କଟକ,ରିପୋର୍ଟ,ଲଷ୍ମୀଧର ଖୁଣ୍ଟିଆ (ଓଡିଶା ତାଜା ନ୍ୟୁଜ୍ ) ଘରୋଇ ଡାକ୍ତରଖାନା ମାନଙ୍କରେ ଅକାରଣରେ ଯାଉଛି ନିରୀହ ରୋଗୀଙ୍କ ଜୀବନ ,୬ ମଇ, ବୁଧବାର : – ବୁଧବାର (ଓଡିଶା ତାଜା ନିଉଜ ) କଟକ ଜିଲ୍ଲା ଗ୍ରାମାଞ୍ଚଳ ମାନଙ୍କରେ ଏବେ ଛତୁ ଫୁଟାଇଲାଭଳି ଘରୋଇ ମେଡିକାଲ ଠାରୁ ଆରମ୍ଭ କରି ବେଆଇନ କ୍ଲିନିକ ଖୋଲା ଯାଇ ସାଧାରଣ ଗରିବ ରୋଗୀଙ୍କ ଠାରୁ ବିଭିନ୍ନ ଆଳ ଦେଖାଇ ଅର୍ଥ ହରିଲୁଟ ହେବା ସହ ଭୁଲ ଚିକିତ୍ସା ର ଶିକାର ହୋଇ ଜୀବନ ଯାଉଥିବା ବେଳେ ସ୍ୱାସ୍ଥ୍ୟ ବିଭାଗ ସବୁ ଜାଣି ଚୁପ ବସିଛି, ଏପରିକି ଗ୍ରାମାଞ୍ଚଳର ବିଭିନ୍ନ ସରକାରୀ ମେଡିକାଲରେ ଦଲାଲ ମାନେ ସକ୍ରିୟ ହେବାସହ ନିରୀହ ଲୋକମାନଙ୍କୁ କମ ଖର୍ଚରେ ସ୍ୱାସ୍ଥ୍ୟ ସେବା ଯୋଗାଇଦେବାକୁ କହି ଘରୋଇ ମେଡିକାଲରେ ଭର୍ତ୍ତି କରିବା ପରେ ମନମୁଖୀ ଶକ୍ତି ଜାହିର କରି ରୋଗୀ ସେବା ନାଁରେ ଅର୍ଥ ହରିଲୁଟ କରୁଛନ୍ତି, ଗ୍ରାମାଞ୍ଚଳର ବିଭିନ୍ନ ମେଡ଼ିସିନ ଦୋକାନ ମାନଙ୍କରେ ବେଆଇନ ସୂତ୍ରେ ବିନା ସରକାରୀ ପଞ୍ଜିକରଣ ରେ ଘରୋଇ କ୍ଲିନିକ କରି ବାହାରୁ ଡାକ୍ତରଙ୍କୁ ଆଣି ରୋଗୀ ମାନଙ୍କ ଠାରୁ ମନଇଛା ଅର୍ଥ ଲୁଟ କରୁଥିଲେବି ଏଥିପ୍ରତି ଜିଲ୍ଲା ସ୍ୱାସ୍ଥ୍ୟ ବିଭାଗ କି ଡ୍ରଗ୍ସ ଇନିସ୍ପେକ୍ଟର ଦୃଷ୍ଟିଦେଉନାହାନ୍ତି, ଘରୋଇ ମେଡ଼ିସିନ ଦୋକାନୀ ବେଆଇନ କ୍ଲିନିକ କରି ଜଣେ ଜଣେ ରୋଗୀଙ୍କ ଠାରୁ ୫ ସହ ଟଙ୍କାରୁ ୧ ହଜାର ପର୍ଯ୍ୟନ୍ତ ଫିସ ଆଦାୟ କରି ମାଲାମାଲ ହେଉଛନ୍ତି, ଯାହାକୁ ପ୍ରଶାସନ ଜଣିକିବି ଚୁପ ହୋଇ ବସିଛି,
ଅର୍ଥ ଖର୍ଚକରି ବି ରୋଗୀମାନେ ଠିକ ସେବା ନପାଇ ମୃତ୍ୟୁ ମୁଖରେ ପଡୁଛନ୍ତି, ଏପରି ଏକ ଘଟଣା ଆଠଗଡ ବ୍ଲକ ସମସରପୁର ପଞ୍ଚାୟତ ନଡୁଆପଡା ଗ୍ରାମରେ ଦେଖିବାକୁ ମିଳିଛି, ଏହି ଗ୍ରାମର ରାଜକିଶୋର ରଣା ଙ୍କ ଧର୍ମପତ୍ନୀ ପ୍ରିୟଦର୍ଶିନୀ ରଣା ପ୍ରସବ ପାଇଁ ଆଠଗଡ କନ୍ତୋଲ ଠାରେ ଥିବା ଘରୋଇ S.S HospitaL କୁ ଯାଇଥିବା ବେଳେ ଘରୋଇ ଡାକ୍ତରଖାନା ର ଜୈନିକ ଡାକ୍ତରଙ୍କ ଭୂଲ ଇଞ୍ଜେକସନ ତାଙ୍କର ମୃତ୍ୟୁ ହୋଇଥିବା ଆଠଗଡ଼ ଥାନାରେ ଅଭିଯୋଗ ହୋଇଛି, ଭୁଲ ଚିକିତ୍ସା ଯୋଗୁ ଯୋଗୁଁ ରାଜ କିଶୋର ରଣାଙ୍କ ସ୍ତ୍ରୀ ପ୍ରିୟଦର୍ଶିନୀ ରଣାଙ୍କ ସମେତ ଦୁନିଆ ଦେଖିବାକୁ ଅପେକ୍ଷା କରିଥିବା ଶିଶୁ ମଧ୍ୟ ମୃତ୍ୟୁବରଣ କରିଥିବା ଜଣାଯାଇଛି, ଘଟଣାରୁ ପ୍ରକାଶ ଯେ ରାଜ କିଶୋର ରଣାଙ୍କ ସ୍ତ୍ରୀ ପ୍ରିୟଦର୍ଶିନୀ ଙ୍କର ଗତକାଲି ପ୍ରସବ ବେଦନା ହେବାରୁ ତାଙ୍କୁ ତାଙ୍କ ବାପ ଘର ଲୋକ ଆଠଗଡ କନ୍ତୋଲ ଠାରେ ଥିବା ଘରୋଇ ଏସ୍ଏସ ହସପିଟାଲ କୁ ଆଣିଥିଲେ । ସେଠାରେ ଥିବା ଡାକ୍ତର ତାଙ୍କୁ କୈଣସି ଏକ ଇଜେକସନ ଦେବାରୁ ଗର୍ଭ ଯନ୍ତ୍ରଣା ବଢ଼ିଯିବା ସହ ପାଟିରୁ ଫେଣ ବାହାରକରି ଗୁରୁତର ହୋଇଯିବାରୁ ଡାକ୍ତର ତାଙ୍କୁ ତୁରନ୍ତ କଟକ ବଡ ଡାକ୍ତରଖାନାକୁ ରେଫର କରିଥିଲେ । ପରିବାର ଲୋକ ପ୍ରିୟଦର୍ଶନୀ କୁ କଟକ ମେଡିକାଲ ନେଇ ଯାଉଥିବା ବେଳେ ନୂଆପାଟଣା ସେତୁ ନିକଟରେ ତାଙ୍କର ମୃତ୍ୟ ଘଟିଥିଲା ।ମୃତ୍ୟୁ ପରେ ତାଙ୍କୁ ଫେରାଇ ଆଣି ଆଠଗଡ ଡାକ୍ତରଖାନାରେ ପୋଷ୍ଟମର୍ଟମ କରିବାକୁ ନେଇ ଉକ୍ତ ଏସ୍ଏସ ହସପିଟାଲ ନାମରେ ଆଠଗଡ଼ ଥାନାରେ ଲିଖିତ ଅଭିଯୋଗ କରିଥିଲେ ।
ଘଟଣା ସମ୍ପର୍କରେ ଜଣାପଡିବା ପରେ ଉକ୍ତ ଘରୋଇ ହସ୍ପିଟାଲରେ ପହଞ୍ଚିବା ବେଳକୁ ହସପିଟାଲରେ କେହି ଡାକ୍ତର କି କର୍ମଚାରୀ ନଥିଲେ ସମସ୍ତେ ଫେରାର ହୋଇ ଯାଇଥିଲେ।ପୋଲିସ ପ୍ରିୟଦର୍ଶିନୀ ଙ୍କ ସ୍ବାମୀଙ୍କ ଏତଲାକୁ ଭିତ୍ତିକରି ଏକ ମାମଲା ରୁଜୁକରି ତଦନ୍ତ ଜାରି ଆରମ୍ଭ କରି ଉକ୍ତ ଡାକ୍ତର ଘରୋଇ ହସ୍ପିଟାଲର ପରିଚାଳକ କୁ ଖୋଜୁଛି ଅନ୍ୟପଟେ ବାରମ୍ବାର ଉକ୍ତ ହସପିଟାଲରେ ଏଭଳି ଘଟଣା ଘଟୁଥିବା ବେଳେ କିଏ ଏହି ହସପିଟାଲକୁ ପରମିସନ ଦେଉଛି ତାହା ନେଇ ପ୍ରଶ୍ନବାଚୀ ସୃଷ୍ଟି ହେଉଛି, ତାକୁ ନେଇ ଉଠିଛି ବଡ ପ୍ରଶ୍ନ। ଗତ କିଛିମାସ ତଳେ ଜଣେ ବିବାହିତା ମହିଳାଙ୍କ ର ଏହି ହସ୍ପିଟାଲରେ ଜୋର ଜବରଦସ୍ତି ଗର୍ଭନଷ୍ଟ କରାଯାଇଥିବା ଅଭିଯୋଗରେ ଦୁଇଜଣ ଗିରଫ ହୋଇ ଜେଲ ଯାଇଥିବା ବେଳେ ପୁନର୍ବାର ଉକ୍ତ ଘରୋଇ ହସପିଟାଲ ଖୋଲିବାକୁ ନେଇ ଉଠିଛି ବଡ ପ୍ରଶ୍ନ, କାହା ବାହୁ ଛତ୍ର ଛାୟାତଳେ ଏହି ହସ୍ପିଟାଲ ଚାଲୁଚି ତଦନ୍ତ କରାଗଲେ ବାହୁ ଅନିୟମିତତା କାର୍ଯ୍ୟ ର ଖୁଲାସା ହେବ ବୋଲି ସାଧାରଣରେ ଦାବୀ ହୋଇଛି, ଅପର ପକ୍ଷରେ କଟକ ଜିଲ୍ଲା ର ସମସ୍ତ ବ୍ଲକ ଅଂଚଳରେ ଶହଶହ ବେଆଇନ କ୍ଲିନିକ ଚାଲୁଥିବାବେଳେ ସ୍ୱାସ୍ଥ୍ୟ ବିଭାଗ ଆଖିବୁଜିଦେଇଛି,
