ହିଞ୍ଜିଳିକାଟୁ,(ଶେଷଦେବ ସାହୁ)୦୨/୦୫ :- ଶେରଗଡ଼ ବ୍ଲକ କୁ ଶନିବାର ଅପରାହ୍ନ ୩ଟା ବେଳେ ସୁରତରୁ ପୁଣି ଏକ ବସ ଆସି ପହଞ୍ଚିଛନ୍ତି । ଉକ୍ତ ଗାଡ଼ିରେ ୫୬ଜଣ ଯାତ୍ରୀଙ୍କୁ ଶେରଗଡ଼ ନିକଟସ୍ଥ ତାକରଡା ଶହୀଦ ଉଚ୍ଚ ବିଦ୍ୟାଳୟ ରେ ରଖାଯାଇଛି । ଉକ୍ତ ୫୬ ଜଣ ଙ୍କୁ ମିଶାଇ ବ୍ଲକରେ ମୋଟ ୧୬୭ଜଣ ସୁରତ ଫେରନ୍ତା କ୍ବାରେଣ୍ଟାଇନ୍ ରେ ରହିଲେ । ଯାତ୍ରୀ ମାନେ ତାକରଡା ପହଞ୍ଚିବା ପରେ ଏକ ସ୍ୱାସ୍ଥ୍ୟ ଟିମ ଦ୍ୱାରା ସେମାନଙ୍କ ସ୍ୱାସ୍ଥ୍ୟ ଯାଞ୍ଚ କରା ଯାଇଛି।ଉକ୍ତ ୫୬ଜଣ ଙ୍କୁ ୧୪ଦିନ କ୍ବାରେଣ୍ଟାଇନ ରେ ରଖାଯାଇଛି ।
ରାତ୍ରିରେ ଆଉ ଦୁଇଟି ବସ ଯୋଗେ ଶେରଗଡ଼ ରେ ପହଞ୍ଚିବେ। ସେମାନଙ୍କୁ ଧନନ୍ତର ଉଚ୍ଚ ବିଦ୍ୟାଳୟ ଓ ମାଁ କାଳୀ ଉଚ୍ଚ ବିଦ୍ୟାଳୟ ରେ ରଖାଯିବ ବୋଲି ପ୍ରଶାସନ ସୂତ୍ରରୁ ପ୍ରକାଶ । ବିଡ଼ିଓ ସୁରଞ୍ଜନ କୁମାର ସାହୁ, ତହସିଲଦାର ଡ଼.ଦୟାସିନ୍ଧୁ ପରିଡା,ଅତିରିକ୍ତ ତହସିଲଦାର ଅକ୍ଷୟ କୁମାର ମଲ୍ଲିକ, ସୁପରଭାଇଜର ମନୋଜ କୁମାର ନାହାକ,ପି.ପଞ୍ଚମା ସମେତ ବହୁ ବ୍ୟକ୍ତି ପରିଚାଳନାରେ ଥିଲେ ।
