odishatazanews.com, whatsApp – 9938341180, ph.7008991872, facebook – odishatazanews, ଲାଇକ୍ ଓ ସେୟାର କରନ୍ତୁ – Mail – odishatazanews1@gmail.com
ବେବିନା, ଇତିଶ୍ରୀ, କୁନ୍ଦୁଲି ପୀଡିତା ପରି ରାଜ୍ୟ ସରକାର ମହିଳାଙ୍କୁ ନ୍ୟାୟ ଦେବାରେ ବିଫଳ ହୋଇଛନ୍ତି ବୋଲି ଡା.ସାମନ୍ତସିଂହାର କହିଛନ୍ତି । ଡା. ସାମନ୍ତସିଂହାର କହିଛନ୍ତି ଯେ, ପୋଲିସ ତାର ମୂଳ କାମ ଭୁଲି ଅନ୍ୟ କାର୍ଯ୍ୟ କରୁଛି । ଘଟଣାର ତଦନ୍ତ ନକରି ଘଟଣାକୁ ଚାପି ଦେବାକୁ ଅପଚେଷ୍ଟା କରାଯାଉଥିବା ସନ୍ଦେହ ସୃଷ୍ଟି ହୋଇଛି ।
ଭୁବନେଶ୍ୱର ,ରିପୋର୍ଟ ,(ଓଡିଶା ତାଜା ନ୍ୟୁଜ୍ ) ମୃତ୍ୟୁ ପାଇଁ ରାଜ୍ୟ ସରକାର ଓ ପୋଲିସ ପ୍ରଶାସନ ଦାୟୀ ,୧୩ ମଇ, ବୁଧବାର, : – ମାଲକାନଗିରି ପୋଲିସ କ୍ୟାଂଟିନରେ କାର୍ଯ୍ୟରତ ମହିଳା ଦୁଷ୍କର୍ମର ଶୀକାର ହୋଇ ୫ ଦିନ ପରେ ମୃତ୍ୟୁ ସହ ସଂଗ୍ରାମ କରି ଆଜି ଶେଷ ନିଶ୍ୱାସ ତ୍ୟାଗ କରିଛନ୍ତି । ତେବେ ରାଜ୍ୟ ସରକାର ଓ ପୋଲିସ ପ୍ରଶାସନର କର୍ତବ୍ୟରେ ଅବହେଳା ଯୋଗୁଁ ମହିଳାଙ୍କ ମୃତ୍ୟୁ ଘଟିଲା ବୋଲି ରାଜ୍ୟ ସଂପାଦିକା ଡା. ଲେଖାଶ୍ରୀ ସାମନ୍ତସିଂହାର କହିଛନ୍ତି । ପୀଡିତାଙ୍କ ଦେହରେ ଦୁଷ୍କର୍ମର ଚିହ୍ନ ଥିଲାବେଳେ ଡାକ୍ତରଖାନା କିମ୍ବା ପୋଲିସ ବିଭାଗ ପକ୍ଷରୁ କିଛି ଅନୁସନ୍ଧାନ କରାଗଲା ନାହିଁ ।
ଏତଲା ପରେ ମଧ୍ୟ ପୋଲିସ ତାଙ୍କ ନିଜ ବିଭାଗରେ କାମ କରୁଥିବା ମହିଳାଙ୍କୁ ସୁରକ୍ଷା ଦେଇପାରିଲା ନାହିଁ । ବେବିନା, ଇତିଶ୍ରୀ, କୁନ୍ଦୁଲି ପୀଡିତା ପରି ରାଜ୍ୟ ସରକାର ମହିଳାଙ୍କୁ ନ୍ୟାୟ ଦେବାରେ ବିଫଳ ହୋଇଛନ୍ତି ବୋଲି ଡା.ସାମନ୍ତସିଂହାର କହିଛନ୍ତି । ଡା. ସାମନ୍ତସିଂହାର କହିଛନ୍ତି ଯେ, ପୋଲିସ ତାର ମୂଳ କାମ ଭୁଲି ଅନ୍ୟ କାର୍ଯ୍ୟ କରୁଛି । ଘଟଣାର ତଦନ୍ତ ନକରି ଘଟଣାକୁ ଚାପି ଦେବାକୁ ଅପଚେଷ୍ଟା କରାଯାଉଥିବା ସନ୍ଦେହ ସୃଷ୍ଟି ହୋଇଛି । ସେ ଆହୁରି କହିଛନ୍ତି ଯେ କରୋନାର ବାହାନା ଦେଖାଇ ପୋଲିସ ତାଙ୍କର ପ୍ରମୁଖ ଦାୟିତ୍ୱରୁ ଓହରି ପାରିବେ ନାହିଁ ।
ପୋଲିସ ଘଟଣାର ଉପଯୁକ୍ତ ତଦନ୍ତ କରି ଦୋଷୀ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଡା. ସାମନ୍ତସିଂହାର ଦାବୀ କରିଛନ୍ତି । ରାଜ୍ୟରେ ଦୁଷ୍କର୍ମ ଭଳି ଅପରାଧ ଦିନକୁ ଦିନ ବଢିବାରେ ଲାଗିଛି । ପୀଡିତାମାନେ ନ୍ୟାୟ ନପାଇ ଆତ୍ମହତ୍ୟା କରୁଛନ୍ତି । ପୋଲିସ କେବଳ ରାଜ୍ୟ ସରକାରଙ୍କ ଇଙ୍ଗିତରେ କାମ କରୁଛି । ତେବେ ପୋଲିସ ଏସବୁ କାମରୁ ବାହାରି ଲୋକଙ୍କ ସୁରକ୍ଷା କାମରେ ଲାଗୁ । ରାଜ୍ୟ ସରକାର ମଧ୍ୟ ତୁରନ୍ତ ପୀଡିତାଙ୍କ ପରିବାରକୁ ଉପଯୁକ୍ତ ଅନୁକମ୍ପା ରାଶି ପ୍ରଦାନ କରିବାକୁ ଡା. ସାମନ୍ତସିଂହାର ଦାବୀ କରିଛନ୍ତି ।
