ମୋହନା ବ୍ଲକ ପ୍ରାଥମିକ ଶିକ୍ଷକ(ଏକ୍ସ କ୍ୟାଡ଼ର) ଓ ଗଣ ଶିକ୍ଷକଙ୍କ ୮ ଦଫା ଦାବି ନେଇ ଶୋଭାଯାତ୍ରା

୬ ଡିସେମ୍ବର ମଙ୍ଗଳବାର ( ଓଡ଼ିଶା ତାଜା ନ୍ୟୁଜ ) ପାରଳାଖେମୁଣ୍ଡି :- ଗଜପତି ଜିଲ୍ଲା ମୋହନ ବ୍ଳକ ଶିକ୍ଷକ ସଂଘ ପକ୍ଷରୁ ବ୍ଲକ କାର୍ଯ୍ୟକାରୀ ସଭାପତି ଅଶୋକ କୁମାର ବେହେରାଙ୍କ ତତ୍ତ୍ଵାବଧାନ ରେ ଏକ ବିରାଟ ଶୋଭାଯାତ୍ରାରେ ସରକାରୀ ହାଇସ୍କୁଲ ପଡିଆରୁ ବାହାରିଥିଲେ। ଶିକ୍ଷକମାନେ ହାତରେ ଫ୍ଳାକାର୍ଡ ଧରି ନାରାବାଜି କରି ମୋହନା ମୁଖ୍ୟ ସଡକର ପ୍ରତ୍ୟେକ ଛକରେ ନିଜ ଦାବି ସଂପର୍କରେ ଜନସାଧାରଣଙ୍କୁ ଅବଗତ କରାଇବା ପରେ ଗୋଷ୍ଠି ଶିକ୍ଷାଧିକାରୀଙ୍କ କାର୍ଯ୍ୟାଳୟରେ ପହଞ୍ଚି ୮ ଦଫା ସମ୍ବଳିତ ଏକ ଦାବିପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ବିଇଓଙ୍କୁ ଦେଇଥିଲେ। ଦାବି ଗୁଡିକ ମଧ୍ୟରେ ରାଜ୍ୟର ସମସ୍ତ ଚୁକ୍ତି ଭିତ୍ତିକ ଗଣ ଶିକ୍ଷକ ମାନଙ୍କୁ ନିୟମିତି ନିଯୁକ୍ତି ଏବଂ ଏକ୍ସ କ୍ୟାଡ଼ର ଶିକ୍ଷକ ଓ ଗଣଶିକ୍ଷକ ମାନଙ୍କୁ କ୍ୟାଡର ଭୁକ୍ତ କରିବା , ୨୦୨୦ରୁ ବନ୍ଦ ଥିବା ଇନକ୍ରିମେଣ୍ଟ ପ୍ରଦାନ କରିବା,

ଡେପୁଟିସନକୁ ବାତିଲ କରିବା, ଟ୍ରେଜେରୀ ମାଧ୍ଯମରେ ଦରମା ପ୍ରଦାନ, ୬ ମାସର ଏରିଅର ପାଇବାରୁ ବଞ୍ଚିତ ଥିବା ଏକ୍ସ କ୍ୟାଡର ଶିକ୍ଷକମାନଙ୍କୁ ସେମାନଙ୍କ ପ୍ରାପ୍ୟ ପ୍ରଦାନ କରିବା ଆଦି ଦାବି ରହିଥିଲା। ଏହି କାର୍ଯ୍ୟକ୍ରମରେ ବ୍ଳକ ସଭାପତି ଦିବାକର ନାୟକ, ସମ୍ପାଦକ କେଶବ ବେହେରଦଳାଇ, ସଚିବ ଜଗନ୍ନାଥ ସାହୁ, ଏକ୍ସ କ୍ଯ୍।ଡର ମୁଖ୍ୟ ସ୍ୱପ୍ନେଶ୍ଵର ରାଉତ,ବିକ୍ରମ ପାତ୍ର, ଦ୍ଭାସ୍କର ବିଷୋୟୀ, ସୀତାରାମ ସାହୁ, ମାଳତୀ ନାୟକ, ସପ୍ନା ଦାସଙ୍କ ସମେତ ବ୍ଳକ ମିଳିତ ଶିକ୍ଷକ ସଂଘର ସଭାପତି କବିରାଜ ମଳିକ, ଉପ ସଭାପତି ଦିବାକର ନାୟକ, ସମ୍ପାଦକ ଯୁଧିଷ୍ଠିର ମହାପାତ୍ର, ବରିଷ୍ଠ ଉପଦେଷ୍ଠା ଗଗନ କୁମାର ଦାଶ, ଜଗନ୍ନାଥ ସେଠୀ, ଦେବରାଜ ସେଠୀଙ୍କ ସମେତ ବିଭିନ୍ନ ବର୍ଗର ୨୦୦ରୁ ଉର୍ଦ୍ଧ୍ୱ ଶିକ୍ଷକ ଉପସ୍ଥିତ ଥିଲେ।