ଜିଲାପରିଷଦ ସଭ୍ୟ ପାଇଁ ବିଜେପି ର ନାମାଙ୍କନ ପତ୍ର ଦାଖଲ – ବିଜେଡି କେବେ ଦେବ ପ୍ରାର୍ଥୀ

ଓଡ଼ିଶା ତାଜା ନ୍ୟୁଜ୍ (୨୦ ଜାନୁଆରୀ ଗୁରୁବାର ) ବୈପାରିଗୁଡା :- କୋରାପୁଟ ଜିଲାର ବୈପାରିଗୁଡା ବ୍ଲକ ୨ ଟି ଜିଲା ପରିଷଦ ସଭ୍ୟ/ସଭ୍ୟା ପାଇଁ ଜୟପୁର ଉପଜିଲ୍ଲାପାଳ ଙ୍କର ନିକଟରେ ବିଜେପି ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଥିବାର ଜଣାପଡିଛି ! ତେବେ ବିଜେଡି ଦଳ ପକ୍ଷରୁ ବହୁ ଆଶାୟୀ ପ୍ରାର୍ଥୀ ବୈପାରିଗୁଡା ବ୍ଲକ ରେ ରହିଥିବା ବେଳେ ଏକାଧିକ ଆଶାୟୀ ଙ୍କ ମଧ୍ୟରୁ ଜଣର ନାଁ ମଧ୍ୟ ଚୁଡାନ୍ତ ନାମ ନିଷ୍ପତ୍ତୀ ହୋଇ ପାରୁନଥିବା ବେଳେ ଆଉ ଗୋଟିଏ ଦିନ ବାକି ରହିଲା ନାମାଙ୍କନ ପତ୍ର ଦାଖଲ ତାରିଖ ! ଦେଖିବାକୁ ଗଲେ ବିଜେଡି ର ଟିକଟବଣ୍ଟା ଛିଣ୍ଡୁନଥିବା ଏବେ ଜୋର ଚର୍ଚ୍ଛାର ବିଷୟ ହୋଇଛି !

ସେହି ପରିଭାବେ କଂଗ୍ରେସ ଦଳ ପକ୍ଷରୁ ମଧ୍ୟ ପ୍ରାର୍ଥୀ ଚୁଡାନ୍ତ ହୋଇ ନାମାଙ୍କନ ପତ୍ର ଦାଖଲ କରି ସାରି ଲେଣି !ଆଜି ବିଜେପି ପକ୍ଷରୁ ବୈପାରିଗୁଡା ବ୍ଲକ ଜୋନ୍‍-୧ ରେ ସୁରେଶ ହରିଜନ, ଜୋନ୍ -୨ ରେ ସନାଇ ନାୟକ ପ୍ରାର୍ଥୀ ପତ୍ର ଦାଖଲ କରିଛନ୍ତି । ଏହି ସମୟରେ ଜିଲ୍ଲା ସାଧାରଣ ସଂପାଦକ ଚନ୍ଦ୍ର ଶେଖର ରଥ, ଜିଲ୍ଲା ଆଦିବାସୀ ମୋର୍ଚ୍ଚା ସଭାପତି ନରେନ୍ଦ୍ର କାନ୍ଦୁଲିଆ,ଜିଲ୍ଲା ଯୁବ ମୋର୍ଚ୍ଚା କାର୍ଯ୍ୟ କାରିଣୀ ସଦସ୍ୟ ରାଜେନ୍ଦ୍ର ମହାଙ୍କୁଡ ଙ୍କ ସହ ବୈପାରିଗୁଡା ଓ କୁନ୍ଦୁରା ଓ ଜୟପୁର ର ବିଜେପି ଦଳର କିଛି କର୍ମୀ ଉପସ୍ଥିତ ରହିଥିଲେ ! ତେବେ ଗତ ସୋମବାର ଠାରୁ ନାମାଙ୍କନପତ୍ର ଦାଖଲ ଆରମ୍ଭ ହୋଇଥିବା ବେଳେ ଆସନ୍ତା ଶୁକ୍ରବାର ୨୧ ତାରିଖ ନାମାଙ୍କନର ଶେଷ ଦିବସ ରହିଛି।ରିପୋର୍ଟ ବିକ୍ରାନ୍ତ କୁମାର ବେବର୍ତ୍ତା,