ଭୁବନେଶ୍ଵର ,ରିପୋର୍ଟ / ଅଭିମନ୍ୟୁ ମହାରଣା ( ଓଡିଶା ତାଜା ନ୍ୟୁଜ୍ ) ଓଡ଼ିଆଙ୍କୁ ଟ୍ରେନରେ ଅଣାଯାଉ , ୩୦ ଏପ୍ରିଲ, ଗୁରୁବାର : – ଭୁବନେଶ୍ଵର ବିଭିନ୍ନ ରାଜ୍ୟରୁ ଆସୁଥିବା ଓଡ଼ିଆଙ୍କୁ ବସରେ ନଆଣି ଟ୍ରେନରେ ଆଣିବାକୁ ସିଟିଜେନ୍ସ ଫୋରମ, ଓଡ଼ିଶା ପକ୍ଷରୁ ଦାବି କରାଯାଇଛି । ଫୋରମ୍ ଅଧ୍ୟକ୍ଷ ଡାକ୍ତର ମଧୁସୂଦନ ମିଶ୍ର ଏବଂ ଆବାହକ ପ୍ରଦୀପ୍ତ ନାୟକ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟକୁ ପଠାଇଥିବା ଏକ ପତ୍ରରେ ଦର୍ଶାଇଛନ୍ତି ଯେ, ବହିରାଗତ ଓଡ଼ିଆଙ୍କୁ ଟ୍ରେନରେ ଅଣାଯିବା ସ୍ବାସ୍ଥ୍ୟପ୍ରଦ, ଆରାମଦାୟକ ଏବଂ ଶସ୍ତା ହେବ ।
ଅଣାଯିବା ପୂର୍ବରୁ ସେମାନଙ୍କର ସ୍ବାସ୍ଥ୍ୟ ଯାଞ୍ଚ କରାଯାଇ ଟ୍ରେନରେ ଉପଯୁକ୍ତ ସାମାଜିକ ଦୂରତ୍ବ ବଜାୟ ରଖି ନିରବିଚ୍ଛିନ୍ନ ଭାବେ ଅଣାଯାଇପାରିବ । ଏ ବାବଦରେ ହେବାକୁ ଥିବା ବ୍ୟୟଭାର ପି ଏମ୍ କେୟାର ଫଣ୍ଡ କିମ୍ବା ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ଭରଣା କରାଯିବାକୁ ପତ୍ରରେ ଦାବି କରାଯାଇଛି ।
