ମୟୁରଭଞ୍ଜ ଜିଲ୍ଲା ରିପୋର୍ଟ, ଦୀପ୍ତିମାନ୍ ପତି ( ଓଡିଶା ତାଜା ନ୍ୟୁଜ୍ ) ନାବାଳିକା ଆତ୍ମହତ୍ୟା ଘଟଣା ,୪ ମଇ, ସୋମବାର :- ପୁଣି ସାମ୍ନାକୁ ଆସିଛି ନାବାଳିକା ଆତ୍ମହତ୍ୟା ଘଟଣା । ତେବେ ଆତ୍ମହତ୍ୟା ପଛରେ କଣ ରହିଛି କାରଣ ସ୍ପଷ୍ଟ ହୋଇପାରି ନ ଥିବା ଜଣାପଡିଛି । ଯାହାକୁ ନେଇ ସନ୍ଦେହ ଯେତିକି ସୃଷ୍ଟି କରୁଛି ତାଠାରୁ ଅଧିକ ରହସ୍ୟମୟ ପରିସ୍ଥିତି ସୃଷ୍ଟି କରୁଥିବା ଆଲୋଚନା ହେଉଥିବା ଲକ୍ଷ୍ୟ କରାଯାଉଛି । ମୟୁରଭଞ୍ଜ ଜିଲ୍ଲା ଠାକୁରମୁଣ୍ଡା ଥାନା ଅନ୍ତର୍ଗତ ହାତୀଗୋଡ଼ା ପଞ୍ଚାୟତର ଘଟଣା ।
ଏଠାରେ ଥିବା ଅସନକୁଦର ନିକଟ ବରହାକାମୁଡ଼ା ପୁନଃର୍ବାସ ଖଡ଼ିଆଜନଜାତି କଲୋନୀରେ ଘଟିଯାଇଛି । ଜଣେ ବାଳିକା ନିଜ ଘର ଭିତରେ ବେକରେ ଗାମୁଛା ଲଗାଇ ଆତ୍ମହତ୍ୟା କରିଥିବାର ଜଣାଯାଇଛି । କଲୋନୀରେ ରହୁଥିବା ଶୁକ୍ର ଦେହୁରୀଙ୍କ ଝିଅ ଜ୍ୟୋତି ଦେହୁରୀ (୧୫ ବର୍ଷ) ଯଶିପୁର ନିକଟ ଅଙ୍ଗାରପଦାର ଏକ ବିଦ୍ୟାଳୟରେ ରହି ଅଷ୍ଟମ ଶ୍ରେଣୀରେ ପାଠପଢୁ ଥିଲା । ହେଲେ ଲକଡାଉନ ପୂର୍ବରୁ ବିଦ୍ୟାଳୟରୁ ଆସି ନିଜଘରେ ରହୁଥିଲେ । ଶନିବାର ଘରେ କେହିନଥିବା ବେଳେ ବାଳିକା ଜଣକ ଘର ଭିତରେ ଆତ୍ମହତ୍ୟା କରିଥିଲେ । ତେବେ ନିକଟସ୍ଥ ସାଲେଇବେଡା ଗ୍ରାମକୁ ଯାଇଥିବା ତାର ବାପା ଓ ମାଆ ସନ୍ଧ୍ୟାରେ ଘରକୁ ଫେରି ଝିଅ ଆତ୍ମହତ୍ୟା କରିଥିବାର ଦେଖିଥିଲେ ।
