ହିଞ୍ଜିଳିକାଟୁ,ରିପୋର୍ଟ / ଶେଷଦେବ ସାହୁ ( ଓଡିଶା ତାଜା ନ୍ୟୁଜ୍ ) କରୋନା ଯୋଦ୍ଧାଙ୍କୁ ହିଞ୍ଜିଳି ବିଜେପି ପକ୍ଷରୁ ସମ୍ବର୍ଦ୍ଧନା ୫ ମଇ, ମଙ୍ଗଳବାର :- କରୋନା ଭୁତାଣୁ ସଂକ୍ରମଣ ସାରା ବିଶ୍ୱରେ କାୟା ବିସ୍ତାର କରିଛି । ଏହାର ପ୍ରଭାବରେ ସମଗ୍ର ବିଶ୍ୱରେ ଲକ୍ଷ ଲକ୍ଷ ଲୋକଙ୍କ ଜୀବନ ଚାଲି ଯ୍ଧବଥିବା ବେଳେ ବହୁ ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ଏହି ବ୍ୟାଧିରୁ ମୁକୁଳିବା ମାନବ ସମାଜ ପାଇଁ ବଡ଼ ଆହ୍ୱାନ ପାଲଟିଛି । ଏଭଳି ସମୟରେ ସଂପୃକ୍ତ ମହାମାରୀ କରୋନା ଭୁତାଣୁ ସଂକ୍ରମଣରୁ ଜନସାଧାରଣଙ୍କୁ ବଂଚାଇବା ପାଇଁ ଯେଉଁ ପ୍ରଶାସନିକ ଅଧିକାରୀ ବୃନ୍ଦ ନିଜ ଓ ନିଜ ପରିବାରକୁ ଜଳାଞ୍ଜଳି ଦେଇ ଜନସାଓାରଣଙ୍କ ପାଇଁ ଦିନରାତି ଏକାକାର କରି ଆମରି ସେବା କରି ଚାଲିଛନ୍ତି, ପ୍ରକୃତ ପକ୍ଷେ ସେମାନେ ପ୍ରଶଂସାର ପାତ୍ର ଅଟନ୍ତି ।‘କରୋନା ହାରିବ- ସମାଜ ବଂଚିବ’ ଏହି ମିଶନ ନେଇ ନିଜ ପରିବାରକୁ ତ୍ୟାଗ କରି ପୁଲିସ ପ୍ରଶାସନ, ବ୍ଳକ, ତହସିଲ, ଗଣମାଧ୍ୟମ ପ୍ରତିନିଧି, ପୌର ପ୍ରଶାସନ, ସଫେଇ କର୍ମଚାରୀ, ସ୍ୱାସ୍ଥ୍ୟ କର୍ମୀ, ଅଙ୍ଗନୱାଡ଼ି, ଆଶା କର୍ମୀ ପ୍ରମୁଖ ନିଜ ନିଜର କର୍ତବ୍ୟ କରି ଚାଲିଛନ୍ତି ।
ଏହି ପରିପ୍ରେକ୍ଷୀରେ ସ୍ଥାନୀୟ ବିଜେପି ପକ୍ଷରୁ ପୂର୍ବତନ ରାଜ୍ୟ ଉପସଭାପତି ତଥା ରାଜ୍ୟ କାର୍ଯ୍ୟକାରିଣୀ ସଦସ୍ୟ ଦେବାନନ୍ଦ ମହାପାତ୍ର ସଂପୃକ୍ତ ଅଧିକାରୀ, କର୍ମଚାରୀ ଓ ଗଣମାଧ୍ୟମ ପ୍ରତିନିଧି ମାନଙ୍କୁ ବ୍ୟକ୍ତିଗତ ସାକ୍ଷାତ କରି ଧନ୍ୟବାଦ ପତ୍ର ଓ ଉପଢୌକନ ପ୍ରଦାନ ପୂର୍ବକ କରୋନା ଯୋଦ୍ଧା ମାନଙ୍କୁ ସମ୍ବର୍ଦ୍ଧିତ କରିଥିଲେ । ବିଜେପିର ଏଭଳି ପ୍ରୟାସକୁ ସ୍ଥାନୀୟ ଅଂଚଳର ବୁଦ୍ଧିଜୀବି ଓ ଜନସାଧାରଣ ପ୍ରଶଂସା କରିଛନ୍ତି । ବିଗେପି ପକ୍ଷରୁ ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠି, ପ୍ରଧାନମନ୍ତ୍ରୀ କେର୍ ପାଣ୍ଠିକୁ ସହାୟତା ପ୍ରଦାନ, ମାସ୍କ ବଂଟନ ଓ ସ୍ଥାନୀୟ ଅଂଚଳୀ ଗରିବ ଓ ଅସହାୟ ବ୍ୟକ୍ତି ବିଶେଷଙ୍କୁ ଶୁଖିଲା ଖାଦ୍ୟ ଓ ସହାୟତା ପ୍ରଦାନ କାର୍ଯ୍ୟକ୍ରମ ଚାଲୁ ରହିଛି । ଆୟୋଜିତ କାର୍ଯ୍ୟକ୍ରମରେ ଶେରଗଡ଼ ମଣ୍ଡଳ ସଭାପତି ରାମକୃଷ୍ଣ ପାତ୍ର, ଗଣ୍ଡଳା ମଣ୍ଡଳ ସଭାପତି ଉମାକାନ୍ତ ପାଢି, ସିକିରି ମଣ୍ଡଳ ସଭାପତି ରଶ୍ମିତା ବେହେରା, କଂଚୁରୁ ମଣ୍ଡଳ ସଭାପତି ରାମକୃଷ୍ଣ ମହାନ୍ତିଙ୍କ ସହ ବିଜେପିର କାର୍ଯ୍ୟକର୍ତା ମାନେ ଅଂଶ ଗ୍ରହଣ କରିଥିଲେ ।
