ଓଡ଼ିଶା ପ୍ରଦେଶ କଂଗ୍ରେସ ପକ୍ଷରୁ ରାଜ୍ୟସ୍ତରୀୟ : ଅଖିମୁଠି ଅନୁକୂଳ ଓ କୃଷକ ସମ୍ବର୍ଦ୍ଧନା ସମାରୋହ ଅନୁଷ୍ଠିତ

ଓଡ଼ିଶା ତାଜା ନ୍ୟୁଜ୍ /୦୩ ମଇ ମଙ୍ଗଳବାର / ଭୁବନେଶ୍ୱର :- ପବିତ୍ର ଅକ୍ଷୟ ତୃତୀୟା ଏକ ସର୍ବ ଭାରତୀୟ କୃଷିଭିିକ ଆଦ୍ୟପର୍ବ । ବିଶେଷ କରି ଉତ୍କଳୀୟ ଜନ ଜୀବନରେ ସମସ୍ତ ପ୍ରକାର ଶୁଭ କାର୍ଯ୍ୟ ଆରମ୍ଭର ଦିନ ହେଉଛି ଅକ୍ଷୟ ତୃତୀୟା । ଏହି ଅବସରରେ ଓଡ଼ିଶା ପ୍ରଦେଶ କଂଗ୍ରେସ କମିଟି କିଷାନ ସେଲ୍ ଓ ଧର୍ମଶାଳା ବ୍ଳକ କିଷାନ କଂଗ୍ରେସର ମିଳିତ ଆନୁକୂଲ୍ୟରେ ଆଜି ଯାଜପୁର ଜିଲ୍ଲା ଧର୍ମଶାଳା ବ୍ଳକ ଅନ୍ତର୍ଗତ ଭୁବନ ନରସିଂହପୁରଠାରେ ରାଜ୍ୟସ୍ତରୀୟ ଅଖିମୁଠି ଅନୁକୂଳ ଓ କୃଷକ ସମ୍ବର୍ଦ୍ଧନା ସମାରୋହ ପାରମ୍ପରିକ ବିଧି ପ୍ରକାରେ ଅନୁଷ୍ଠିତ ହୋଇଯାଇଛି । ଉକ୍ତ ମହାନ ସାଂସ୍କୃତିକ କାର୍ଯ୍ୟକ୍ରମରେ ଓଡ଼ିଶା ପ୍ରଦେଶ କିଷାନ କଂଗ୍ରେସ ରାଜ୍ୟ ଅଧ୍ୟକ୍ଷ ଅମିୟ କୁମାର ପଟ୍ଟନାୟକ ସ୍ଥାନୀୟ ଗ୍ରାମଦେବତୀଙ୍କ ନିକଟରୁ ସୁସଜ୍ଜିତ ହଳ, ବଳଦ ଓ ଶତାଧିକ ଚାଷୀଙ୍କ ମେଳରେ ଶୋଭାଯାତ୍ରାରେ ଯାଇ କ୍ଷେତରେ ଭୂମି ପୂଜନ କରିବା ସହ ଅଖିମୁଠି ବପନ କରିଥିଲେ ।

ଏହି ପରିପ୍ରେକ୍ଷୀରେ ଆୟୋଜିତ ସମ୍ବର୍ଦ୍ଧନା ସଭାରେ ଅଧ୍ୟକ୍ଷ ଶ୍ରୀ ପଟ୍ଟନାୟକ ସମଗ୍ର ଚାଷୀକୁଳକୁ ଅଭିନନ୍ଦନ ଓ ଶୁଭେଚ୍ଛା ଜଣାଇବା ସଙ୍ଗେ ସଙ୍ଗେ ପ୍ରଭୂ ଶ୍ରୀଜଗନ୍ନାଥଙ୍କ ଅପାର କରୁଣାରୁ ଚଳିତ କୃଷି ବର୍ଷ ଶସ୍ୟର ସମ୍ଭାର ସହ ପଦାର୍ପଣ କରୁ ବୋଲି ଶୁଭ ମନାସି ଥିଲେ । ବିଭିନ୍ନ ଅଳରୁ ଆସିଥିବା ସଫଳ ଅଗ୍ରଣୀ ଚାଷୀ ବନ୍ଧୁମାନଙ୍କୁ ଉପଢ଼ୌକନ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରାଯାଇଥିଲା । ଇତ୍ୟବସରରେ ଯାଜପୁର ଜିଲ୍ଲା କିଷାନ କଂଗ୍ରେସ ସଭାପତି ବିଜୟ କୁମାର ସ୍ୱାଇଁଙ୍କ ଅଧ୍ୟକ୍ଷତା ଓ ଧର୍ମଶାଳା ବ୍ଳକ କଂଗ୍ରେସ କମିଟି ସଭାପତି କିଷାନ ପଣ୍ଡାଙ୍କ ସଂଯୋଜନାରେ ଅନୁଷ୍ଠିତ ଏହି କୃଷକ ସମାବେଶରେ ଅଧ୍ୟକ୍ଷ ଶ୍ରୀଯୁକ୍ତ ପଟ୍ଟନାୟକ କହିଲେ ଯେ, କୃଷି ରାଜ୍ୟ ଅର୍ଥନୀତିର ମୁଖ୍ୟ ଆଧାର । ରାଜ୍ୟର ୭୦ ପ୍ରତିଶତ ଲୋକ କୃଷି ଉପରେ ସମ୍ପୂର୍ଣ୍ଣ ନିର୍ଭରଶୀଳ ।

ତେଣୁ କୃଷିକୁ ସର୍ବପ୍ରଥମେ ପ୍ରାଥମିକତା ଦିଆଯିବା ଅତ୍ୟନ୍ତ ଜରୁରୀ । ତଦନୁଯାୟୀ ୧୯୯୬ ମସିହାରେ ତତ୍‌କାଳୀନ କଂଗ୍ରେସ ସରକାରଙ୍କ ସମୟରେ ରାଜ୍ୟରେ ପ୍ରଥମ କରି କୃଷିନୀତି ପ୍ରଣୟନ କରାଯିବା ସହିତ କୃଷକମାନଙ୍କ ସ୧ାନାର୍ଥେ ପବିତ୍ର ଅକ୍ଷୟ ତୃତୀୟା ଦିବସକୁ ସରକାରୀ ସ୍ତରରେ କୃଷକ ଦିବସ ରୂପେ ପାଳନ କରାଯିବା ଓ କୃଷି କ୍ଷେତ୍ରକୁ ପୁଞ୍ଜି ନିବେଶ ପାଇଁ ଇପିକଲ୍ ପରି ଆପିକଲ୍ ସଂସ୍ଥା ପ୍ରତିଷ୍ଠା କରାଯାଇଥିଲା । କିନ୍ତୁ ଦୁଃର୍ଭାଗ୍ୟର ବିଷୟ ର୍ବମାନର ସରକାରରେ ଚାଷୀର କ୍ଷେତକୁ ପାଣି ନାହିଁ, ଉତ୍ପାଦିତ କୃଷିଜାତ ଦ୍ରବ୍ୟର ସୁ ବିପଣନର ବ୍ୟବସ୍ଥା ନ ଥିବା ବେଳେ ଚାଷୀକୁ ଉଚିତ୍ ମୂଲ୍ୟ ପ୍ରଦାନ କରାଯାଉ ନାହିଁ । ସବୁ କ୍ଷେତ୍ରରେ ଆଜି ଓଡ଼ିଶାର ଚାଷୀ ଅସହାୟ । ଧାନ କୁ ଛାଡ଼ିଦେଲେ ଆଳୁ, ପିଆଜ ଉପରେ ଅନ୍ୟ ରାଜ୍ୟ ଉପରେ ନିର୍ଭରଶୀଳ । ସଂରକ୍ଷଣ ପାଇଁ ଶୀତଳ ଭଣ୍ଡାରଟିଏ ନାହିଁ । ୧୦ ଲକ୍ଷ ହେକ୍ଟର ଚାଷ ଜମି ପଡ଼ିଆ ପଡ଼ିଛି । ପୂର୍ବରୁ ଗଢ଼ି ଉଠିଥିବା କୃଷିଭିିକ ଶିଳ୍ପଗୁଡ଼ିକ ଭଗ୍ନ ଅବସ୍ଥାରେ ପଡ଼ିରହିଛି ।

୩୦ ଲକ୍ଷରୁ ଉର୍ଦ୍ଧ୍ୱ ଲୋକ ନିଜ ବିଟାମାଟି ଛାଡ଼ି ବାହାର ରାଜ୍ୟରେ ଦାଦନ ଖଟୁଛନ୍ତି । ତେଣୁ ଆଜିର ଏଭଳି ପବିତ୍ର ଦିନରେ ରାଜ୍ୟ ବିଜେଡ଼ି ସରକାର ଦୀର୍ଘ ୨୨ ବର୍ଷ ଶାସନ କାଳରେ ଚାଷୀଙ୍କ ପାଇଁ କଣ କରିଛନ୍ତି ତାହା ଆତ୍ମସମୀକ୍ଷା କରନ୍ତୁ ବୋଲି ସେ କହିଥିଲେ । କେନ୍ଦ୍ର ଓ ରାଜ୍ୟ ସରକାର ଧାନର ସର୍ବନିମ୍ନ ସହାୟକ ମୂଲ୍ୟ ୨୯୩୦ ଟଙ୍କାକୁ ବୃଦ୍ଧି, ପ୍ରତି ଚାଷୀଙ୍କୁ ମାସିକ ୩ ହଜାର ଟଙ୍କା ପେନସନ୍‌, ପ୍ରତି ଅଳରେ ଚାଷ ଜମିକୁ ଶତ ପ୍ରତିଶତ ଜଳସେଚନ, ଫସଲ ବୀମାରେ ପ୍ରତି ରାଜସ୍ୱ ଗ୍ରାମକୁ ଏକକ ୟୁନିଟ୍ ରୂପେ ଗ୍ରହଣ, ପ୍ରାକୃତିକ ବିପର୍ଯ୍ୟୟ ପାଇଁ ଫସଲ କ୍ଷତିଗ୍ରସ୍ତ ଚାଷୀଙ୍କୁ ଦିଆଯାଉଥିବା ପ୍ରଚଳିତ କୃଷି ଇନପୁଟ୍ ସହାୟତାର ତିନିଗୁଣ ବୃଦ୍ଧି, ଚାଷ କାର୍ଯ୍ୟପାଇଁ ମାଗଣା ବିଜୁଳି, କୃଷି ଋଣ ଛାଡ଼ ସହ ବିନା ସୁଧରେ ଚାଷୀଙ୍କୁ ବାର୍ଷିକ ୫ ଲକ୍ଷ ଟଙ୍କା ପର୍ଯ୍ୟନ୍ତ କୃଷି ଋଣ ଯୋଗା଼ଣ, ବିହନ ପ୍ରତିବଦଳ ହାରର ଅଭିବୃଦ୍ଧି ଏବଂ ଚାଷୀଙ୍କ ଆବଶ୍ୟକତା ଅନୁଯାୟୀ ରିହାତି ମୂଲ୍ୟରେ ଉନ୍ନତ ପ୍ରାମାଣିକ ବିହନ ଯୋଗାଇ ଦେବା ସହ ସମସ୍ତ ଚାଷୀଙ୍କୁ କାଳିଆ ଓ ପି.ଏମ. କିଷାନ ନିଧି ଯୋଜନାରେ ଅନ୍ତର୍ଭୁକ୍ତ କରିବାକୁ କଂଗ୍ରେସ ଦଳ ତରଫରୁ ଶ୍ରୀ ପଟ୍ଟନାୟକ ଦୃଢ଼ ଦାବି କରିଛନ୍ତି । ପରିଶେଷରେ ଧର୍ମଶାଳା ବ୍ଳକ କିଷାନ କଂଗ୍ରେସ ସଭାପତି ବରିଷ୍ଠ ଚାଷୀ ନେତା ବସନ୍ତ କୁମାର ପରିଡ଼ା ଧନ୍ୟବାଦ ଅର୍ପଣ କରିଥିଲେ ।