ରାଜୁଆନଦୀ ବନ୍ଧରେ ଘାଇ ୬ଟି ଗ୍ରାମ ପାଣି ଘେରରେ ପ୍ରଶାସନ ଅପହଞ୍ଚ

ଓଡ଼ିଶା ତାଜା ନ୍ୟୁଜ (୧୭ ଅଗଷ୍ଟ ବୁଧବାର ) ଖୋର୍ଦ୍ଧା-ଜଟଣୀ :- ରାଜୁଆ ନଦୀରେ ପ୍ରାୟ ୧୦୦ ପୁଟ ରୁ ଉର୍ଦ୍ଧ୍ବ ଲମ୍ବର ଘାଇ,ହେବା ଫଳରେ ଜଟଣୀ, ଖୋର୍ଦ୍ଧା ଓ କଣାସ ବ୍ଲକର ଅନେକ ଗାଁ ଏବେ ଜଳ ମଗ୍ନ ହୋଇଯାଇଛି।ବିଶେଷ କରି ତିରିମଲ, ହଲଦିଆପଡା, ଲୋକାପାଳ ଅଣ୍ଡା ହରିପୁର ଏବଂ ଅଁଳାଯୋଡି ଗ୍ରାମ ଏବେ ବନ୍ୟା ଘେରରେ ରହିଛି । ଶହ,ଶହ ହେକ୍ଟର ଚାଷଜମି ସମ୍ପୂର୍ଣ୍ଣ ନଷ୍ଟ ହୋଇଯାଇଛି ଲୋକଙ୍କ ଘର ଭିତରେ ପାଣି ପଶି ଯାଇଛି । ଏହି ଘଟଣା ଟି ଗତ ରାତିରେ ଘାଇ ବା’ ବନ୍ଧ ଭାଙ୍ଗି ଯିବା କାରଣରୁ ହୋଇଥିବାରୁ ଲୋକମାନେ କୌଣସି ଆସବାବପତ୍ର ବାହାର କରି ପାରି ନାହାନ୍ତି ପିଲାଛୁଆ ଙ୍କୁ ଧରି ରାତିରେ କିଏ ଛାତ ଉପରେ ତ ଆଉକିଏ ଅନ୍ୟତ୍ର ଉଚ୍ଚ ସ୍ଥାନରେ ଆଶ୍ରୟ ନେଇଛନ୍ତି ଖବର ପାଇ ଖୋର୍ଦ୍ଧା ଜିଲ୍ଲାପାଳ କେ ସୁଦର୍ଶନ ଚକ୍ରବର୍ତ୍ତୀ,

ଜଟଣୀ ବିଡ଼ିଓ ସରୋଜ ରାଉତ ପ୍ରମୁଖ ଘଟଣା ସ୍ଥଳ ବୁଲି ଦେଖି ଯାଇଛନ୍ତି ଏବଂ ପ୍ରାୟ ପାଞ୍ଚ ରୁ ଦଶ କିଲୋମିଟର ପରିଧିରେ ଥିବା ଗ୍ରାମର ଲୋକମାନଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରିବା ପାଇଁ ଚେଷ୍ଟା ଜାରି ରହିଛି ବୋଲି କହିଛନ୍ତି ଜଟଣୀ ବିଡ଼ିଓ ସରୋଜ ରାଉତ କିନ୍ତୁ ଦୁଃଖ ଓ ପରିତାପର ଏ ପର୍ଯ୍ୟନ୍ତ ସରକାରୀ ସ୍ତରରେ କୌଣସି ସହାୟତା ବିପନ୍ନଙ୍କ ପାଖରେ ପହଞ୍ଚି ପାରିନାହିଁ ଚାରିଆଡେ ବନ୍ୟା ପାଣି ଘେରି ରହିଥିବାରୁ ଗାଈ,ଗୋରୁ ମାନେ ଅତ୍ୟନ୍ତ ଦୟନୀୟ ଅବସ୍ଥାରେ ଅଛନ୍ତି । ଜଟଣୀ ଓ କଣାସ ବ୍ଲକ ଅଧିକାରୀ ଯଥାଶୀଘ୍ର ବନ୍ୟା ବିପନ୍ନଙ୍କୁ ଗୋଖାଦ୍ୟ ଏବଂ ରିଲିଫ ଯୋଗାଇ ଦେବାକୁ ବନ୍ୟାରେ କ୍ଷତି ଗ୍ରସ୍ତ ଲୋକମାନେ ଦାବି କରିଛନ୍ତି

ସେହିପରି ତିରିମଲ ଓ ହଳଦିଆପଡା – ମନ୍ଦାରବସ୍ତ କୁ ସଂଯୋଗ କରୁଥିବା ଏହି ଏକମାତ୍ର ବନ୍ଧ ରାସ୍ତାଟି ଘାଇ ହେବା ଫଳରେ ଯୋଗାଯୋଗ ବିଚ୍ଛିନ୍ନ ହୋଇପଡିଛି।ସର୍ବପରି ଗତକାଲି ଏବଂ ତା’ପୂର୍ବରୁ ଆମେ ଦେଖାଇ ଥିବା ପ୍ରାୟ ୧୦ ରୁ ଉର୍ଦ୍ଧ୍ବ ସ୍ଥାନରେ ଘଳିଆ ଏବଂ ୬ ଟି ସ୍ଥାନରେ ଫାଟ ମଧ୍ୟରୁ ଗୋଟିଏ ସ୍ଥାନରେ ଘାଇ ହୋଇଛି ଆହୁରି ଅନେକ ସ୍ଥାନରେ ବନ୍ଧଭାଙ୍ଗି ଘାଇ ହେବାର ସମ୍ଭାବନା ରହିଛି ତେଣୁ ପୋଲିସ ବାରିକେଟ କରି ଲୋକମାନଙ୍କ ଯାତାୟତ କୁ ବାରଣ କରିଛି ।