ହିଞ୍ଜିଳିକାଟୁ,ରିପୋର୍ଟ / ଶେଷଦେବ ସାହୁ ( ଓଡିଶା ତାଜା ନ୍ୟୁଜ୍ ) ଚିନ୍ତା ବଢୁଛି- ପ୍ରଶାସନିକ ଅଧିକାରୀ ଦ୍ୱନ୍ଦରେ / ୫ ମଇ, ମଙ୍ଗଳବାର :- କାମ ଧନ୍ଦା ନାହିଁ । ପାଖରେ ଟଙ୍କା ବି ସରିଗଲାଣି । ଆଉ ରହିହେବ ନାହିଁ । ଶେଷ ନିଷ୍ପତି ଭିଟାମାଟିକୁ ଫେରିବୁ । ସରକାର ଭିଟାମାଟିକୁ ଯିବା ପାଇଁ କୌଣସି ପଦକ୍ଷେପ ଗ୍ରହଣ ନକଲେ, ବାଧ୍ୟ ହୋଇ ଗାଁକୁ ଚାଲି ଚାଲି ଯିବୁ । ଯାହା ହେବାର ଥିବ, ତାହା ହିଁ ଘଟିବ । ଏଭଳି ନିଷ୍ପତି ନେଇ ବାହାର ରାଜ୍ୟରେ ଫସିଥିବା ପ୍ରବାସୀ ରାଜ୍ୟ ମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀ ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ବ୍ଳକ ଓ ପୌରାଂଚଳକୁ ଆସିବାକୁ ବ୍ୟାକୁଳ ଥିବା ପ୍ରବାସୀ କହିଛନ୍ତି । ଗତ ୩ ଦିନ ମଧ୍ୟରେ ସ୍ଥାନୀୟ ବ୍ଳକ ଓ ପୌରାଂଚଳକୁ ୪୩୦ ପ୍ରବାସୀ ପଂହଚିଥିବା ବେଳେ ସେମାନଙ୍କ ଥର୍ମାଲ ସ୍କ୍ରିନିଂ ପରେ ବିଭିନ୍ନ ସଙ୍ଗରୋଧ କେନ୍ଦ୍ରରେ ରଖାଯାଇଛି ।
ସେମାନଙ୍କ ନିମନ୍ତେ କେନ୍ଦ୍ର ଗୁଡ଼ିକରେ ରହିବା, ଖାଇବା ସହ ଅନ୍ୟାନ ସମସ୍ତ ପ୍ରକାର ସୁବିଧା ସୁଯୋଗ ବ୍ୟବସ୍ଥା କରାଯାଇଛି ବୋଲି ପ୍ରଶାସନ ପକ୍ଷରୁ କୁହାଯାଇଛି । ଗତ ୩ ଦିନ ମଧ୍ୟରେ ୪୩୦ ଜଣ ଫେରନ୍ତା ଆସି ସ୍ଥାନୀୟ ଅଂଚଳରେ ପଂହଚିବା ପରେ ଥର୍ମାଲ ସ୍କ୍ରିନିଂ ପରେ କେନ୍ଦ୍ର ଗୁଡ଼ିକରେ ରଖାଯିବା ପରେ ସେମାନଙ୍କ ରହିବା, ଖାଇବା ସହ ଅନ୍ୟାନ ଆନୁୂସଙ୍ଗିକ ବ୍ୟବସ୍ଥା ବୁଝିବା ନେଇ ପ୍ରଶାସନ ନାକେଦମ ହେଲାଣି । କେରଳ, ତାମିଲନାଡ଼ୁ, ଗୁଜୁରାଟ, ମହାରାଷ୍ଟ୍ର ଓ ଅନ୍ୟାନ ରାଜ୍ୟରୁ ଆସିବାକୁ ଥିବା ଫେରନ୍ତାଙ୍କ ପାଇଁ ପ୍ରଶାସନର ଚିନ୍ତା ଦିନକୁ ଦିନ ବଢିବାରେ ଲାଗିଛି । କାରଣ ରାଜ୍ୟର କେତେକ ଜିଲ୍ଲାର ସଙ୍ଗରୋଧ କେନ୍ଦ୍ରରେ ଖାଇବାରେ ଅବ୍ୟବସ୍ଥା ଓ ଫେରନ୍ତାଙ୍କ ଅସନ୍ତୋଷ ନେଇ ଚିନ୍ତା ବଢିଛି । ଉକ୍ତ ଘଟଣାକୁ ନେଇ ସେଠାକାର ଜିଲ୍ଲା ପ୍ରଶାସନ ଗୁରୁତର ସହ ନେଇଛି । ରାଜ୍ୟ ସରକାର ବି ଏ ନେଇ ଚିନ୍ତା ପ୍ରକଟ କରିଛନ୍ତି । ସ୍ଥାନୀୟ ବ୍ଳକ ଓ ପୌରାଂଚଳର ସମସ୍ତ ସଙ୍ଗରୋଧ କେନ୍ଦ୍ର ଗୁଡ଼ିକରେ ସମସ୍ତ ପ୍ରକାର ସୁବିଧା ସୁଯୋଗର ବ୍ୟବସ୍ଥା କରାଯାଇଛି ।
ଗଞ୍ଜାମ ଜିଲ୍ଲା ବ୍ରହ୍ମପୁର ନିକଟସ୍ଥ ଶୀତଳାପଲ୍ଲୀ ଠାରେ କୋଭିଡ଼-୧୯ ହସପିଟାଲ ଖୋଲାଯାଇଛି । ପ୍ରତି ପଂଚାୟତରେ ଅସ୍ଥାୟୀ ସଙ୍ଗରୋଧ କେନ୍ଦ୍ର ଖୋଲାଯାଇଛି । ଏପରିକି ସରଂପଚ ମାନଙ୍କୁ ଜିଲ୍ଲାପାଳ କ୍ଷମତା ମିଳିବା ପରେ ସରଂପଚ ମାନେ କରୋନା ମୁକାବିଲା ଲାଗି ଲାଗି ପଡ଼ିଛନ୍ତି । ଏତେ ସବୁ ସୁବିଧା, ସୁଯୋଗେ ଓ ବ୍ୟବସ୍ଥା କରାଯାଇଥିଲେ ମଧ୍ୟ ସ୍ଥାନୀୟ ପ୍ରଶଶସନିକ ଅଧିକାରୀଙ୍କ ଚିନ୍ତା ବଢିବାରେ ଲାଗିଛି । କାରଣ କିଛି ବି ଅବ୍ୟବସ୍ଥା ଦେଖାଦେଲେ ବଦନାମ ହେବାର ଯଥେଷ୍ଟ ଭୟ ରହିଛି । ହିଞ୍ଜିଳିକାଟୁ ବ୍ଳକକୁ ପ୍ରାୟ ୧୦ ହଜାର ୨ଶହ ପ୍ରବାସୀ ଫେରିବା ଲାଗି ବ୍ୟବସ୍ଥା କରାଯାଇଥିବା ବେଳେ ବ୍ଳକର ୨୧ଟି ପଂଚାୟତରେ ୬୮ଟି ସଙ୍ଗରୋଧ କେନ୍ଦ୍ର ଖୋଲାଯାଇଥିବା ବିଡ଼ିଓ ପ୍ରସନ କୁମାର ପାତ୍ର କହିଛନ୍ତି । ସେହିପରି ସ୍ଥାନୀୟ ପୌରାଂଚଳର ୬୮୨ ପ୍ରବାସୀ ଫେରିବା ଲାଗି ବ୍ୟବସ୍ଥା କରାଯାଇଥିବା ବେଳେ ପୌରାଂଚଳର ବିଭିନ୍ନ ୱାର୍ଡ଼ରେ ୧୨ଟି ସଙ୍ଗରୋଧ କେନ୍ଦ୍ର ଖୋଲାଯାଇଥିବା ସଙ୍ଗରୋଧ କେନ୍ଦ୍ର ଖୋଲାଯାଇଥିବା ପୌର କାର୍ଯ୍ୟ ନିର୍ବାହୀ ଅଧିକାରୀ ଡ଼ଃ. ମନୋରଞ୍ଜନ ସାହୁ କହିଛନ୍ତି ।
