ଭୁବନେଶ୍ୱର, ରିପୋର୍ଟ, ଅଭିମନ୍ୟୁ ମହାରଣା / ରାମକୃଷ୍ଣ ରଥ ( ଓଡିଶା ତାଜା ନ୍ୟୁଜ୍ ) ୫୬ ଜଣ ପ୍ରବାସୀ ଓଡିଆ ଯାତ୍ରୀ , ୩ ମଇ, ରବିବାର :- ସୁରତରୁ ନୟାଗଡ ଫେରିଲେ ୨୭ଜଣ ପ୍ରବାସୀ , ସମସ୍ତଙ୍କୁ କ୍ବାରାଣ୍ଟାଇନ୍ ସେଣ୍ଟରରେ ରଖାଯାଇଛି ନୟାଗଡ ୦୩।୦୫: ବିପୁଲ ନାମକ ଏକ ବସ୍ ରେ ଗୁରୁବାର ସୁରତରୁ ବାହାରିଥିବା ୨୭ଜଣ ପ୍ରବାସୀ ଓଡିଆ ସୁରତରୁ ନୟାଗଡ ଜିଲ୍ଲାକୁ ଫେରିଲେ । ନୟାଗଡରେ ଶନିବାର ରାତିରେ ପହଞ୍ଚିଛନ୍ତି ଓଡିଆ । ନୟାଗଡ ଜିଲ୍ଲାର ରଣପୁର ଥାନା ନରସିଂହପୁର ହାଇସ୍କୁଲ ପରିସରରେ ପ୍ରସ୍ତୁତ ଥିବା କ୍ବାରାଣ୍ଟାଇନ୍ ସେଣ୍ଟର୍ ରେ ଓଡିଆ ଫେରନ୍ତାଙ୍କୁ ରଖାଯାଇଛି ।
ଫେରିଥିବା ଲୋକମାନଙ୍କ ମଧ୍ୟରେ ୨୧ଜଣ ପୁରୁଷ ୪ଜଣ ମହିଳା ଏବଂ ୨ଜଣ ଛୋଟ ପିଲା ରହିଛନ୍ତି । ଏହି ବସ୍ ର ପରମିସନ ନୟାଗଡ ପର୍ୟ୍ୟନ୍ତ ଥିବାରୁ ବସ୍ ଟି ନୟାଗଡ ଜିଲ୍ଲାପାଳଙ୍କ କାର୍ୟ୍ୟାଳୟ ନିକଟରେ କିଛି ସମୟ ଅଟକି ରହିଥିଲା । ପରେ ଜିଲ୍ଲାପାଳଙ୍କ ପରାମର୍ଶରେ ରଣପୁର ଅଭିମୁଖେ ବାହାରିଥିଲା । ଏହି ବସ୍ ରେ ସମୁଦାୟ ୫୬ ଜଣ ଯାତ୍ରୀ ଥିଲେ । ସେମାନଙ୍କ ମଧ୍ୟରୁ ୨୭ଜଣ ରଣପୁର ଅଞ୍ଚଳର ହୋଇଥିବା ବେଳେ ଖୋର୍ଦ୍ଧା ଜିଲ୍ଲା ରାମେଶ୍ବର ଏବଂ ବାଙ୍କୀ ଅଞ୍ଚଳର କିଛି ଲୋକ ରହିଥିଲେ ।
ନରସିଂହପୁର ଠାରେ ବସ୍ ୨୭ଜଣଙ୍କୁ ଓହ୍ଲାଇବା ପରେ ଅନ୍ୟଯାତ୍ରୀଙ୍କୁ ନେଇ ରାମେଶ୍ବର ଅଭିମୁଖେ ବାହାରିଥିଲା ରାମେଶ୍ବରରେ ୨୪ ଜଣ ଓହ୍ଲାଇଥିଲେ ସେମାନଙ୍କ ମଧ୍ୟରୁ ରାମେଶ୍ବର ୧୬ ଜଣ ,ଲେଣ୍ଡୁ ଅଞ୍ଚଳର ୩ଜଣ ,ସେରଗଡ ୨ ଜଣ, ହାଡପଦା୧ ଜଣ , ନରଣଗଡ ୧ ଜଣ , ଜଙ୍କିଆ ୧ ଜଣ ଉପସ୍ଥିତ ପୋଲିସ, ରାମେଶ୍ୱର ସରପଞ୍ଚ ପ୍ରମୋଦ ତ୍ରିପାଠି ଓ ଜଙ୍କିଆ ର ସରପଞ୍ଚ ରାଜେନ୍ଦ୍ର ସାମନ୍ତରାୟଙ୍କ ତତ୍ୱାବଧାନ ରେ କ୍ବାରାଣ୍ଟାଇନ୍ ରେ ରଖାଯାଇଛି । । ସେହିପରି ସୁରତରୁ କଟକ ବଡମ୍ବା ଅଞ୍ଚଳକୁ ଆସିଥିବା ବସ୍ ରେ ନୟାଗଡ ଜିଲ୍ଲା ଗଣିଆ ଅଞ୍ଚଳର ୩ଜଣ ଲୋକ ଆସି ସେହି ଅଞ୍ଚଳର କ୍ବାରାଣ୍ଟାଇନ୍ ରେ ଥିବା ଜଣାପଡିଛି । କେରଳରୁ ଆସିଥିବା ଟ୍ରେନରେ ମଧ୍ୟ ନୟାଗଡର ୧୦ଜଣ ଲୋକ ଥିବା ଜଣାପଡିଛି ।
