ହିଞ୍ଜିଳିକାଟୁ , ଶେଷଦେବସାହୁ,ରିପୋର୍ଟ ( ଓଡିଶାତାଜାନ୍ୟୁଜ୍ )ଅସହାୟ ପରିବାରଙ୍କୁ ଶୁଖିଲା ଖାଦ୍ୟ ବଂଟନ. ୨୪ଏପ୍ରିଲ,ଶୁକ୍ରବାର :- କରୋନା ଭୁତାଣୁ ସଂକ୍ରମଣକୁ ଆଖି ଆଗରେ ରଖି ସରକାର ଆସନ୍ତା ମେ ୩ ତାରିଖ ପର୍ଯ୍ୟନ୍ତ ଲକଡ଼ାଉନ ଘୋଷଣା କରିଛନ୍ତି । ଏହି ସମୟରେ ଅସହାୟ ମାନଙ୍କ ପାଇଁ ଖାଦ୍ୟ ବ୍ୟବସ୍ଥା ଓ ସ୍ୱଛତାକୁ ସୁନିଶ୍ଚିତ କରିବା ସକାଶେ କେନ୍ଦ୍ର ସରକାରଙ୍କ ପକ୍ଷରୁ ଡ଼ାକ ବିଭାଗ ଜରିଆରେ ଗରିବ ଓ ଅସହାୟ ପରିବାରଙ୍କୁ ଶୁଖିଲା ଖାଦ୍ୟ ଓ ସଫେଇ ପ୍ରସାଧନ ସାମଗ୍ରୀ ବଂଟନ କାର୍ଯ୍ୟକ୍ରମ ଚାଲୁ ରହିଛି । ଏହି ପରିପ୍ରେକ୍ଷୀରେ ଶୁକ୍ରବାର ହିଂଜିଳି ଡ଼ାକ ନିରୀକ୍ଷକଙ୍କ କାର୍ଯ୍ୟାଳୟ ପକ୍ଷରୁ ସ୍ଥାନୀୟ ବ୍ଳକ ମକରଝୋଳ ଗ୍ରାମରେ ଗ୍ରାମର ବହୁ ଅସହାୟ ଓ ଗରୀବ ପରିବାରଙ୍କୁ ଶୁଖିଲା ଖାଦ୍ୟ ସମେତ ମାସ୍କ ଓ ସଫେଇ ପ୍ରସାଧନ ସାମଗ୍ରୀ ଯଥା ସାବୁନ, ହ୍ୟାଣ୍ଡୱାସ୍ ବଂଟନ କରାଯାଇଥିଲା । କାର୍ଯ୍ୟକ୍ରମରେ ଡ଼ାକ ନିରୀକ୍ଷକ ଦିଲ୍ଲିପ କୁମାର ବଗତି, ଉପଡ଼ାକପାଳ ରତିକାନ୍ତ ପଣ୍ଡା, ଓଭରସିୟର ବାବୁଲା ପାତ୍ର, ମକରଝୋଳ ଶାଖା ଡ଼ାକପାଳ ସୁନାରାମ ମାରାଣ୍ଡି, ରମେଶ ଚନ୍ଦ୍ର ମହାନ୍ତି ଓ ଆସିକା ଡ଼ାକମଣ୍ଡଳ ପ୍ରତିନିଧି ସିମାଂଚଳ ମହାରଣା ପ୍ରମୁଖ ଅଂଶ ଗ୍ରହଣ କରିଥିଲେ ।
