କଟକ, ସାଲେପୁର/ରିପୋର୍ଟ /ଲଷ୍ମୀଧର ଖୁଣ୍ଟିଆ ( ଓଡିଶା ତାଜା ନ୍ୟୁଜ୍ ) ,୫ ମଇ, ମଙ୍ଗଳବାର :- କଟକ ଜିଲ୍ଲା ସାଲେପୁର ଶିଶୁଆ ସବ ଜେଲ ରୁ ଜଣେ ସଜା କାଟୁଥିବା କଏଦୀ ଗତକାଲି ରାତିରେ କୌଣସି ମତେ ଚମ୍ପଟ ମାରିଥିଲା, । ଫେରାର କଏଦୀ ଜଣକ ହେଲେ ସାଲେପୁର ଥାନା ଖଣ୍ଡ ଗାଁ ର ନୃସିଂହ ନାଥ ସାମଲ । ସେ ଏକ ଦୁଷ୍କର୍ମ ମାମଲାରେ ଜେଲ ରେ ସଜାକାଟି ଆସୁଥିଲେ । ଜେଲ ରେ କରୋନା ପାଇଁ କଏଦୀ ଙ୍କ ସୁରକ୍ଷା ଦୃଷ୍ଟିରୁ ତାଙ୍କୁ ଚୌଦ୍ୱାର ଜେଲ ରୁ ଗତ 23.3.20ତାରିଖରେ ସାଲେପୁର ଶିଶୁଆ ଜେଲକୁ ଅଣା ଯାଇଥିଲା । ହେଲେ ଗତକାଲି ସନ୍ଧ୍ୟାରେ ଜେଲର ମନିଟରିଂ ବେଳେ ସଂପୃକ୍ତ କଏଦୀ ଜେଲ ରୁ ଚମ୍ପଟ ମାରିଥିବା ଜେଲ କତ୍ତୃପକ୍ଷ ଜାଣିବାକୁ ପାଇଥିଲେ, ଏହାପରେ ଜେଲ କର୍ତ୍ତୃପକ୍ଷ କଏଦୀ ଫେରାର ନେଇ ସାଲେପୁର ଥାନା ରେ ଲିଖିତ ଏତଲା ଦେଇଥିଲେ ।
ସାଲେପୁର ପୋଲିସ ଏଦିଗରେ ତପ୍ତରତା ପ୍ରକାଶ କରିବାସହ ତୁରନ୍ତ ପଦକ୍ଷେପ ଗ୍ରହଣ କରିଥିଲା। ଶେଷରେ ଗତକାଲି ରାତିରେହିଁ ପୋଲିସ ଫେରାର କଏଦୀ ନୃସିଂହ କୁ ତାଙ୍କ ଗାଁରୁ ଗିରଫ କରିବାକୁ ସକ୍ଷମ ହୋଇଥିଲା । ପୋଲିସ ନୃସିଂହ କୁ ଥାନାରେ ଆଣି ରଖି ରଖି ଚମ୍ପଟ ସମ୍ପର୍କରେ ପଚରା ଉଚରା କରି ତଦନ୍ତ କରୁଛି । ସେପଟେ ଦିନରେ କଏଦୀ ଜେଲ ଭିତରୁ ଫେରାର ହେବା ଘଟଣା କୁ ନେଇ ଜେଲ ର ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି କରିଛି ।
କିପରି କଏଦୀ ଜଣକ ଜେଲରୁ ଚମ୍ପଟ ମାରିଲା ତାହା କେହି ଜାଣିପାରିନଥିବା ଜେଲର ସଫେଇଦେଇଛନ୍ତି, କହୁଛନ୍ତି ସିସି ଟିଭି ଫୁଟେଜ ଚେକିଂ ରୁ କଏଦୀ ଚମ୍ପଟ କିପରି ମାରିଲା ଜଣାପଡିବ, ଏଇଥିରୁ ଅନୁମାନ ଜେ ସାଲେପୁର ଶିଶୁଆ ଉପକାରାଗାର ର କର୍ମଚାରୀମାନେ ସୁରକ୍ଷା ଦିଗରେ କେତେ ତପ୍ତର, ଏହି ଘଟଣାର ଏକ ଉଚ୍ଚ ସ୍ତରୀୟ ତଦନ୍ତ କରାଗଲେ କଏଦୀ ଚମ୍ପଟ ଘଟଣାର ରହସ୍ୟ ଉନ୍ମୋଚନ ହେବ ବୋଲି ସାଧାରଣରେ ଦାବୀ ହୋଇଛି, ଅପର ପକ୍ଷରେ କଏଦୀ ଚମ୍ପଟ ଘଟଣାକୁ ଜେଲ କର୍ତୃପକ୍ଷ ପୁରା ଗୋପନ ରଖିଥିଲେ, ଆଜି ସାଲେପୁର ପୋଲିସ ଚମ୍ପଟ କଏଦୀଙ୍କୁ ଗିରଫ ପରେ ଘଟଣା ଲୋକଲୋଚନକୁ ଆସିଲା ।
