ଜିଲ୍ଲା ପରିଷଦ ଷ୍ଟାଣ୍ଡି° କମିଟି – ଡି ର ବୈଠକ

ଓଡ଼ିଶା ତାଜା ନ୍ୟୁଜ୍/୧୫ ଜୁଲାଇ ଶୁକ୍ରବାର/ବରଗଡ :- ବରଗଡ଼ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ସମ୍ମିଳନୀ କକ୍ଷରେ ଜିଲ୍ଲା ପରିଷଦ ସଭ୍ୟା ଶ୍ରୀମତୀ ପୁଷ୍ପା ଭୋଇଙ୍କ ଅଧ୍ୟକ୍ଷତାରେ ଜିଲ୍ଲା ପରିଷଦ ଷ୍ଟାଣ୍ଡିଙ୍ଗ କମିଟି- ଡି ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ମାନିନୀ ଭୋଇ , ଉପାଧ୍ୟକ୍ଷ ମୋହନ ଲୁହା, ଜିଲ୍ଲା ପରିଷଦ ସଭ୍ୟ ଶ୍ରୀଯୁକ୍ତ ସୁଶାନ୍ତ ଗଡତିଆ, ଜିଲ୍ଲା ପରିଷଦ ସଭ୍ୟା ସରସ୍ଵତୀ ସାହୁ, ପୂର୍ଣ୍ଣିମା ରଣା,ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡାକ୍ତର ସାଧୁଚରଣ ଦାଶ ଜିଲ୍ଲାରେ, ଜିଲ୍ଲା ସମାଜ ମଙ୍ଗଳ ବିଭାଗର ଅଧିକାରୀ ପ୍ରମୁଖ ଉପସ୍ଥିତ ଥିଲେ । ଏ ଅବସରରେ ଷ୍ଟାଣ୍ଡିଙ୍ଗ କମିଟି ର ଅଧ୍ୟକ୍ଷା ଶ୍ରୀମତୀ ପୁଷ୍ପା ଭୋଇ ଉପସ୍ଥିତ ସମସ୍ତ ଅଧିକାରୀ ମାନଙ୍କୁ ସ୍ୱାଗତ ଜଣାଇଥିଲେ । ଜିଲ୍ଲା ସ୍ୱାସ୍ଥ୍ୟ ଅଧିକାରୀ ଡାକ୍ତର ସାଧୁ ଚରଣ ଦାଶ ବରଗଡ ଜିଲ୍ଲା ରେ ଡାକ୍ତର ଓ ଆବଶ୍ୟକ ସଂଖ୍ୟକ କର୍ମଚାରୀ ଅଭାବ ଓ ଖେଦାପାଲି ଚିକିତ୍ସାଳୟ କୁ ଯିବା ରାସ୍ତାରେ ଆଲୋକ ର ବ୍ୟବସ୍ଥା ନଥିବାରୁ ରୋଗୀମାନେ ତଥା ଚିକିତ୍ସାଳୟ ର କର୍ମଚାରୀ ମାନଙ୍କ ଯାତାୟାତ ରେ ବହୁ ଅସୁବିଧା ପରିଲକ୍ଷିତ ହେଉଛି ଏ ନେଇ ଅଧ୍ୟକ୍ଷାଙ୍କ ଦୃଷ୍ଟି ଆକର୍ଷଣ କରିଥିଲେ ।

ଜିଲ୍ଲାରେ ଡାକ୍ତର ଓ ଆବଶ୍ୟକ କର୍ମଚାରୀଙ୍କ ର ପଦବୀ ପୂରଣ ଓ ପ୍ରତ୍ୟେକ ବର୍ଷ କେତେଜଣ ଡାକ୍ତର ନିଯୁକ୍ତି ପାଉଛନ୍ତି ଏ ନେଇ ଜିଲ୍ଲା ପରିଷଦ ସଭ୍ୟ ଶ୍ରୀ ସୁଶାନ୍ତ ଗଡତିଆ ଜିଲ୍ଲା ଚିକିତ୍ସାଧିକାରୀ ଙ୍କୁ ପଚାରିଥିଲେ । ଚିକିତ୍ସାଳୟ ରେ କାର୍ଯ୍ୟରତ କର୍ମଚାରୀ କେତେକ ରୋଗୀ ତଥା ରୋଗୀ ଙ୍କ ସମ୍ପର୍କିୟ ମାନେ ଖରାପ ବ୍ୟବହାର ପ୍ରଦର୍ଶନ କରୁଥିବା ସମ୍ପର୍କରେ ସଭ୍ୟ ସଭ୍ୟା ମାନେ ଘୋର ଉଦବେଗ ପ୍ରକାଶ କରିବା ସାଙ୍ଗକୁ ସିଡିଏମଓ ଙ୍କ ଦୃଷ୍ଟି ଆକର୍ଷଣ କରିଥିଲେ । ଅଙ୍ଗନବାଡ଼ି ସେଣ୍ଟର କୁ ଯୋଗାଇ ଦିଆଯାଉଥିବା ଆକ୍ୱାଗାର୍ଡ, ସେଣ୍ଟର ମାନଙ୍କରେ ବ୍ୟବହାର ନ କରି କେତେକ ଅଙ୍ଗନବାଡ଼ି ଶିକ୍ଷୟିତ୍ରୀ ନିଜ ନିଜ ବାସଗୃହ ରେ ବ୍ୟବହାର କରାଯାଉଥିବା ଏବଂ ଜିଲ୍ଲା ରେ କେତେ ଗୋଟି ଅଙ୍ଗନବାଡ଼ି ସେଣ୍ଟର ରେ ଆକ୍ୱାଗାର୍ଡ ବ୍ୟବହୃତ ହେଉଛି ଏ ସମ୍ପର୍କରେ ଅଧ୍ୟକ୍ଷା ଶ୍ରୀମତୀ ପୁଷ୍ପା ଭୋଇ ଏବଂ ଜିଲ୍ଲା ପରିଷଦ ସଭ୍ୟ ସୁଶାନ୍ତ ଗଡତିଆ ଉପସ୍ଥିତ ଅଧିକାରୀ ମାନଙ୍କ ଦୃଷ୍ଟି ଆକର୍ଷଣ କରିଥିଲେ ।

ଅଙ୍ଗନବାଡ଼ି ସେଣ୍ଟର କୁ ଯୋଗାଇ ଦିଆଯାଉଥିବା ଛତୁଆ ନିମ୍ନମାନର ହୋଇଥିବାରୁ ଏଥିରେ ସଭ୍ୟ ସଭ୍ୟା ମାନେ ଘୋର ଉଦବେଗ ପ୍ରକାଶ କରିଥିଲେ । ଅଙ୍ଗନବାଡ଼ି ସେଣ୍ଟର କୁ ଜିଲ୍ଲା ସ୍ୱାସ୍ଥ୍ୟ ସମିତି ଜରିଆରେ ଗାଁ କଲ୍ୟାଣ ସମିତି କୁ ପ୍ରତିବର୍ଷ ଯୋଗାଇ ଦିଆଯାଉଥିବା ୧୦ ହଜାର ଟଙ୍କା ଅପବ୍ୟବହାର କରାଯାଉଥିବା ସମ୍ପର୍କରେ ଗୃହରେ ଆଲୋଚନା ହୋଇଥିଲା । ଏହାର ବିହିତ ତଦନ୍ତ ନିମନ୍ତେ ଜିଲ୍ଲା ପରିଷଦ ସଭ୍ୟ ଶ୍ରୀ ଗଡତିଆ ଅଧିକାରୀ ଙ୍କ ନିକଟରେ ଦୃଢ ଦାବି କରିଥିଲେ । ବରଗଡ ଜିଲ୍ଲା ରେ ମ୍ୟାଲେରିଆ ନିୟନ୍ତ୍ରଣାଧୀନ ରେ ରହିଛି ବୋଲି ସିଡିଏମଓ କହିଥିଲେ । ଶେଷରେ ଡାକ୍ତର ସାଧୁ ଚରଣ ଦାସ ଧନ୍ୟବାଦ ଅର୍ପଣ କରିଥିଲେ ।