ଟାଙ୍ଗୀ (ଓଡିଶା ତାଜାନ୍ୟୁଜ ) ନି. ପ୍ର :- ସ୍ବାସ୍ଥ୍ୟ ସେବା ନେଇ ସରକାର ଚିନ୍ତିତ ଥିବା ଅନୁମାନ କରାଯାଉଥିବା ବେଳେ ପ୍ରତ୍ୟେକ ସ୍ବାସ୍ଥ୍ୟକେନ୍ଦ୍ରର ମୂଖ୍ୟ ନିରାପଦ ମାତୃତ୍ବ ପ୍ରତି ଯତ୍ନବାନ ହେବା ପରିବର୍ତ୍ତେ ଆଳ ଦେଖାଇ ନିଜ କର୍ତ୍ତବ୍ୟ ରେ ଅବହେଳା କରୁଥିବା ଦେଖାଦେଉଛି । ଏଥିମଧ୍ୟରେ ଚାନ୍ଦପୁର ବସନ୍ତ ମଞ୍ଜରୀ ସାଧାରଣ ଚିକିତ୍ସାଳୟ କହିଲେ ଅତିରଂଜିତ ହେବ ନାହିଁ । ଏହି ସ୍ବାସ୍ଥ୍ୟକେନ୍ଦ୍ରରେ ଗର୍ଭବତୀ ମା,ପ୍ରସୂତି ମା,ଆସନ୍ନ ପ୍ରସବା ମା ମାନଙ୍କ ପ୍ରତି ପରୋକ୍ଷରେ ହେଉ ଅବା ପ୍ରତ୍ୟକ୍ଷରେ ନିରବରେ ସହିଯିବା କୁ ପରିସ୍ଥିତି ବାଧ୍ୟ କରୁଥିବା ପରିସଂଖ୍ୟାନ ଅନୁସନ୍ଧାନ ରୁ ସ୍ପଷ୍ଟ ଚିତ୍ର ରୁ ଜଣାପଡେ ।
ଚଳିତବର୍ଷ ଜାନୁୟାରୀ ପହିଲା ଠାରୁ ଜୁଲାଇ ୩୧ ତାରିଖ ସୁଦ୍ଧା ସମୁଦାୟ ୧୦୩୩ ଗର୍ଭବତୀ ମହିଳାଙ୍କ ପଞ୍ଜିକରଣ କରାଯାଇଥିବା ବେଳେ ମାତ୍ର ୪ ଜଣ ମହିଳା ଙ୍କ ସ୍ବାଭାବିକ ପ୍ରସବ ହୋଇଥିବା ସ୍ଥଳେ ଅସ୍ତ୍ରୋପଚାର ଶୂନ। ତେବେ ସରକାରୀ ବ୍ୟବସ୍ଥା ଉପଲବଧ ଥିବା ବେଳେ ୧୦୨୯ ଗର୍ଭବତୀ ପ୍ରସୂତି ମହିଳାଙ୍କ ପ୍ରସବ କେଉଁଠି କିପରି କାହା ସହାୟତା ଓ ଏହା ପ୍ରଛଦପଟରେ କାହାର ଲ ମ୍ବା ହାତ କାମ କରୁଛି ତାହା ନିଶ୍ଚିତ ତଦନ୍ତ ସାପେକ୍ଷ ବୁଦ୍ଧିଜୀବୀ ମହଲ ରେ ଆଲୋଚନା ର ଖୋରାକ ଯୋଗାଇ ଦେଇଛି ।
ଓଡିଶା ର ପ୍ରଥମ ସ୍ବାସ୍ଥ୍ୟମନ୍ତ୍ରୀ ରାଣୀ ବସନ୍ତ ମଞ୍ଜରୀ ଦେବୀ ଯକ୍ଷ୍ମା ଭଳି ଏକ ଦୂରାରୋଗ୍ୟ ର ଆଶୁ ତଥା ସ୍ବାଭାବିକ ଚିକିତ୍ସା ପାଇଁ ଯୋଗାଇ ଦେଇଥିବା ୧୧୭ ଏକର ଜାଗା ରେ ଚାନ୍ଦପୁର ଠାରେ ବସନ୍ତମଞ୍ଜରୀ ସ୍ବାସ୍ଥ୍ୟନିବାସ ଦୀର୍ଘ ଦଶନ୍ଧି ପୂର୍ବେ ଲୋକାର୍ପିତ ହୋଇଥିଲା ଯାହା ଏସିଆ ମହାଦେଶର ଦ୍ବିତୀୟ ବୃହତମ ଯକ୍ଷ୍ମା ସ୍ବାସ୍ଥ୍ୟକେନ୍ଦ୍ର ଭାବେ ପରିଚିତ ଥିଲା । ଯକ୍ଷ୍ମା ରୋଗର ନିରାକରଣ ନିମନ୍ତେ ସରକାର ଘରେ ଘରେ ଚିକିତ୍ସା କରାଇବା ଫଳରେ ଏହି ସ୍ବାସ୍ଥ୍ୟକେନ୍ଦ୍ର ପ୍ରତି ରୋଗୀ ଙ୍କ ଅନାଗ୍ରହ ଯୋଗୁ ଏହାର ରୂପାନ୍ତରିକରଣ କରିବା ମହତ ଉଦେଶ୍ୟରେ ୨୦୧୪ ମସିହାରେ ଜେନେରାଲ ହସପିଟାଲ କୁ ପରିବର୍ତନ କଲେ ।
ଫଳରେ ପ୍ରତିଦିନ ପାଞ୍ଚ ଶହ ରୁ ଅଧିକ ସ୍ବାଭାବିକ ରୋଗୀ ଆସୁଥିବା ବେଳେ ଗତ ଜାନୁୟାରୀ ପହିଲା ଠାରୁ ଜୁଲାଇ ମାସ ଶେଷ ସୁଧା ୧୦୩୩ କେବଳ ପ୍ରସୂତି ମହିଳା ଏହି ଡାକ୍ତରଖାନା ରେ ପଂଜିକୃତ ହୋଇଥିଲେ । ତେବେ ଏହି ସ୍ବାସ୍ଥ୍ୟକେନ୍ଦ୍ରରେ ପ୍ରସୂତି ମହିଳା ଙ୍କ ଉଦ୍ୟେଶରେ ଦୁଇଜଣ ପ୍ରସୂତି,ଦୁଇଜଣ ଅସ୍ତ୍ରୋପଚାର ଜଣେ ନିଶ୍ଚେତକ ଡାକ୍ତର ଥିଲେ ମଧ୍ୟ ସାତ ମାସ ମଧ୍ୟରେ ମାତ୍ର ୪ ଜଣ ସ୍ବାଭାବିକ ପ୍ରସବ କରାଯାଇଥିବା ବେଳେ ଜଣେ ବି ମହିଳା ଅସ୍ତ୍ରୋପଚାର ର ସାମ୍ନା କରିବାକୁ ପଡିନାହିଁ ।
ଏପରିକି ପ୍ରତିମାସର ୯ ତାରିଖ ରେ ପ୍ରଧାନମନ୍ତ୍ରୀ ମାତୃତ୍ୟ ଅଭିଯାନ କାର୍ଯ୍ୟକ୍ରମ ଦିବସରେ ସମୁଦାୟ ୩୩୬ ମହିଳା ପଞ୍ଜିକୃତ ହୋଇଥିଲେ ମଧ୍ୟ ସେମାନଙ୍କୁ କେବଳ ବୁଝାଇ ସୁଝାଇ ଛାଡି ଦିଆଯାଇଥିବା ସନ୍ଦେହ କରାଯାଉଛି । ଏହି ସ୍ବାସ୍ଥ୍ୟକେନ୍ଦ୍ରରୁ ସେବା ପାଇବା ପାଇଁ ରଣପୁର ବ୍ଲକ ତଥା ଟାଙ୍ଗୀ ବ୍ଲକ ର ଉପାନ୍ତ ପଟିଆ, ଅର୍ଜୁନପୁର, ରଣ୍ଡା, ଗିରିଣ୍ଡା, ରାମଚନ୍ଦ୍ରପୁର,ଝରିଆ,ଚାନ୍ଦପୁର,କନ୍ଧନୟାଗଡ,ଚମ୍ପାଗଡ ,କେରଣ୍ଡାଟାଙ୍ଗୀ, ସୁନ୍ଦରପୁର, ଉଜଳାଗୋପୀନାଥପୁର, କନ୍ତଳବାଇ, ଭୁଷଣ୍ଡପୁର ଇତ୍ୟାଦି ଅଞ୍ଚଳର ନିର୍ଭର କରୁଥିବା ବେଳେ ଏ ଅଞ୍ଚଝଳରୁ ଆସୁଥିବା ପ୍ରସୂତି ମହିଳା ମାନଙ୍କୁ ଆଶାକର୍ମୀ ମାନଙ୍କ ଦ୍ବାରା ଘରୋଇ ନର୍ସିଂହୋମ ରୁ କିଛି ହାତଗୁଞ୍ଜା ହାତେଇ ଏହାକୁ ବ୍ୟବସାୟ ରେ ପରିଣତ କରାଯାଇନି ତ ବୋଲି ପ୍ରଶ୍ନବାଚୀ ସୃଷ୍ଟି କରିଛି ।
ସରକାରୀ ଡାକ୍ତରଖାନା ରେ ଅତ୍ୟାଧୁନିକ ଅସ୍ତ୍ରୋପଚାର ରେ ଅବ୍ୟବସ୍ଥା, ଅପରେସନ ଥିଏଟର ରେ ଅବ୍ୟବସ୍ଥା, ଆକସ୍ମିକ ବ୍ଳଡ ମିଳିବାରେ ପ୍ରତିବନ୍ଧକ ଭଳି ବିଭିନ୍ନ ଅସୁବିଧା ହେତୁ ଆଶାକର୍ମୀ ଏହି ସବୁ ବ୍ୟତିକ୍ରମ ର ହାତଛଡା ନକରି ଘରୋଇ ନର୍ସିଂହୋମ କୁ ଆପଣାଇନେଇଥିବା ସନ୍ଦେହମୁକ୍ତ ନୂହେଁ ବୋଲି ମଧ୍ୟ କିଛି ବୁଦ୍ଧିଜୀବୀ ମତବ୍ୟକ୍ତ କରନ୍ତି । ଏହି ସ୍ବାସ୍ଥ୍ୟକେନ୍ଦ୍ରରେ ପ୍ରସୂତି ବିଭାାଗ ଦାୟିତ୍ୱ ରେ ଡାକ୍ତରମାନଙ୍କ ବ୍ୟବହାର ସନ୍ତୋଷଜନକ ନଥିବା କାରଣ ରୁ ଏହି ସ୍ବାସ୍ଥ୍ୟକେନ୍ଦ୍ରରୁ ପ୍ରସୂତି ମହିଳା ମୁହଁ ଫେରାଇ ନେଉଥିବା ଭିନ୍ନ ଏକ କାରଣ ନୂହେଁ ତ ବୋଲି ମଧ୍ୟ ଆଶଙ୍କା ପ୍ରକାଶ ପାଇଛି ।
