ନାରାୟଣପାଟଣାର ଚାଷୀ ମୂଲିଆ ସଂଘର ସଭାପତି ନାଚିକା ପୁଣି ସକ୍ରିୟ, ବିଭିନ୍ନ ପ୍ରସଙ୍ଗ ନେଇ ମୁଖ୍ୟମନ୍ତ୍ରୀଙ୍କ ନିକଟକୁ ଦାବି ପତ୍ର

ଓଡ଼ିଶା ତାଜା ନ୍ୟୁଜ୍ (୧୨ ଜାନୁଆରୀ ବୁଧବାର ) କୋରାପୁଟ :- ଦୀର୍ଘ ପ୍ରାୟ ୭ବର୍ଷ ପରେ କୋରାପୁଟ ଜିଲ୍ଲାର ନାରାୟଣପାଟଣା ବ୍ଲକର ଚାଷୀ ମୂଲିଆ ସଂଘର ସଭାପତି ନାଚିକା ଲିଙ୍ଗା ପୁଣି ସକ୍ରିୟ ହୋଇ ପଡ଼ିଛନ୍ତି। କୋରାପୁଟ ଜିଲ୍ଲାର ଆଦିବାସୀ ଅଧ୍ୟୁଷିତ ବନ୍ଧୁଗାଁ, ନାରାୟଣପାଟଣା ସମେତ ଅନ୍ୟାନ୍ୟ ବ୍ଲକରେ ମଦକାରବାର ବୃଦ୍ଧି ସହିତ ଗୋତି ଓ ଆଦିବାସୀ ମାନଙ୍କ ଜମିକୁ ଅଣ ଆଦିବାସୀ ମାନେ ହଡ଼ପ କରିଥିବା ଅଭିଯୋଗ କରି ଦୁଇ ଦଶନ୍ଧି ତଳେ ବନ୍ଧୁଗାଁ ବ୍ଲକରୁ ପ୍ରଥମେ ଆରମ୍ଭ ହୋଇଥିଲା ଆନ୍ଦୋଳନ। ପ୍ରଥମ ଏହାର ନେତୃତ୍ବ ନେଇଥିଲେ କଣ୍ଡାଗରି ପାଇଡାମା ଓ ଅର୍ଜୁନ କେଣ୍ଡୃକା ।

ପରେ ଏଥିରେ ସାମିଲ ହୋଇଥିଲେ ନାରାୟଣପାଟଣା ବ୍ଲକର ନାଚିକା ଲିଙ୍ଗା । କ୍ରମେ ଆନ୍ଦୋଳନ ଜୋର ଧରିଥିଲା”, ବହୁ ଅଣ ଆଦିବାସୀ ମାନଙ୍କ ଜମିକୁ ମଧ୍ୟ ଦଖିକୁ ନେଇ ସଂଘର ସଦସ୍ୟ ମାନେ ଚାଷ କରିଥିଲେ । ଅନେକ ଅଣ ଆଦିବାସୀ ଙ୍କ ସହିତ କିଛି ଆଦିବାସୀ ପରିବାର ମାନେ ମଧ୍ୟ ବିସ୍ଥାପିତ ହୋଇ କୋରପୁଟ ସମେତ ବିଭିନ୍ନ ସ୍ଥାନରେ ଆଶ୍ରୟ ନେଇଥିବା ସହିତ କିଛି ଫେରିଥିବା ବେଳେ ବର୍ତ୍ତମାନ ମଧ୍ଯ ଅନେକ ରହିଛନ୍ତି । ବନ୍ଧୁଗାଁ ଓ ନାରାୟଣପାଟଣା ବ୍ଲକରୁ ସଂଘ ଲକ୍ଷ୍ମୀପୁର ଅଂଚଳରେ ପ୍ରବେଶ କରିବା ପାଇଁ ହଜାର ହଜାର ସଦସ୍ୟ ମାନଙ୍କୁ ନେଇ ଏକ ସମାବେଶ କରିବା ପାଇଁ ଚେଷ୍ଟା କରିବା ବେଳେ ପୁଲିସ ପ୍ରଶାସନ ଏଥିରେ ରୋକ ଲଗାଇ ଥିଲା । ଏପରିକି ସଂଘର ଉପଦେଷ୍ଟା ଭାବେ କାର୍ଯ୍ୟ କରୁଥିବା ଗଣନାଥ ପାତ୍ର ଓ ଦଣ୍ଡପାଣି ମହାନ୍ତିଙ୍କୁ ମଧ୍ଯ ଗିରଫ କରାଯାଇଥିଲା ।

ଆନନ୍ଦ ତୀବ୍ର ହେବା ସହିତ ଅଂଚଳରେ ମାଓବାଦୀଙ୍କ କାର୍ଯ୍ୟ ବୃଦ୍ଧି ପାଇବା କାରଣରୁ ସଂଘର ଶହଶହ ସଦସ୍ୟ ଙ୍କୁ ଗିରଫ କରାଯାଇଥିଲା “, ଏପରିକି ୨୦୦୯ ମସିହାରେ ନାରାୟଣପାଟଣା ଥାନା ଆକ୍ରମଣ ଘଟଣାରେ ଜଣେ ପ୍ରମୁଖ କେଣ୍ଡୃକା ସିଙ୍ଗାନାଙ୍କ ସହିତ ଦୁଇ ଜଣ ପୁଲିସ ଗୁଳିରେ ମୃତ୍ୟୁ ହୋଇଥିଲା । ଅନେକ ସଦସ୍ୟ ଗିରଫ ହୋଇଥିବା ସହିତ ସଂଘର ନେତା ନାଚିକା ଲିଙ୍ଗା ଆତ୍ମଗୋପନ କରିଥିଲେ । ତାଙ୍କ ନାମରେ ପ୍ରାୟ ୪୦ରୁ ଊର୍ଦ୍ଧ୍ବ ବିଭିନ୍ନ ମାମଲା ରୁଜୁ ହୋଇଥିଲା । ତେବେ ୨୦୧୪ ମସିହାରେ ବିଏସଏଫ ଯବାନ ମାନଙ୍କ ଦ୍ଵାରା ନାଚିକା ଗିରଫ ହୋଇ ସମସ୍ତ ମାମଲାରୁ ଦୋଷମୁକ୍ତ ହୋଇ ଖଲାସ ହୋଇଥିଲେ ।

ତେବେ ୨୦୧୭ ପଞ୍ଚାୟତ ନିର୍ବାଚନ ରେ ଚାଷୀ ମୂଲିଆ ସଂଘ ସକ୍ରିୟ ଭୂମିକା ଗ୍ରହଣ କରିଥିଲା”, ବ୍ଲକର ସମସ୍ତ ସରପଞ୍ଚ ଓ ସମିତି ସଭ୍ୟ ସମର୍ଥୀତ ପ୍ରାର୍ଥୀ ନିର୍ଦ୍ଵନ୍ଦରେ ନିର୍ବାଚିତ ହୋଇଥିଲେ । ଏପରିକି ନାଚିକା ଙ୍କ ପତ୍ନୀ ଙ୍କ ସହିତ ଏକମାତ୍ର ଜିଲ୍ଲା ପରିଷଦ ସଦସ୍ୟ ଆସନରେ ମଧ୍ୟ ଜୁରୋ ମାହୁକା ନିର୍ଦ୍ଵନ୍ଦରେ ନିର୍ବାଚିତ ହୋଇଥିଲେ । ଏପରିକି ଗତ ସାଧାରଣ ନିର୍ବାଚନରେ ମଧ୍ୟ ସେ ଏକ ନିର୍ଦ୍ଦିଷ୍ଟ ରାଜନୈତିକ ଦଳ ପକ୍ଷରୁ ପ୍ରାର୍ଥୀ ହେବେ ବୋଲି ଶୁଣିବାକୁ ମିଳୁଥିଲା, ଅବଶ୍ୟ ମାମଲା ଥିବା କାରଣରୁ ତାହା ସମ୍ଭବପର ହୋଇ ପାରିନଥିଲା ।

ନାଚିକା ଆତ୍ମଗୋପନ କରିଥିବା ସମୟରେ ସେତି ଲକ୍ଷ୍ମୀପୁର ନିର୍ବାଚନ ମଣ୍ଡଳୀର ବିଧାୟକ ଥିବା ଝିନ୍ନ ହିକକାଙ୍କୁ ୨୦୧୨ ମାର୍ଚ୍ଚ ମାସରେ ମାଓବାଦୀମାନେ ଅପହରଣ କରିଥିଲେ । ଏପରିକି କାରାଗାରରେ ଥିବା କିଛି ମାଓବାଦୀଙ୍କ ସମେତ ଚାଷୀ ମୂଲିଆ ସଦସ୍ୟ ମାନଙ୍କୁ ମୁକ୍ତ ନକଲେ ଝିନ ହିକକାଙ୍କୁ ମୁକ୍ତ କରାଯିବ ନାହିଁ ବୋଲି ମାଓବାଦୀମାନଙ୍କ ପ୍ରମୁଖ ନେତା ମାନେ ଅଡି ବସିଥିଲେ ।
ଗତ ୨୦୨୦ ମଶିହା ନ ଅଭେମ୍ବର ମାସରେ ନାଚିକା କାରାଗାରରୁ ମୁକ ହୋଇ ବିଭିନ୍ନ ସାମାଜିକ କାର୍ଯ୍ୟରେ ନିଜକୁ ସାମିଲ କରିଥିଲେ,

କିନ୍ତୁ ଆସନ୍ତା ମାର୍ଚ୍ଚ ମାସରେ ପଞ୍ଚାୟତ ନିର୍ବାଚନ ଥିଲା ବେଳେ ଏହାପୂର୍ବରୁ ଏହା ପୂର୍ବରୁ ନାଚିକା ଆଦିବାସୀ ମାନଙ୍କ ବିଭିନ୍ନ ପ୍ରସଙ୍ଗ କୁ ନେଇ ବିଶେଷ କରି ଅଣ ଆଦିବାସୀ ମାନେ ଚଞ୍ଚକତା କରି ନେଇଥିବା ଆଦିବାସୀ ମାନଙ୍କ ଜମିକୁ ସେମାନଙ୍କୁ ଫେରାଇବା, ମଦ ମୁକ୍ତି, ଜଙ୍ଗଲ ଜମି ଅଧିକାର, ନିଯୁକ୍ତି, ସରକାରଙ୍କ ପକ୍ଷରୁ ପ୍ରଦାନ କରାଯାଉଥିବା ଭତ୍ତା କୁ ପାଞ୍ଚ ଶହରୁ ହଜାର ଟଙ୍କାକୁ ବୃଦ୍ଧି ଆଦି ଦାବି କରି ସ୍ଥାନୀୟ ଗୋଷ୍ଠୀ ଉନ୍ନୟନ ଅଧିକାରୀଙ୍କ ମଧ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ନିକଟକୁ ପଠାଇଛନ୍ତି”, ଯାହାକୁ ନେଇ ଅଞ୍ଚଳରେ ରାଜନୈତିକ ବାତାବରଣ ସରଗରମ ହୋଇ ଉଠିଥିବା ସହିତ ନାଚିକା ଙ୍କ ଭୂମିକା ଉପରେ ସମସ୍ତଙ୍କ ନଜର ରହିଛି ଆଗକୁ କଣ ହେଉଛି ।