କୋରାଇ,ରିପୋର୍ଟ ରଶ୍ମିରେଖା ମଲ୍ଲିକଙ୍କ ( ଓଡିଶା ତାଜା ନ୍ୟୁଜ୍ ) କୋରାଇ.୨୪ ଏପ୍ରିଲ, ଶୁକ୍ରବାର :- ବିଶ୍ୱ ମହାମାରୀ କରୋନା ରୋଗୀ ଦେଶରେ କ୍ରମଶଃ ବଢିଯାଲିଥିଲା ବେଳେ ରାଜ୍ୟରେ ୯୪ଜଣ ଆକ୍ରନ୍ତ ଥିବା ଜଣା ପଡିଛି । ସେଥି ମଧ୍ୟରୁ ଭଦ୍ରକ, ଯାଜପର ଓ ବାଲେଶ୍ୱର ଜିଲାରେ କରୋନା ଆକ୍ରାନ୍ତଙ୍କ ସଂଖ୍ୟା କ୍ରମଶଃ ବିଢି ଚାଲଇଥିବାରୁ ଏହା ପଶ୍ଚିମବଙ୍ଗ ଲିଙ୍କ୍ରୁ ହେଉଥିବାରୁ ଏହି ତିନି ଜିଲାକୁ ୬୦ଘଂଟା ପାଇଁ ‘ସଟ ଡାଉନ’ କରାଯାଛି । ମାର୍ଚ୍ଚ ୨୨ତାରିଖ ‘ଜନତା କର୍ଫୁ’ ଓ ୩୦ତାରିଖ ଯାଏ ଲକଡାଉନ ହୋଇଥିଲା । ଏବେ ପୁଣି ଦ୍ୱିତୀୟ ପର୍ଯ୍ୟାୟ ‘ଲକ ଡାଉନ’ ଚାଲିଥିଲା ବେଳେ ପରିସ୍ଥିତି ଦୃଷ୍ଟିରୁ ସରକାରଙ୍କ ନିର୍ଦେଶ କ୍ରମରେ ଜିଲାପାଳ ରଞ୍ଜନକୁମାର ଦାସ ଯାଜପୁର ଜିଲାକୁ ଏବେ ସଂପୂର୍ଣ୍ଣଭାବେ ‘୬୦ଘଂଟିଆ ସଟ ଡାଉନ’ ଜାରିକରିଛନ୍ତି ।
ଏହା ୨୩ତାରିଖ ଗୁରୁବାର ରାତି ୧୦ଟାରୁ ଆରମ୍ଭ ହୋଇଥିଲା ବେଳେ ୨୬ତାରିଖ ରବିବାର ସକାଳ ୧୦ଟା ଯାଏ ବଳବତର ରହିବ । ନିର୍ଦେଶ ଅନୁଯାୟୀ ‘ସଟ ଡାଉନ’ ନୀତିମାନି ଯାଜପୁର ଜିଲାର କୋରାଇ ଅଂଚଳର ଅଧିବାସୀମାନେ ବାହାରକୁ ବାହାରି ନାହଁନ୍ତି । ବିଶେଷକରି କୋରାଇ ବ୍ଲକର ମକୁନ୍ଦପୁରୁ ଜଣେ କରୋନା ଆକ୍ରନ୍ତ ରହିଥିବାରୁ ଓ କୋରାଇର ଅନେକ ଶ୍ରମିକ ଓ ବ୍ୟବସାୟୀଙ୍କର ପଶ୍ଚିମବଙ୍ଗ କଲିକତା ସହ ସଂପୃକ୍ତି ରହିଛି । ଫଳରେ କରୋନା ଭୟରେ କୋରାଇ ଅଂଚଳବାସୀ ଭୟଭିତ ହୋଇ ସରକାରଙ୍କ ନିର୍ଦେଶକୁ ଛାଁ କୁ ଛାଁ ମାନି ନେଇଛନ୍ତି । ବ୍ଲକର ୨୮ଟି ପଂଚାୟତ ସମତେ ଦୁଇ ଦୁଇଟି ରାଜପଥରେ ସମ୍ପୂର୍ଣ୍ଣ ଜନଶୂନ୍ୟ ହୋଇଥିଲା । ବ୍ଲକର ମୁଖ୍ୟ ବଜାର କୋରେଇ, ବୈତରଣୀ ରୋଡ, ଶଙ୍ଖଚିଲା, ପାଣିକୋଇଲି, ସଠିପୁର, ରଗଡ଼ି, ଦୁଲାଖାପାଟଣା, ତୁଳତୀ ଛକ, ମୀନା ବଜାର, ବଟିରା ବଜାର, ଧନେଶ୍ୱର ଛକ, କଂଟାଝରୀ, ହାଟସାହି, ସାହାପୁର, ରଣପୁର ବେଲଟିକିରୀ ଛକ, କୋରେଇ ମେଡ଼ିକାଲ ଛକ ଆଦି ବିଭିନ୍ନ ଜନ ଗହଳିପୂର୍ଣ୍ଣ ସ୍ଥାନ ସମ୍ପୂର୍ଣ୍ଣ ବନ୍ଦ ରହିଥିଲା । ଫଳରେ ଦିନତମାମ ରାସ୍ତାଘାଟ, ଛକବଜାର ସବୁ ଜନଶୂନ୍ୟ ଯୋଗୁ ଖାଁ ଖାଁ ଲାଗୁଥିଲା ବେଳେ ଏହା ୨୩ତାରିଖ ସକାଳ ୧୦ଟା ଯାଏ ପାଳନ କରାଯିବାକୁ ଥିଲା ବେଳେ ସେହି ୧୦ଟା ଠାରୁ ପୁଣି ‘ଲକ ଡାଉନ’ ନିୟମ ପୂର୍ବପରି ଅନୁପାଳନ କରିବେ ।
ଏଥିପାଇଁ ପୁଣି ଯାଇ ମଙ୍ଗଳବାର ସକାଳ ୬ଟାରୁ ୧୦ଟା ମଧ୍ୟରେ ଅତ୍ୟାବଶ୍ୟକ ଜିନିଷ ଆଣିବା ପାଇଁ ବାହାରିବେ । ଏହି ଅଂଚଳରେ କେବଳ ନିର୍ଦ୍ଧିର୍ଷ୍ଟ କେତୋଟି ମେଡିସନ ଦୋକାନ, ପେଟ୍ରୋଲ ପମ୍ପ, ଡାକ୍ତରଖାନା, ରେଲବାଇ, ପାଣିଯୋଗାଣ, ପୁଲିସ, ଅଗ୍ନିସମ, ଯୋଗାଣ ବିଭାଗ, ବିଦ୍ୟୁତ ସରବରାହ ଓ ବିତରଣ କେନ୍ଦ୍ର ଆଦି ଖୋଲା ରହିଥିଲା ବେଳେ ପୁଲିସ ଦ୍ୱାରା ଅନୁମୋଦିତ ଗଣମାଧ୍ୟମ ପ୍ରତିନିଧି ଓ ମାଲ ପରିବହନ କରୁଥିବା ଗାଡି ହିଁ କେବଳ ଚଳାଚଳ କରୁଥିବା ଦେଖାଯାଇଥିଲା । ଅନ୍ୟପକ୍ଷରେ କୋରାଇ ଥାନା ଅଧିକାରି ରଞ୍ଜିତକୁମାର ମହାନ୍ତି ଓ ପାଣିକୋଇଲି ଥାନା ଅଧିକାରୀ ଅଜୟକୁମାର ଜେନା ସଦଳବଳେ ଦୁଇ ଥାନାର ଅଂଚଳ ଗ୍ରସ୍ତକରି ସଟଡାଉନକୁ ପାଳନରେ ଶତପ୍ରତିଶତ ସହାୟକ ହୋଇଛନ୍ତି । ଏହି ଅବସରରେ ବ୍ୟକ୍ତିଗତ ଓ ସାମୂହିକ ହିତଦୃଷ୍ଟିରୁ ସମସ୍ତେ ଘରେ ରହି ସଚେତନ ପୂର୍ବକ ସତର୍କ ରହିବା ଜରୁରୀ ବୋଲି କୋରାଇ ବିଡିଓ ଶ୍ୱେତା ସ୍ନିଗ୍ଧା ଅଂଚଳବାସୀଙ୍କୁ ନିବେଦନ କରିଛନ୍ତି । ଅନ୍ୟପକ୍ଷ;ର କେହି ଯଦି କେହି ‘ସଟ ଡାଉନ’ ସମୟରେ ନିୟମ ବହିର୍ଭୁତ କାର୍ଯ୍ୟକରେ ତେବେ ପ୍ରଶାସନ ପକ୍ଷରୁ ଦୃଢକାର୍ଯ୍ୟାନୁଷ୍ଠାନ ନିଆଯିବ ବୋଲି ଜିଲାପାଳ ଶ୍ରୀ ଦାସ ସୂଚନା ଦେଇଛନ୍ତି ।
