<h3><span style="color: #ff0000;"><strong>1. ତିନିଟି ଚକର ପଇ ପିନ୍ଧା ଶେଷ ହୋଇଥିବା ବେଳେ ବିଲେଇ ବାଡ଼ିଆ ଓ କଳସା କାମ ଜାରି ରହିଛି ।</strong></span></h3> <h3><span style="color: #ff0000;"><strong>2. ରଥଖଳାରେ ରଥ ନିର୍ମାଣରେ ୧୩ ଦିନରେ ଆଜି ଚକରେ ପଇ ପିନ୍ଧା ଅନୁକୂଳ ହୋଇଛି ।</strong></span></h3> <h4><img class="alignnone wp-image-77595" src="https://odishatazanews.com/wp-content/uploads/2022/05/puri-2-4-300x200.jpg" alt="" width="635" height="423" /><span style="color: #ff0000;"><em><strong>ଓଡ଼ିଶା ତାଜା ନ୍ୟୁଜ୍ /</strong><span style="color: #0000ff;"><strong>୧୭ ମଇ ମଙ୍ଗଳବାର</strong></span><strong>/ </strong></em></span><strong><span style="color: #ff0000;"><em>ପୁରୀ :-</em> </span>ରଥଖଳାରେ ରଥ ନିର୍ମାଣରେ ୧୩ ଦିନରେ ଆଜି ଚକରେ ପଇ ପିନ୍ଧା ଅନୁକୂଳ ହୋଇଛି । ମହାରଣା ସେବକମାନେ ନଡ଼ିଆ ବାଡ଼େଇ ଏହି କାର୍ଯ୍ୟ ଆଜିଠାରୁ ଆରମ୍ଭ କରିଛନ୍ତି । ଗତକାଲି ଯନ୍ତାଗାଡ଼ରେ ତୁମ୍ବ ଓ ଅର ସଂଯୋଗ ପାଇଁ ଶିଙ୍ଗଡ଼ା ବାଡ଼ିଆ ପରେ ଭୋଇ ସେବକମାନେ ତିନି ରଥ ଚାଳିକୁ ଏହା ଯୋଗାଇ ଦେବା ପରେ ଆଜିଠାରୁ ମହାରଣା ସେବକମାନେ ମାପ ଅନୁଯାୟୀ ପଇ ସଂଯୋଗ କାମ ଆରମ୍ଭ କରିଛନ୍ତି । ଏଥିସହ ବିଲେଇ ବାଡ଼ିଆ ଓ କଳସା କାମ ବି ଆରମ୍ଭ ହୋଇଛି । </strong></h4> <h4><img class="alignnone wp-image-77596" src="https://odishatazanews.com/wp-content/uploads/2022/05/puri-5-1-300x200.jpg" alt="" width="653" height="435" /><strong>ଆଜି କାମ ଶେଷ ସୁଦ୍ଧା ତିନି ରଥର ୯ଟି ଚକରେ ପଇ ପିନ୍ଧା ପରେ ବିଲେଇ ବାଡ଼ିଆ କାମ ଶେଷ ହୋଇଛି ଅଳ୍ପ କିଛି ଚକରେ କଳସା କାମ ସରିଥିବାବେଳେ ଅନ୍ୟ ଚକର କାର୍ଯ୍ୟ ଜାରି ରହିଛି । </strong><strong>ତିନି ରଥ ଉପରେ ନଜର ପକାଇଲେ, ମହାପ୍ରଭୁଙ୍କ ନନ୍ଦିଘୋଷ ରଥର ତିନି ଚକରେ ପଇ ସଂଯୋଗ ଶେଷ ହୋଇଛି । ଏଥିରୁ କିଛି ଚକର ବିଲେଇ ବାଡ଼ିଆ କାମ ବି ଶେଷ ହୋଇଛି । ବାକି କଳସା କାମ ଜାରି ରହିଛି । ଗୋଟିଏ ଚକରେ ପଇ ସଂଯୋଗ ପାଇଁ ବିନ୍ଧି କାର୍ଯ୍ୟ ଶେଷ ହୋଇଛି । ଆସନ୍ତାକାଲି ଏଥିରେ ପଇପିନ୍ଧା ସହ ବିଲେଇ ବାଡ଼ିଆ ଓ କଳସା କାମ ହେବ ।</strong></h4> <h4><img class="alignnone wp-image-77597" src="https://odishatazanews.com/wp-content/uploads/2022/05/puri-4-300x200.jpg" alt="" width="588" height="392" /><strong>ସେହିଭଳି ବଡ଼ଠାକୁରଙ୍କ ତାଳଧ୍ଵଜ ରଥର ତିନିଟି ଚକର ପଇ ପିନ୍ଧା ଶେଷ ହୋଇଥିବା ବେଳେ ବିଲେଇ ବାଡ଼ିଆ ଓ କଳସା କାମ ଜାରି ରହିଛି । ଗୋଟିଏ ଚକର ବିନ୍ଧ ଶେଷ ହୋଇ ପଇ ପିନ୍ଧା କାମ ଶେଷ ପର୍ଯ୍ୟାୟରେ ପହଞ୍ଚିଛି । ସୁଭଦ୍ରାଙ୍କ ଦେବଦଳନ ରଥର ଦୁଇଟି ଚକରେ ପଇ ପିନ୍ଧା ଶେଷ ହୋଇଥିବାବେଳେ ବିଲେଇ ବାଡ଼ିଆ ଓ କଳସା କାମ ଜାରି ରହିଛି </strong><strong>। </strong><strong>ଆଉ ଦୁଇଟି ଚକର ପଇ ପିନ୍ଧା କାମ ଶେଷ ପର୍ଯ୍ୟାୟରେ ପହଞ୍ଚିଛି । ସେପଟେ ଦୋଳବେଦି କମାରଶାଳରେ ଅରକଣ୍ଟା, ପନ୍ଦାରି, ପନ୍ଦାରି ବଳା ଆଦି କାମ ଜାରି ରହିଛି ।</strong></h4> <img class="alignnone wp-image-77598" src="https://odishatazanews.com/wp-content/uploads/2022/05/puri-3-1-200x300.jpg" alt="" width="586" height="879" /> <img class="alignnone wp-image-77590" src="https://odishatazanews.com/wp-content/uploads/2022/05/30-1-300x129.png" alt="" width="586" height="252" />