ହିଞ୍ଜିଳିକାଟୁ , ଶେଷଦେବସାହୁ,ରିପୋର୍ଟ ( ଓଡିଶାତାଜାନ୍ୟୁଜ୍ ) ବ୍ରଜପାତରେ ଚାଷୀ ମୃତ .୨୪ଏପ୍ରିଲ, ଶୁକ୍ରବାର :- ଗୁରୁବାର ସନ୍ଧ୍ୟାରେ କାଳବୈଶାଖୀ ପ୍ରଭାବରେ ବର୍ଷା, ପବନ ସାଙ୍ଗକୁ ଆକାଶରେ ବିଜୁଳି ଚମକି ଉଠିଥିଲା । ବ୍ରଜପାତରେ ହିଂଜିଳି ଥାନା ବୁରୁପୋଡ଼ା ଗ୍ରାମର ଜଣେ ଚାଷୀଙ୍କ ମୃତ୍ୟୁ ଘଟିଛି । ମୃତକ ଜଣକ ସଂପୃକ୍ତ ଗ୍ରାମ ପେଣ୍ଠ ସାହିର ବୁଲୁ ଖଟେଇ (୩୦) । ପ୍ରକାଶ ଯେ, ଗୁରୁବାର ଅପରାହ୍ନରେ ବୁରୁପୋଡ଼ା ଗ୍ରାମର ସୁଦାମ ଖଟେଇ ଓ ତାଙ୍କ ସାନ ପୁଅ ବୁଲୁ ମିଶି ପରିବା କ୍ଷେତକୁ କାମ କରିବାକୁ ଯାଇଥିଲେ । ସନ୍ଧ୍ୟାରେ କାଳବୈଶାଖୀ ପ୍ରଭାବରେ ବର୍ଷା, ପବନ ସାଙ୍ଗକୁ ଆକାଶରେ ବିଜୁଳି ଚମକି ଉଠିଥିଲା । ବାପା ଶ୍ରୀଘ ଘରକୁ ଫେରି ଆସିଥିବା ବେଳେ ଯୁବକ ଜଣକ ଚାଷ ଜମିରେ କାମ କରୁଥିଲେ ।
ଉକ୍ତ ସମୟରେ ବ୍ରଜପାତ ଘଟିବାରୁ ଯୁବକ ଜଣକ ଚାଷ ଜମିରେ ହିଁ ଟଳି ପଡ଼ିଥିଲେ । ଅନ୍ୟପଟେ ଯୁଂବକ ଜଣକ ଘରକୁ ନଫେରିବାରୁ ପରିବାର ଲୋକେ ଚାରିଆଡ଼େ ଖୋଜାଖୋଜି କରିଥିଲେ ମଧ୍ୟ କୌଣସି ସନ୍ଧାନ ମିଳିପାରିନଥିଲା । ଶୁକ୍ରବାର ଭୋରରୁ କିଛି ଚାଷୀ ଚାଷଜମିକୁ ଯିବା ସମୟରେ ଯୁବକଙ୍କ ମୃତଦେହ ଚାଷ ଜମିରେ ପଡ଼ିଥିବାର ଦେଖି ପରିବାର ଲୋକଙ୍କୁ ଖବର ଦେଇଥିଲେ । ଖବର ପାଇ ହିଂଜିଳି ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ ଓ ତହସିଲଦାର ଗୋପିନାଥ କୁଅଁର ଘଟଣଶ ସ୍ଥଳରେ ପଂହଚିଥିଲେ । ସ୍ଥାନୀୟ ଅଂଚଳ ଶେରଗଡ଼ ଥାନା ଅଧିନରେ ରହିଥିବା ଯୋଗୁଁ ଘଟଣା ନେଇ ଶେଣଗଡ଼ ଥାନକୁ ଖବର ଦିଆଯାଇଥିଲା । ଖବର ପାଇ ଶେରଗଡ଼ ଥାନା ଆଇଆଇସି ରମେଶ ଚନ୍ଦ୍ର ଦାଶ ଓ ତହସିଲଦାର ଡ଼ଃ. କୃପାସିନ୍ଧୁ ପରିଡ଼ା ଘଟଣଶ ସ୍ଥଳରେ ପଂହଚିଥିଲେ । ଏ ନେଇ ଶେରଗଡ଼ ଥାନାରେ ନଂ- ୧/୨୦ରେ ଏକ ଅପମୃତ୍ୟୁ ମାମଲା ରୁଜୁ କରି ଶବକୁ ଜବତ କରିବା ସହ ବ୍ୟବଛେଦ ସକାଶେ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ପଠାଯାଇଛି ।
