ହିଞ୍ଜିଳିକାଟୁ , (ଓଡିଶା ତାଜା ନ୍ୟୁଜ୍ )କରୋନା ଆକ୍ରାନ୍ତରେ ମୁମ୍ବାଇରେ ମୃତ , ଶେଷଦେବ ସାହୁ , ରିପୋର୍ଟ 22.4.2020ଏପ୍ରିଲ, ବୁଧବାର :- ସାରା ବିଶ୍ୱରେ ମହାମାରୀ କରୋନା ଭୁତାଣୁ ସଂକ୍ରମଣ କାୟା ବିସ୍ତାର କରିବାରେ ଲାଗିଛି । କରୋନା ଭୁତାଣୁ ଆକ୍ରାନ୍ତଙ୍କ ସଂଖ୍ୟା ଓ ମୃତ୍ୟୁ ହାର ଦିନକୁ ଦିନ ବୃଦ୍ଧି ପାଉଥିବା ବେଳେ କୌଣସି ପ୍ରତିଷେଧକମୂଳକ ଔଷଧ ବାହାରି ପାରିନାହିଁ । ସାମାଜିକ ଦୂରତ୍ୱ ରକ୍ଷା କରିବା ସହ ବାରମ୍ବାର ସାବୁନରେ ହାତକୁ ଧୋଇବା ଓ ଅନ୍ୟାନ୍ୟ ପନ୍ଥା ଆପଣେଇବା ପାଇଁ ସରକାର ବିଭିନ୍ନ ଗଣମାଧ୍ୟମରେ ସଚେତନ କରୁଛନ୍ତି । ଏହାକୁ ଆଖି ଆଗରେ ରଖି ସରକାର ଆସନ୍ତା ମେ ୩ ତାରିଖ ଯାଏଁ ଲକଡ଼ାଉନ ଘୋଷଣା କରିଛନ୍ତି ।
ସୋମବାର ହିଂଜିଳିକାଟୁ ବ୍ଳକ ଅଂଚଳର ଏକ ଗ୍ରାମର ଜଣେ ୬୦ ବର୍ଷ ବୟସ୍କ ବୃଦ୍ଧଙ୍କ କରୋନା ଭୁତାଣୁ ସଂକ୍ରମଣରେ ଆକ୍ରାନ୍ତ ହୋଇ ମୃତ୍ୟୁ ଘଟିଥିବା ବେଳେ ବୁଧବାର ସ୍ଥାନୀୟ ପୌରାଂଚଳରେ ପୁଣି ଜଣେ ୨୫ ବର୍ଷ ଯୁବକଙ୍କ ମୃତ୍ୟୁ ଘଟିଥିବା ଜଣାପଡ଼ିଛି । ଯୁବକ ଜଣକ ଗତ କିଛି ବର୍ଷ ହେଲା ମୁମ୍ବାଇ ସହରରେ ମାମୁଁଙ୍କ ପରିବାର ସହିତ ରହି ଏକ ଘରୋଇ କମ୍ପାନୀରେ ଚାକିରି କରୁଥିଲେ । ଗତ କିଛି ଦିନ ଜ୍ଜରରେ ପିଡ଼ିତ ହୋଇ ଡ଼ାକ୍ତରଖାନାରେ ଭର୍ତି ହୋଇଥିଲେ । ଦୀର୍ଘ ଦିନ ଧରି ଉପଷମ ନମିଳିବାରୁ ପରୀକ୍ଷା କରାଯାଇଥିଲା । ପରୀକ୍ଷାରୁ ଯୁବକ ଜଣକ କରୋନାରେ ଆକ୍ରାନ୍ତ ହୋଇଥିବା ଜଣାପଡ଼ିଥିଲା । ଯୁବକଙ୍କ ମୃତ୍ୟୁ ପରେ ପରିବାରରେ ଶୋକର ଛାୟା ଖେଳିଯାଇଛି । ପୁଅର ମୃତ୍ୟୁକୁ ପରିବାର ସଦସ୍ୟ ସହଜରେ ଗ୍ରହଣ କରି ପାରୁନାହାନ୍ତି । ମୁମ୍ବାଇ ସହରରେ ଗତ ୨ ଦିନ ମଧ୍ୟରେ ହିଂଜିଳିକାଟୁ ଅଂଚଳର ୨ ଜଣଙ୍କ ମୃତ୍ୟୁ ଘଟିବା ପରେ ସ୍ଥାନୀୟ ଅଂଚଳରେ ଭୟର ବାତାବରଣ ଖେଳିଯାଇଛି । ଯୁବକଙ୍କ ମୃତ୍ୟୁ ପରେ ସମ୍ପର୍କୀୟ ମାନେ ସଂପୃକ୍ତ ଯୁବକଙ୍କ ପରିବାରକୁ ବୁଧବାର ସକାଳେ ଖବର ଜଣାଇଥିଲେ । ଯୁବକଙ୍କ ମୃତ୍ୟ ଖବର ଗ୍ରାମରେ ପ୍ରଚାରିତ ହେବା ପରେ ବମ୍ବେ, ସୁରଥ ସହ ପଡ଼ୋଶୀ ରାଜ୍ୟରେ କାର୍ଯ୍ୟ କରୁଥିବା ବ୍ୟକ୍ତିଙ୍କ ପରିବାର ମଧ୍ୟରେ ଅଜଣା ଆତଙ୍କ ଖେଳି ଯାଇଥିବା ଜଣାପଡ଼ିଛି । ଅନ୍ୟପକ୍ଷରେ ବମ୍ବେ, ସୁରଥ ସହ ପଡ଼ୋଶୀ ରାଜ୍ୟରେ କାର୍ଯ୍ୟ କରୁଥିବା ବହୁ ବ୍ୟକ୍ତି ଆସନ୍ତା ୩ ତାରିଖ ପରେ ରେଳ ଓ ଯାନବାହାନ ଚଳାଚଳ ନହେଲେ ସାଇକେଲ ସହାୟତାରେ ଗାଁକୁ ଫେରି ଆସିବାକୁ ମନ ବଳାଇଥିବା ଶୁଣିବାକୁ ମିଳୁଛି ।
