ଖୋର୍ଦ୍ଧାରୋଡ଼ ରେଳମଣ୍ଡଳ ଚଳିତ ବର୍ଷ ସେପ୍ଟେମ୍ୱର ମାସରେ ମାଲ୍ ପରିବହନରେ ଶୀର୍ଷ ସ୍ଥାନ ହାସଲ କରିଛି

ଓଡ଼ିଶା ତାଜା ନ୍ୟୁଜ (6 ତାରିଖ ଆଶ୍ୱିନ ୨୦୨୨,ଗୁରୁବାର) ଖୋର୍ଦ୍ଧା-ଜଟଣୀ :- ଚଳିତ ଆର୍ଥିକ ବର୍ଷରେ ଲଗାତାର ଦ୍ୱିତୀୟ ଥର ପାଇଁ ଖୋର୍ଦ୍ଧାରୋଡ଼ ରେଳ ମଣ୍ଡଳ ଭାରତୀୟ ରେଲ ମାଲ ପରିବହନରେ ଶୀର୍ଷ ସ୍ଥାନ ହାସଲ କରିଛି | ସେପ୍ଟେମ୍ୱର ୨୦୨୨ ରେ ଦୈନିକ ହାରାହାରି ୧୧୨ ରେକ୍ ଲୋଡିଂ ହୋଇଛି । ପୂର୍ବତଟ ରେଲୱେର ଖୋର୍ଦ୍ଧାରୋଡ଼ ରେଳ ମଣ୍ଡଳ ସେପ୍ଟେମ୍ୱର ୨୦୨୨ ମସିହାରେ ଭାରତୀୟ ରେଳ ମଧ୍ୟରେ ମାଲ ପରିବହନରେ ଶୀର୍ଷ ସ୍ଥାନ ହାସଲ କରିଛି । ଚଳିତ ଆର୍ଥିକ ବର୍ଷରେ ଲଗାତାର ଦ୍ୱିତୀୟ ଥର ପାଇଁ ଖୋର୍ଦ୍ଧାରୋଡ଼ ରେଳ ମଣ୍ଡଳ ଶୀର୍ଷ ସ୍ଥାନ ହାସଲ କରିଛି |

ସେପ୍ଟେମ୍ୱର ୨୦୨୨ ରେ ଏହି ମଣ୍ଡଳ ୧୨.୪୬ ମିଲିୟନ୍ ଟନ୍ ମାଲ ପରିବହନ କରିଛି,ଯାହା ଗତବର୍ଷ ତୁଳନାରେ ଅର୍ଥାତ୍ ସେପ୍ଟେମ୍ୱର ୨୦୨୧ଠାରୁ ୬.୦୪% ଅତିରିକ୍ତ ଲୋଡିଂ ଏବଂ ରାଜସ୍ଵ ବାବଦ ୧୧୯୩ କୋଟି ଟଙ୍କା ଆୟ ହୋଇଛି | ମୌସୁମୀ ଋତୁରେ କାର୍ଯ୍ୟକ୍ଷମ ଅସୁବିଧା ସତ୍ତ୍ୱେ ଏହା ହାସଲ କରାଯାଇପାରିଛି | ଚଳିତ ଆର୍ଥିକ ବର୍ଷରେ ଅର୍ଥାତ୍ ୧ଏପ୍ରିଲ୍ ୨୦୨୨ ରୁ ୩୦ ସେପ୍ଟେମ୍ୱର ୨୦୨୨ ମଧ୍ୟରେ ଖୋର୍ଦ୍ଧାରୋଡ଼ ରେଳମଣ୍ଡଳ ମୋଟ ୭୬.୩୫ ମିଲିୟନ୍ ଟନ୍ ମାଲ ଲୋଡ୍ ପରିବହନ କରିଛି,ଏବଂ ୨୦୨୨-୨୦୨୩ ବର୍ଷ ସମନ୍ୱିତ ଲୋଡିଂରେ ଭାରତୀୟ ରେଳବାଇରେ ତୃତୀୟ ସ୍ଥାନ ହାସଲ କରିଛି |

ସେପ୍ଟେମ୍ୱର ୨୦୨୨ରେ, ତାଳଚେର,ପାରାଦୀପ, ଧାମରା,ମେରାମଣ୍ଡଳୀ ଇତ୍ୟାଦି ବିଭିନ୍ନ ଲୋଡିଂ ପଏଣ୍ଟରୁ ଡିଭିଜନ୍ ଦ୍ୱାରା ଦୈନିକ ହାରାହାରି ୧୧୨ ରେକ୍ ମାଲ ପରିବହନ କରାଯାଇଥିଲା I ଲୋଡ୍ ହୋଇଥିବା ବିଭିନ୍ନ ସାମଗ୍ରୀ ହେଉଛି କୋଇଲା,ସାର, ସିମେଣ୍ଟ,ଲୁହା ପଥର, କଞ୍ଚାମାଲ ଇତ୍ୟାଦି,ବିଭିନ୍ନ ପାୱାର୍ ହାଉସ୍, ଉତ୍ପାଦନକାରୀ କମ୍ପାନୀ, ଉତ୍ପାଦନ ୟୁନିଟ୍ ଏବଂ ଇଣ୍ଡଷ୍ଟ୍ରିଜ୍ କୁ ପରିବହନ କରାଯାଇଛି I ଖୋର୍ଦ୍ଧାରୋଡ଼ ମଣ୍ଡଳ ରେଳ ପ୍ରବନ୍ଧକ,ଶ୍ରୀ ରିଙ୍କେଶ ରୟ, ମାଲ ପରିବହନରେ ଜଡିତ ସମସ୍ତ ଅଧିକାରୀ ଏବଂ କର୍ମଚାରୀଙ୍କୁ ପ୍ରଶଂସା କରିଥିଲେ ଏବଂ ଆଗାମୀ ଦିନରେ ମଧ୍ୟ ସମାନ ଉତ୍ସର୍ଗୀକୃତ ଏବଂ ଉତ୍ସାହ ସହିତ କାର୍ଯ୍ୟ କରିବାକୁ ସମସ୍ତଙ୍କୁ ଉତ୍ସାହିତ କରିଥିଲେ |