ଆମୱେ ଇଣ୍ଡିଆ ବଲିଉଡ ମେଗାଷ୍ଟାର ଅମିତାଭ ବଚନଙ୍କୁ ଆମୱେ ଇଣ୍ଡିଆ ଏବଂ ନ୍ୟୁଟ୍ରିଲାଇଟ ପାଇଁ ବ୍ରାଣ୍ଡ୍‍ ଆମ୍ବାସାଡର ଭାବେ ଗର୍ବର ସହିତ ଘୋଷଣା କରୁଛି

ଚା ସାମଗ୍ରିକ ସ୍ୱାସ୍ଥ୍ୟ, ମହିଳା ସଶକ୍ତିକରଣ ଏବଂ ଯୁବବର୍ଗଙ୍କୁ ଉଦ୍ୟମିତା ଦିଗରେ ବାର୍ତ୍ତାକୁ ଅଧିକ ସ୍ପଷ୍ଟ କରୁଛି

ଓଡ଼ିଶା ତାଜା ନ୍ୟୁଜ୍ (୨୯ ଅକ୍ଟୋବର,ଶୁକ୍ରବାର ) ଭୁବନେଶ୍ୱର :- ଦେଶର ଅନ୍ୟତମ ଅଗ୍ରଣୀ ପ୍ରତ୍ୟକ୍ଷ ବିକ୍ରୟକାରୀ ଏଫଏମସିଜି କମ୍ପାନୀ ଆମୱେ ଇଣ୍ଡିଆ ବଲିଉଡ ମେଗାଷ୍ଟାର ଅମିତାଭ ବଚନଙ୍କୁ ଏହାର ବ୍ରାଣ୍ଡ୍‍ ଆମ୍ବାସାଡର ଭାବରେ ନିଯୁକ୍ତ କରିବା ବିଷୟ ଘୋଷଣା କରିଛି । ଏହା ଏକ ସଠିକ ମୁହୂର୍ତ୍ତ ହୋଇଛି, କାରଣ ଉଭୟ ପ୍ରତିଷ୍ଠିତ, ଭରସାଯୋଗ୍ୟ ଏବଂ ବିଶ୍ୱସନୀୟ ବ୍ରାଣ୍ଡ୍‍ ସାମଗ୍ରିକ ସ୍ୱାସ୍ଥ୍ୟ ଏବଂ କଲ୍ୟାଣ, ମହିଳା ସଶକ୍ତିକରଣର ଗୁରୁତ୍ୱ ସମ୍ପର୍କରେ ବାର୍ତ୍ତା ପ୍ରସାର କରିବା ଏବଂ ଏକ ପ୍ରଗତିଶୀଳ ଭାରତ ପାଇଁ ଉଦ୍ୟମିତା ଆଡକୁ ଯୁବବର୍ଗଙ୍କୁ ପ୍ରେରିତ କରିବା ଦିଗରେ ପରସ୍ପର ସହିତ ହାତ ମିଳାଇଛନ୍ତି । ଏହି ସ୍ମରଣୀୟ ମୁହୂର୍ତ୍ତର ଅଂଶସ୍ୱରୂପ କିମ୍ବଦନ୍ତୀ ଅଭିନେତା ଅମିତାଭ ବଚନ ବ୍ରାଣ୍ଡ୍‍ ଆମୱେ ଏବଂ ନ୍ୟୁଟ୍ରିଲାଇଟ ଉତ୍ପାଦ ବର୍ଗକୁ ସମସ୍ତ ପ୍ଲାଟଫର୍ମରେ ପୁଷ୍ଟି କରିବେ, ମାର୍ଗଦର୍ଶିତ ଔଦ୍ୟୋଗିକତା ଜରିଆରେ ମହିଳାମାନଙ୍କୁ ଉତ୍ସାହିତ କରିବା ତଥା ଯୁବବର୍ଗଙ୍କୁ ସଶକ୍ତ କରିବା କାର୍ଯ୍ୟ କରିବେ ଏବଂ ଏହିଭଳି ଭାବରେ ସୁସ୍ଥ ଏବଂ ଉନ୍ନତ ଜୀବନ ନିର୍ବାହ ନିମନ୍ତେ ଜନସାଧାରଣଙ୍କୁ ସହାୟତା କରିବାକୁ ଆମୱେର ଦୂରଦୃଷ୍ଟିକୁ ଅଧିକ ଦୃଢିଭୂତ କରିବେ ।

ଏହି ସଂପୃକ୍ତି ବିଷୟରେ ମତଦେଇ ଆମୱେ ଇଣ୍ଡିଆର ସିଇଓ ଶ୍ରୀ ଅଂଶୁ ବୁଧରାଜା କହିଛନ୍ତି, “ଅତ୍ୟନ୍ତ ଗର୍ବ ଓ ସମ୍ମାନର ସହିତ ମୁଁ ସହସ୍ରାବ୍ଦର ନାୟକ ଅମିତାଭ ବଚନଙ୍କୁ ଆମୱେ ପରିବାରକୁ ସ୍ୱାଗତ କରୁଛି । ସଦା ସବୁଜ ପ୍ରଭାବଶାଳୀ ଏହି ଅଭିନେତାଙ୍କ ଠାରେ ବିପୁଳ ସକାରାତ୍ମକ ପ୍ରତିବେଦନ ଲକ୍ଷ୍ୟ କରାଯାଏ ଯାହା ବୟସ ବର୍ଗ ଏବଂ ଶ୍ରେଣୀ ନିର୍ବିଶେଷରେ ସମସ୍ତଙ୍କୁ ପ୍ରଭାବିତ କରିଥାଏ । ବିଶ୍ୱବ୍ୟାପୀ ସୁଖ୍ୟାତି ହାସଲ କରିବା ସତ୍ତ୍ୱେ ତାଙ୍କର ବିନୟୀ ଭାବ ଏବଂ ପରମ୍ପରା ଓ ମୂଲ୍ୟବୋଧରେ ବିଶ୍ୱାସ ଆମୱେର ସଂସ୍କୃତିର ଏକ ସ୍ପଷ୍ଟ ପ୍ରତିଫଳନ । ବର୍ଷ ବର୍ଷ ଧରି ଆମୱେ ଏବଂ ନ୍ୟୁଟ୍ରିଲାଇଟର ସମୃଦ୍ଧ ପୃଷ୍ଠଭୂମି, ଭରସାଯୋଗ୍ୟତା ଏବଂ ବିଶ୍ୱାସ ଏକ ମଜଭୁତ ଶକ୍ତି ପାଲଟିଛି ଯାହା ପୋଷଣ ଏବଂ ସାମଗ୍ରିକ କଲ୍ୟାଣ ଜଗତରେ ବାରି ହୋଇପଡେ ।

କୋଟି କୋଟି ଲୋକଙ୍କ ହୃଦୟରେ ବାସ କରୁଥିବା ଜଣେ ପ୍ରଭାବଶାଳୀ ବ୍ରାଣ୍ଡ୍‍ ଅମିତାଭ ବଚନଙ୍କୁ ବ୍ରାଣ୍ଡ୍‍ ଆମ୍ବାସାଡର କରିବା ଜନସାଧାରଣଙ୍କୁ ଉତ୍ତମ ଏବଂ ସୁସ୍ଥ ଜୀବନ ବଞ୍ଚିବାରେ ସାହାଯ୍ୟ କରିବା ଦିଗରେ ଆମର ଲକ୍ଷ୍ୟକୁ ଦୃଢିଭୁତ କରିବା ଦିଗରେ ଏକ ବିଜୟୀ ମେଌକ୍ଷଗ୍ଧ; ଥିଲା । ଆସନ୍ତା ବର୍ଷ ଆମୱେ ଇଣ୍ଡିଆର ୨୫ତମ ବର୍ଷ ପୂର୍ତ୍ତି ପାଳନ ନିମନ୍ତେ ଆମେ ଅଗ୍ରସର ହେଉଥିବାବେଳେ ତାଙ୍କର କଠିନ ପରିଶ୍ରମ, ଏକାଗ୍ରତା, ଲକ୍ଷ୍ୟବଦ୍ଧ କାର୍ଯ୍ୟ ଏବଂ ଶୃଙ୍ଖଳା ଆଦି ମୁଖ୍ୟ ଗୁଣଗୁଡିକୁ ଆମର ଅତୁଲ୍ୟ ପ୍ରତ୍ୟକ୍ଷ ବିକ୍ରେତା/ ଖୁଚୁରା ବିକ୍ରେତାଙ୍କ ମଧ୍ୟରେ ଅନ୍ତର୍ନିବିଷ୍ଟ କରିବା ଆମର ଲକ୍ଷ୍ୟ । ବିଶେଷକରି ଔଦ୍ୟୋଗିକତା ପରିବ୍ୟବସ୍ଥା ମଧ୍ୟକୁ ଅଗ୍ରସର ହେଉଥିବା ମହିଳା ଏବଂ ଯୁବନେତୃତ୍ୱ ଉପରେ ଦୃଷ୍ଟିନିବଦ୍ଧ କରିବା ଆମର ଲକ୍ଷ୍ୟ ହୋଇଛି ।”

ତାଙ୍କର ସଂପୃକ୍ତି ବିଷୟରେ ପ୍ରକାଶ କରି ଶ୍ରୀ ଅମିତାଭ ବଚନ କହିଛନ୍ତି, “ଆମୱେ ସହିତ ସଂପୃକ୍ତ ହେବା ନେଇ ମୁଁ ଆନନ୍ଦ ଅନୁଭବ କରୁଛି । ଆମ ଦେଶର ମହିଳା ଓ ଯୁବବର୍ଗଙ୍କୁ ସଶକ୍ତ କରି ଔଦ୍ୟୋଗିକତାର ଶକ୍ତି ବାହାରକୁ ଆଣିବା ଉପରେ ବ୍ରାଣ୍ଡ୍‍ର ଲକ୍ଷ୍ୟବଦ୍ଧ ପ୍ରୟାସ ପ୍ରଶଂସନୀୟ ଏବଂ ପ୍ରେରଣାଦାୟୀ ହୋଇଛି । ବର୍ତ୍ତମାନ ସମୟରେ ପୋଷଣ ଏବଂ କଲ୍ୟଶଣ ଆମ ଜୀବନର ନିର୍ବିବାଦୀୟ ଅଂଶ ପାଲଟିଥିବାବେଳେ ଜନସାଧାରଣଙ୍କ ଜୀବନକୁ ସୁସ୍ଥ ରଖିବା ସକାଶେ ନିଜର ଗୁଣାତ୍ମକ ଉତ୍ପାଦକୁ ନେଇ ବ୍ରାଣ୍ଡ୍‍ର ପ୍ରତିବଦ୍ଧତା ଏହି ବ୍ରାଣ୍ଡ୍‍ ଉପରେ ବିଶ୍ୱାସଭାବକୁ ପ୍ରତିଭାତ କରୁଛି । ପ୍ରକୃତିର ସର୍ବୋତ୍ତମକୁ ବିଜ୍ଞାନର ସର୍ବୋତ୍ତମ ଏବଂ ପାରମ୍ପରିକ ଜ୍ଞାନ ସହିତ ସମ୍ମିଶ୍ରଣ କରିବା ଦିଗରେ ଆମୱେର ଆଭିମୁଖ୍ୟ କିଛି ଭିନ୍ନ ବୋଲି ମୋର ଦୃଢ ବିଶ୍ୱାସ । ଆମୱେ ପରିବାରର ଅବିଚ୍ଛେଦ୍ୟ ଅଂଗ ହେବାକୁ ମୁଁ ଆଶା ରଖୁଛି ।”

ନୂଆକରି ଚୁକ୍ତିବଦ୍ଧ ହୋଇଥିବା ବ୍ରାଣ୍ଡ୍‍ ଆମ୍ବାସାଡର ଅମିତାଭ ବଚନଙ୍କ ସମ୍ପର୍କରେ ପ୍ରକାଶ କରି ଆମୱେ ଇଣ୍ଡିଆର ଚିଫ୍‍ ମାର୍କେଟିଂ ଅଫିସର ଅଜୟ ଖାନ୍ନା କହିଛନ୍ତି, “ସମୁଦାୟ ପୋଷଣ ବର୍ଗରେ ନୂତନ ଉତ୍ପାଦ ସୃଷ୍ଟି ସହିତ ଆମୱେ ତାହାର ଚମତ୍କାର ଅଭିବୃଦ୍ଧି ଯାତ୍ରା ପଥରେ ଅଗ୍ରସର ହେଉଥିବାବେଳେ ଶ୍ରୀ ବଚନଙ୍କର ଭରସାଯୋଗ୍ୟତା ଏବଂ ବ୍ୟକ୍ତିତ୍ୱ ବ୍ରାଣ୍ଡ୍‍ ଆମୱେ ଏବଂ ନ୍ୟୁଟ୍ରିଲାଇଟର ଅନ୍ତର୍ନିିହିତ ମୂଲ୍ୟବୋଧ ସହିତ ସଂପୂର୍ଣ୍ଣ ସଠିକ ମେଳ ଖାଉଛି । ଆମ ସହିତ ତାଙ୍କୁ ବ୍ରାଣ୍ଡ୍‍ ଆମ୍ବାସାଡର ଭାବରେ ପାଇ ଆମେମାନେ ଅତ୍ୟନ୍ତ ଆନନ୍ଦିତ । ତାଙ୍କ ସହିତ ଆମର ସଂପୃକ୍ତି ବିବିଧ ବଜାରରେ ଉପଭୋକ୍ତାଙ୍କ ମନ ମଧ୍ୟରେ ଆମର ଗଭୀରତମ ପ୍ରବେଶରେ ସହାୟକ ହେବ ।

ଏହା ସାମଗ୍ରିକ ସ୍ୱାସ୍ଥ୍ୟ ଏବଂ ଦୈନନ୍ଦିନ ଖାଦ୍ୟରେ ରହୁଥିବା ପୋଷଣଗତ ପାର୍ଥକ୍ୟ ପୂରଣ କରିବାକୁ ପୋଷଣ ପରିପୂରକର ଗୁରୁତ୍ୱ ବିଷୟ ଉପରେ ଆମର ସ୍ଥିତିକୁ ଅଧିକ ପରିପୁଷ୍ଟ କରିବ ଏବଂ ଚଳିତ ତଥା ସମ୍ଭାବ୍ୟ ପ୍ରତ୍ୟକ୍ଷ ବିକ୍ରେତା/ ଖୁଚୁରା ବିକ୍ରେତାଙ୍କୁ ଏହି ବ୍ରାଣ୍ଡ୍‍ ସହିତ ଯୋଡିହେବା ବିଷୟକୁ ଉତ୍ସାହିତ କରିବ ।” ସ୍ୱାସ୍ଥ୍ୟ ଓ ପୋଷଣ ଉପରେ ଉଚ୍ଚତର ସଚେତନତା ଉପରେ ଦଣ୍ଡାୟମାନ ଏହି କମ୍ପାନୀ ନୂତନ ଏବଂ ଅଭିବୃଦ୍ଧିଶୀଳ ବଜାର ଚାହିଦା ପୂରଣ କରିବାକୁ ନୂତନ ସମାଧାନ ସମ୍ପର୍କରେ ଅଗ୍ରାଧିକାର ଭିତ୍ତିରେ ଅନୁଧ୍ୟାନ କରୁଛି । ଏଦିଗରେ ଆମୱେ ନିକଟରେ ନ୍ୟୁଟ୍ରିଲାଇଟ ଭିଟାମିନ ସି ଚେରି ପ୍ଲସ ଏବଂ ନ୍ୟୁଟିଲାଇଟ ଭିଟାମିନ ଡି ପ୍ଲସ ଭଳି ଶକ୍ତିଶାଳୀ ପୋଷର ଉତ୍ପାଦ ପ୍ରଚଳନ କରିଥିଲା, ଯାହା ଏହି ବର୍ଗରେ ସମ୍ପୂର୍ଣ୍ଣ ଭିନ୍ନତା ଆଣିଛନ୍ତି । ଏହି ବର୍ଗରେ ଉଲ୍ଲେଖନୀୟ ବୃଦ୍ଧି ପରିଲକ୍ଷିତ ହୋଇଛି ଏବଂ ସଂପ୍ରତି ଏହା ୬୦%ରୁ ଅଧିକ ବ୍ୟବସାୟିକ ରାଜସ୍ୱ ପ୍ରଦାନ କରୁଛି । ଉପଭୋକ୍ତାଙ୍କ ଚାହିଦା ଧାରା ଅନୁଯାୟୀ ୨୦୨୪ ସୁଦ୍ଧା ପୋଷଣ ବର୍ଗର ଅବଦାନ ୬୫%କୁ ବୃଦ୍ଧିପାଇବା ନେଇ କମ୍ପାନୀ ଆଶା ରଖିଛି ।