନ୍ନ ପ୍ରକାରର ବିଷୟବସ୍ତୁ ଅନ୍ତର୍ଭୁକ୍ତ କରେ ଯେପରିକି ଗୃହ ବଜେଟ୍‌, ବିନିଯୋଗ, ଅତ୍ୟଧିକ ଋଣରୁ ରକ୍ଷା କରିବା, ସଂଚୟ ପ୍ରତି ଏକ ସକରାତ୍ମକ ମନୋଭାବ ସୃଷ୍ଟି କରିବା ଏବଂ ଆର୍ôଥକ ସ୍ଥିରତା ।”ଆର୍ଥିକ ସାକ୍ଷରତା କାର୍ଯ୍ୟକ୍ରମ ପ୍ରମୋଦ ତାଣ୍ଡି, ଏଫଏଲପି ପ୍ରଶିକ୍ଷକ ଏବଂ ଫ୍ୟୁଜନ୍ ମାଇକ୍ରୋ ଫାଇନାନ୍ସ ଦ୍ୱାରା ପରିଚାଳିତ ହୋଇଥିଲା । କର୍ପୋରେଟ୍ ସାମାଜିକ ଦାୟିତ୍ୱ (ସିଏସଆର) କାର୍ଯ୍ୟକଳାପ ମାଧ୍ୟମରେ ସମାଜରେ ଯୋଗଦାନ କରିବା ଏବଂ ସାମାଜିକ ଅନଗ୍ରସର ବର୍ଗର ମହିଳାମାନଙ୍କ ପାଇଁ ଆର୍ଥିକ ଏବଂ ଡିଜିଟାଲ୍ ବ୍ୟବଧାନକୁ ଦୂର କରିବା ପାଇଁ ଫ୍ୟୁଜନ୍ ମାଇକ୍ରୋ ଫାଇନାନ୍ସର ପ୍ରୟାସର ଏକ ଅଂଶ ଥିଲା । ଏହି ସ୍କେଲରେ ତୃଣମୂଳ ସ୍ତରରେ ମହିଳାମାନଙ୍କୁ ଶିକ୍ଷିତ କରିବା ପାଇଁ ଫ୍ୟୁଜନ୍ ମାଇକ୍ରୋ ଫାଇନାନ୍ସର ପ୍ରୟାସକୁ ଭବାନୀପାଟନାର ପୌରପାଳିକା ଅଧ୍ୟକ୍ଷା ସମ୍ମାନିତ ଅତିଥି ଶ୍ରୀମତୀ ସଂଜୁକ୍ତା ବେହାରା ଅତ୍ୟନ୍ତ ପ୍ରଶଂସା କରିଥିଲେ । ଏହି କାର୍ଯ୍ୟକ୍ରମରେ ଫ୍ୟୁଜନ୍ ସଦସ୍ୟ ପ୍ରଶାନ୍ତ ସୁବୁଧି, ବରିଷ୍ଠ ବିଭାଗୀୟ ପରିଚାଳକ, ସମୀର ମୋହନୀ – ବରିଷ୍ଠ ଏରିଆ ମ୍ୟାନେଜର, ଲୋକନାଥ ସାହୁ, ଆଡମିନ୍ ଏବଂ ଅନ୍ୟ କର୍ମଚାରୀମାନେ ଉପସ୍ଥିତ ଥିଲେ ।

୨୦୨୨-୨୩ ମଧ୍ୟରେ, ଫ୍ୟୁଜନ୍ ଭାରତର ୧୧ଟି ରାଜ୍ୟରେ ୧୬ ଟି ଆର୍ଥକ ସାକ୍ଷରତା କାର୍ଯ୍ୟକ୍ରମରେ ପ୍ରାୟ ୪୫୦୦ ଲୋକଙ୍କୁ ତାଲିମ ଦେଇଛି । ମହିଳାମାନଙ୍କୁ ଅଧିକ ସହାୟତା ଦେବା ପାଇଁ ବିଭିନ୍ନ ଜିଲ୍ଲାରେ ଫ୍ୟୁଜନ୍ ସହାୟତା କେନ୍ଦ୍ର ପ୍ରତିଷ୍ଠା କରାଯାଇଥିଲା ଯାହା ଦ୍ୱାରା ଲୋକମାନେ ସରକାରୀ ଯୋଜନା, ଏଟିଏମ୍ କାର୍ଡ ଏବଂ ସାଧାରଣ ସେବା କେନ୍ଦ୍ର (ସିଏସସି)ର ସହାୟତାରେ ବ୍ୟାଙ୍କ ଆକାଉଣ୍ଟ ଖୋଲିବାରେ ସାହାଯ୍ୟ କରିବେ । ଏହି କାର୍ଯ୍ୟକ୍ରମ ଅଂଶଗ୍ରହଣ କାରୀମାନଙ୍କୁ ଆର୍ଥିକ ଡାଏରୀ ବଜାୟ ରଖିବା, ଏଟିଏମ କାର୍ଡ ବ୍ୟବହାର କରିବା ଏବଂ ବ୍ୟାଙ୍କ ସଂଚୟ ଆରମ୍ଭ କରିବାକୁ ଉତ୍ସାହ ଦେଇଛି ।