ଗଜପତି ଜିଲ୍ଲା ଗୋଷାଣୀବ୍ଲକ ବିଡ଼ିଓ କିଶୋର ଚନ୍ଦ୍ର ଦାସଙ୍କ କେରାଣ୍ଡି ପଞ୍ଚାୟତର ବିଭିନ୍ନଅଞ୍ଚଳ ଗସ୍ତ

ଓଡ଼ିଶା ତାଜା ନ୍ୟୁଜ୍ (୫ ନଭେମ୍ବର ଶୁକ୍ରବାର ) ପାରଳାଖେମୁଣ୍ଡି :- ଗଜପତି ଜିଲ୍ଲା ଗୋଷାଣୀ ବ୍ଲକର ଗୋଷ୍ଠି ଉନ୍ନୟନ ଅଧିକାରୀ କିଶୋରଚନ୍ଦ୍ର ଦାସ କେରାଣ୍ଡି ପଞ୍ଚାୟତର ବିଭିନ୍ନ ଅଞ୍ଚଳ ଗସ୍ତ କରି ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ତଦାରଖ କରିବା ସହ ରୋଜଗାର ଦିବସରେ ଯୋଗଦେଇଥିଲେ । ସୂଚନା ଯୋଗ୍ୟ ଯେ, ମହାତ୍ମାଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା ଅଧିନରେ କାର୍ଯ୍ୟର ତଦାରଖ ଓ ବିଭିନ୍ନ ସମସ୍ୟା ଉପରେ ଆଲୋଚନା କରିବା ନିମନ୍ତେ ପ୍ରତିମାସର ପ୍ରଥମ ବୁଧବାର ଓ ୩ୟ ବୁଧବାର ଦିନରେ ରୋଜଗାର ଦିବସ ଭାବେ ପାଳନ କରାଯାଇଥାଏ ।

ଏହିଅବସରରେ ଗୋଷାଣୀ ବିଡିଓ କେରାଣ୍ଡି ଗ୍ରାମ ପଞ୍ଚାୟତ ଠାରେ ପହଞ୍ôଚ ମନରେଗା ଯୋଜନା ଅନ୍ତର୍ଗତରେ ଚାଲୁଥିବା କାର୍ଯ୍ୟକ୍ରମ ଏବଂ ଏହାର ବିଭିନ୍ନ ସମସ୍ୟାସର ସମାଧାନ ନିମନ୍ତେ କେରାଣ୍ଡି ଗ୍ରାମପଞ୍ଚାୟତ କାର୍ଯ୍ୟାଳୟ ଠାରେ ଏକ ବୈଠକ ହୋଇଥିଲା । ଏଥିରେ ମୁଖ୍ୟତଃ ଶ୍ରମ, ମନରେଗା ସମ୍ବନ୍ଧୀୟ କାର୍ଯ୍ୟକ୍ରମ ଓ ଉପୁଜୁଥିବା ସମସ୍ୟାର ସମାଧାନ ନିମନ୍ତେ ଆଲୋଚନା ହୋଇଥିଲା ।

ଏହା ସହ ପଞ୍ଚାୟତର ୭ଗୋଟି ଗ୍ରାମ ପରିଦର୍ଶନକରି ଲୋକଙ୍କ ସହ ଆଲୋଚନା ମଧ୍ୟ କରିଥିଲେ । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଜିପିଓ ଦୁର୍ଗା ପ୍ରସାଦ ରଣା, ପିଓ କେ. ଚନ୍ଦ୍ର ରାଓ, କେରାଣ୍ଡି ସରପଞ୍ଚ ରେଗିଡି ରାଣୀ, ଜିଆର୍‌ଏସ୍ ଭି.ଏମ୍‌. କ୍ରିଷ୍ଣା ପ୍ରମୁଖ ଉପସ୍ଥିତ ଥିଲେ ।