ବୈପାରିଗୁଡା ବ୍ଲକରେ ୩୯ ଜଣ ପ୍ରାର୍ଥୀ ନାମାଙ୍କନ ପତ୍ର ପ୍ରତ୍ୟାହାର କଲେ

ଓଡ଼ିଶା ତାଜା ନ୍ୟୁଜ୍ (୨୬ ଜାନୁଆରୀ ମଙ୍ଗଳବାର) ବୈପାରିଗୁଡା :- ବୈପାରିଗୁଡା ବ୍ଲକର ୫୩୧ ଜଣ ସରପଞ୍ଚ,ସମିତି ସଭ୍ଯ ଓ୍ବାର୍ଡ ମେମ୍ବର ପ୍ରାର୍ଥୀ ପ୍ରାର୍ଥୀପତ୍ର ଦାଖଲ କରିଥିବା ବେଳେ ସେଥି ମଧ୍ଯରୁ ୨୦ ଗୋଟି ପଞ୍ଚାୟତର ସରପଞ୍ଚ ପାଇଁ ୧୦ ଜଣ, ସମିତିସଭ୍ଯ ୧୦ ଜଣ ଓ ଓ୍ବାର୍ଡମେମ୍ବର ପାଇଁ ୧୯ ଜଣ ପ୍ରାର୍ଥୀ ନାମାଙ୍କନ ପତ୍ର ପ୍ରତ୍ୟାହାର କରିଛନ୍ତି ।

ସେହି ପରି ଭାବେ ବିଭିନ୍ନ ପଞ୍ଚାୟତରୁ ୫ ଜଣ ସରପଞ୍ଚ ପ୍ରାର୍ଥୀ, ୬ ଜଣ ସମିତିସଭ୍ଯ ପ୍ରାର୍ଥୀ ଓ ୨୫ ଜଣ ଓ୍ବାର୍ଡମେମ୍ବର ପ୍ରାର୍ଥୀଙ୍କ ନାମାଙ୍କନ ପତ୍ର  ରିଜେକ୍ଟ ହୋଇଥିବା ନେଇ ସୂଚନା ପ୍ରଦାନ କରିଛନ୍ତି ନିର୍ବାଚନ ଅଧିକାରୀ ତଥା ଗୋଷ୍ଠୀ ଉନ୍ନୟନ ଅଧିକାରୀ ଅଭିମନ୍ୟୁ କବି ଶତପଥି !

ମଙ୍ଗଳବାର ଦିନ ୩ ଟା ପ୍ରତ୍ୟାହାର କାର୍ଯ୍ୟକ୍ରମ ଶେଷ ହେବା ପରେ ୨୦ ଗୋଟି ପଞ୍ଚାୟତର ସରପଞ୍ଚ ୬୭ ,ସମିତିସଭ୍ଯ ୬୩ ,ଓ୍ବାର୍ଡମେମ୍ବର ୩୨୬ ଜଣ ପ୍ରାର୍ଥୀଙ୍କୁ ପ୍ରଶାସନ ତରଫରୁ ଚିହ୍ନ ପ୍ରଦାନ କରାଯାଇଥିବାର ଜଣାପଡିଛି !