ବୈପାରିଗୁଡାରେ ସୁଭାଷ ବୋଷଙ୍କ ୧୨୫ ତମ ଜୟନ୍ତୀ ପାଳିତ

ଓଡ଼ିଶା ତାଜା ନ୍ୟୁଜ୍ (୨୪ ଜାନୁଆରୀ,ସୋମବାର ) ବୈପାରିଗୁଡା :- ବୈପାରିଗୁଡା ସ୍ଥିତ ଅଲ୍ ଇଣ୍ଡିଆ ଡିଏସ୍ଓ କାର୍ଯ୍ୟାଳୟ ପରିସର ଠାରେ ଅଲ୍ ଇଣ୍ଡିଆ ଡିଏସ୍ଓ ବୈପାରିଗୁଡା ଶାଖା ପକ୍ଷରୁ ନେତାଜୀ ସୁଭାଷ ଚନ୍ଦ୍ର ବୋଷ ଙ୍କ୧୨୫ ତମ ଜୟନ୍ତୀ ପାଳିତ ହୋଇ ଯାଇଛି । ମୁଖ୍ୟ ଅତିଥି ଭାବେ ଏସୟୁସିଆଇ ( suci )ଜିଲ୍ଲା ସମ୍ପାଦକ କାହ୍ନୁ ଚରଣ ବିଶ୍ବାଳ, ବ୍ଲକ ସମ୍ପାଦକ ସୂର୍ଯ୍ୟ ନାରାୟଣ ବିଶୋଇ, ଡିଏସ୍ଓ ର ସୁଜିତ ସ୍ବାଇଁ ,ଶ୍ରମିକ ନେତା କେଶବ ଭୂମିଆ, ଯୁବ ସଂଗଠନର ଦଶରଥ ଖିଲ,ଚାଷୀ ନେତା ରାମ ବାରିକ,ପ୍ରମୁଖ ଉପସ୍ଥିତ ରହି ପ୍ରଥମେ ନେତାଜୀ ଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ ।

ଏହି ଅବସରରେ ଅତିଥି ମାନେ ନେତାଜୀଙ୍କ ବୈପ୍ଲବିକ ଓ ତ୍ୟାଗପୁତ ଜୀବନୀ ଉପରେ ଆଲୋକ ପାତ କରିଥିଲେ । ତାଙ୍କ ଦ୍ୱାରା ଗଠିତ ଆଜାଦ୍ ହିନ୍ଦ୍ ସରକାରର ଭୟରେ ଇଂରାଜୀ ସରକାର ଭାରତକୁ ସ୍ୱାଧୀନତା ପ୍ରଦାନ କରିବା ପାଇଁ ନିଷ୍ପତ୍ତି ନେଇଥିଲା । ଭାରତର ସ୍ୱାଧୀନତା ପାଇଁ ତାଙ୍କର ବଳିଦାନ ଅତୁଳନୀୟ ଏବଂ ଅବିସ୍ମରଣୀୟ ବୋଲି ଅତିଥିଙ୍କ ସମେତ ଅନ୍ୟ ବକ୍ତାମାନେ ମତବ୍ୟକ୍ତ କରିଥିଲେ । ଅନ୍ୟ ମାନଙ୍କ ମଧ୍ୟରେ ପ୍ରମିଳା ପୂଜାରୀ ,ନବିନା ବାରିକ ବାସନ୍ତି ଖରା ଓ ଲକ୍ଷ୍ମୀ ବାରିକ ତଥା ପ୍ରମୁଖ ଉପସ୍ଥିତ ଥିଲେ । ରିପୋର୍ଟ ବିକ୍ରାନ୍ତ କୁମାର ବେବର୍ତ୍ତା,