୪ ଜାନୁଆରୀ ବୁଧବାର୨୦୨୩ ( ଓଡ଼ିଶା ତାଜା ନ୍ୟୁଜ ) ବାଲୁଗାଁ :- ଖୋର୍ଦ୍ଧା ଜିଲ୍ଲା ବାଲୁଗାଁ ଏନଏସି ଦୀର୍ଘ ୪୦ ବର୍ଷ ହେବ ଏନଏସି ମାନ୍ୟତା ପାଇଥିଲେ ସୁଦ୍ଧା ଅଦ୍ୟାବଧି ସ୍ୱାଗତ ଫଳକଟିଏ ଅବା ସେଲଫି ପଏଣ୍ଟ ଦେଖିବାକୁ ମିଳୁ ନଥିଲା । ଏ ବିଷୟରେ ବାରମ୍ଵାର ପ୍ରଶାସନ ନିକଟରେ ଦାବୀ କରି ଥିଲେ ମଧ୍ୟ ଏଥି ପ୍ରତି କାହାରି ଦୃଷ୍ଟି ପଡୁ ନ ଥିଲା, ବିଧାୟକ ଚିଲିକା ପ୍ରଶାନ୍ତ ଜଗଦେବ ଓ ସାଂସଦ ପୁରୀ ପିନାକୀ ମିଶ୍ର ଙ୍କ ଚେଷ୍ଟା ରେ ବାଲୁଗାଁ ଏନଏସି ନଗରପାଳିକା ଶ୍ରୀମତୀ ସୁକାନ୍ତି ପାଇକରାୟ ବାଲୁଗାଁ ସହର କୁ ସରସ ସୁନ୍ଦର କରିବା ପାଇଁ ସେଲଫି ପଏଣ୍ଟ ଶୁଭ ଉଦଘାଟନ କରିଛନ୍ତି l ବିଶ୍ୱ ପ୍ରସିଦ୍ଧ ନୀଳମ୍ବୁ ଚିଲିକା କୁଳ ଠାରେ ପର୍ଯ୍ୟଟକ ଙ୍କ ଆନନ୍ଦ ପାଈଁ “ଆଇ ଲଭ ଚିଲିକା” ସେଲ୍ଫି ପଏଣ୍ଟ ଯୁବ ବର୍ଗଙ୍କର ଖୁବ୍ ମନଲୋଭା ହୋଇପାରିଛି ।ସ୍ଥାନୀୟ ବାସିନ୍ଦାଙ୍କ ସମେତ ଆଖପାଖ ଅଞ୍ଚଳ ହେଉ ଅବା ବାହାରୁ ଦୈନନ୍ଦିନ ଅନେକ ଲୋକଙ୍କ ଯିବା ଆସିବା ଲାଗି ରହିଥିବା ବେଳେ ବର୍ତ୍ତମାନ ପର୍ଯ୍ୟଟନ ଋତୁରେ ଦେଶବିଦେଶରୁ ଅନେକ ପର୍ଯ୍ୟଟକଙ୍କ ସୁଅ ଛୁଟିବାରେ ଲାଗି ଥିବା ବେଳେ ବାହାରୁ ଆସୁଥିବା ଲୋକମାନେ ବାଲୁଗାଁ ସହରର ଅବସ୍ଥିତି ଜାଣିବା କଷ୍ଟକର ହୋଇପଡୁଛି ।ବହୁ ଦିନର ଅପେକ୍ଷାରେ ଅନ୍ତ ଘଟାଇ ମୁକ୍ତା ଯୋଜନାରେ ବାଲୁଗାଁ ସୋମନାଥ ବସଷ୍ଟାଣ୍ଡ ଓ ଉତ୍ତର ପାର୍ଶ୍ଵ ମାମୁଁ ଭଣଜା ପାଦଦେଶ ପୋଲିସ ଥାନା ଠାରେ ନବନିର୍ମିତ ଦୁଇ ଗୋଟି ସ୍ୱାଗତ ଫଳକ ସହ ଚିଲିକା କୁଳ ଜେଟି ଠାରେ ଏକ ସେଲଫି ପଏଣ୍ଟ ଏନଏସି ଅଧ୍ୟକ୍ଷା ସୁକାନ୍ତି ପାଇକରାୟଙ୍କ କରକମଳରେ ଉଦଘାଟିତ ହୋଇଯାଇଛି । ଏଥି ସହିତ ବାଲୁଗାଁ-ବାଣପୁର ରେଲୱେ ଓଭର ବ୍ରିଜ ଉପରେ ଥିବା ବିଦ୍ୟୁତ ଖୁଣ୍ଟର ସୌନ୍ଦର୍ଯ୍ୟକରଣ ପାଇଁ ଜାତୀୟ ପତାକା ରଙ୍ଗର ଉଜ୍ବଳ ଲାଇଟ ଏବଂ ବିଜ୍ଞାପିତ ପରିଷଦର ପରିମଳ କାର୍ଯ୍ୟ ପାଇଁ ନୂତନ ଭାବେ ନିୟୋଜିତ ଗୋଟିଏ ଟ୍ରାକ୍ଟର ଓ ଦୁଇଟି ଟାଟା ଏସି ର ଶୁଭ ଉଦଘାଟନ ହୋଇଯାଇଛି ଏବଂ ଅଂଚଳର ସମସ୍ତ ଜନସାଧାରଣ ଙ୍କୁ ଏ ସବୁକୁ ଉତ୍ସର୍ଗୀକୃତ କରିଛନ୍ତି । ଉକ୍ତ କାର୍ଯ୍ୟକ୍ରମରେ ଉପନଗର ପାଳ ଭଗବାନ ପ୍ରଧାନ, ଯୁବ ନେତା ତଥା ନଗରପାଳ ଙ୍କ ପ୍ରତିନିଧି ସନ୍ତୋଷ ପାଇକରାୟ, ଏମପି ପ୍ରତିନିଧି ଅକ୍ଷୟ ରଣସିଂହ, ବିଜେଡି ନଗର ମଣ୍ଡଳୀ ସଭାପତି ଜୟନ୍ତ ସ୍ୱାଇଁ, ବିଧାୟକ ପ୍ରତିନିଧି ପ୍ରକାଶ ପ୍ରଧାନ, କାର୍ଯ୍ୟ ନିର୍ବାହୀ ଅଧିକାରୀ ସ୍ୱପ୍ନାରାଣୀ ପାଢ଼ୀ, ପୌର ପରିଷଦ ଯନ୍ତ୍ରୀ ସୁରେଶ ମଲିକ,କନିଷ୍ଠ ଯନ୍ତ୍ରୀ ବିମଲ କୁମାର ମିଶ୍ର, ଡିଜିଟାଲ ସେକ୍ରେଟାରୀ ବଟକୃଷ୍ଣ ପ୍ରଧାନ, କାଉନସିଲର ଅଭିମନ୍ୟୁ ସ୍ୱାଇଁ, ଲଷ୍ମୀଧର ସେଠି, ଶ୍ରୀମତୀ ସୁଜାତା ପଣ୍ଡା, ମମତା ପଣ୍ଡା, ଅନିତା ସ୍ୱାଇଁ ପ୍ରମୁଖ ଉପସ୍ଥିତ ଥିବା ବେଳେ, ମୁକ୍ତା ବିଭାଗ ରେ ରଜନୀକାନ୍ତ ବେହେରା, ବିଜେଡି କାର୍ଯ୍ୟକାରି ସଭାପତି ଜନାବ ବୁଲା ଖାଁ, ବାଲୁଗାଁ ଆଞ୍ଚଳିକ ମହିଳା ମହାସଂଘ ର ସଭାପତି ଶ୍ରୀମତୀ ବନିତା ପ୍ରଧାନ, ମିନତି ଗଜେନ୍ଦ୍ର, ଏନଏସି ର ସମସ୍ତ କର୍ମଚାରୀ ଏବଂ ସ୍ଵଛ ସାଥି ଶ୍ରୀମତୀ ଉଷାରଣୀ ମିଶ୍ର, ତୁଳସୀ ବେହେରା ଓ ବାଲୁଗାଁ ଏନଏସି ର ଅନେକ ବରିଷ୍ଠ ବିଜେଡି ନେତା ପ୍ରକାଶ ପାଢ଼ୀ, ଶଙ୍କର ପଣ୍ଡା ପ୍ରମୁଖ ଉପସ୍ଥିତ ଥିଲେ । ଆଶାତୀତ ଭାବରେ ଜନସାଧାରଣଙ୍କର ସମାଗମ ପରିବେଶକୁ ବେଶ୍ ସରସ ସୁନ୍ଦର କରିଦେଇଥିଲା ।