କୋରାଇ,ରିପୋର୍ଟ / ରଶ୍ମିରେଖା ମଲ୍ଲିକ (ଓଡିଶା ତାଜା ନ୍ୟୁଜ୍ ) ମହାଲକ୍ଷ୍ମୀ ଯୁବକ ସଂଘ ପକ୍ଷରୁ ଖାଦ୍ୟ ବଂଟନ ,୭ ମଇ, ଗୁରୁବାର :- କୋରାଇ ବ୍ଲକ ଅନ୍ତର୍ଗତ ଜହ୍ନା ସ୍ଥିତ ମହାଲକ୍ଷ୍ମୀ ଯୁବକ ସଂଘ ପକ୍ଷରୁ କରୋନା ଯୋଦ୍ଧା ଓ ଦିବ୍ୟାଙ୍ଗଙ୍କୁ ଖାଦ୍ୟ ବଂଟନ କରାଯାଇଛି । ଗୁରୁବାର ମଧ୍ୟାହ୍ନରେ ଯୁବକ ସଂଘ ପରିସରରେ ସାମାଜିକ ଦୂରତା କ୍ରମେ ବିଜେପିର ଯୁବ ନେତା ବିକ୍ରମ ବିଶ୍ୱାଳଙ୍କ ତତ୍ୱାବଧନାରେ ଅନୁଷ୍ଠିତ ସଭାରେ ଅତିଥି ଭାବେ ସରପଂଚ ପ୍ରତିନିଧି ଲଲାଟେନ୍ଦୁ ନାୟକ, ସମିତିସଭ୍ୟ କ୍ଷୀରୋଦ ଦାସ ଯୋଗ ଦେଇଥିଲେ ।
ଏହି ଅବସରରେ ମହାମାରି କରୋନାକୁ ପ୍ରତିହତ କରିବା ଓ ଦକ୍ଷତାକୁ ସଠିକ ଭାବେ ସଂପାଦନା କରୁଥିବା ପାଣିକୋଇଲି ଥାନା ଅଧିକାରୀ ଅଜୟ କୁମାର ଜେନାଙ୍କୁ ସଂଘ ପକ୍ଷରୁ ଉତରୀଅ ଓ ପୁଷ୍ପ ଗୁଚ୍ଛ ଦେଇ ସମ୍ମାନିତ କରିଯିବା ସହିତ ଜହ୍ନା ଗ୍ରାମର ଆଶାକର୍ମୀ ମୀନତି ସାହୁଙ୍କୁ ମଧ୍ୟ ସମ୍ମାନିତ କରାଯାଇଥିଲା । ଏତଦ ବ୍ୟତୀତ ଗ୍ରାମରେ ଥିବା ଦିବ୍ୟାଙ୍ଗଙ୍କୁ ସୁଖିଲା ଖାଦ୍ୟ ପୁଡିଆ ବଂଟନ କରା ଯାଇଥିଲା । ଅନୁଷ୍ଠିତ କାର୍ଯ୍ୟକ୍ରମକୁ ସଂଘ ପକ୍ଷରୁ କୁଳମଣି ରାଉତ, ପ୍ରାଣକୃଷ୍ଣ ବିଶ୍ୱାଳ, ଦୁର୍ଯ୍ୟୋଧନ ସାହୁ, ବାବଜୀ ବେହେରା, ପଦ୍ମନାଭ ବିଶ୍ୱାଳ, ଅଜିତ କୁମାର ମଲ୍ଲିକ, ଅରୁଣ କୁମାର କବି, ବାପୁ ସହୁ, ଚକ୍ରଧର ସାହୁ ଉପସ୍ଥିତ ଥିଲେ ।
