ଯାଜପୁର ଜିଲା ,କୋରାଇ, ରିପୋର୍ଟ / ରଶ୍ମିରେଖା ମଲ୍ଲିକ (ଓଡିଶା ତାଜା ନ୍ୟୁଜ୍ ) କରୋନା ରୋଗୀ ଚିହ୍ନଟ,ସୋମବାର ,ଏପ୍ରିଲ 20.4.2020 :- ଯାଜପୁର ଜିଲାରେ ଆଜି ତୃତୀୟ ପର୍ଯ୍ୟାୟରେ ଜିଲାରୁ ଗୋଟିଏ ଦିନରେ ଏକକାଳୀନ ୫ଜଣ କରୋନା ଚିହ୍ନଟ ହୋଇଛନ୍ତି । ଚିହ୍ନଟଙ୍କ ମଧ୍ୟରୁ ଯାଜପୁର ବ୍ଲକର ୩ଜଣ, ଦଶରଥପୁର ବ୍ଲକ ଓ କରୋଇ ବ୍ଲକ ଜଣେଲେଖାଏଁ କରୋନା ପଜେଟିଭ ଭାବେ ଚିହ୍ନଟ ହୋଇଥିବା ଜିଲାପାଳଙ୍କ ପକ୍ଷରୁ ସୂଚନା ପ୍ରଦାନ କରାଯାଇଛି । ସେ ଥିମଧ୍ୟରୁ କୋରାଇ ବ୍ଲକର ଯେଉଁ ବ୍ୟକ୍ତିଜଣଙ୍କ ଚିହ୍ନଟ ହୋଇଛନ୍ତି; ସେ ମକୁନ୍ଦପୁର ପଂଚାୟତ ତଥା ସେହି ଗ୍ରାମର ବୋଲି ବ୍ଲକ ପ୍ରଶାସନ ସୂଚନା ଦେଇଛି । ଏହା ଜଣାପଡିବା ପରେ ସଗ୍ରମ କୋରାଇ ବ୍ଲକ ସମେତ ବ୍ୟାସନଗର ପୌରାଂଚଳରେ ମଧ୍ୟ ଭୟର ବାତାବରଣ ସୃଷ୍ଟି ହୋଇଛି । ଚଳିତ ମାସ ୧୪ତାରିଖରେ ଯାଜପୁର ବ୍ଲକ ସାନତ୍ରିଲୋଚନପୁର ଗ୍ରାମରୁ ଜିଲାର ୨ୟ କରୋନା ରୋଗୀ ଚିହ୍ନଟ ହୋଇଥିଲେ । ସଂପୃକ୍ତ କରୋନା ଆକ୍ରାନ୍ତଙ୍କ ଟ୍ରାଭେଲ ହିଷ୍ଟ୍ରୀକୁ ଆଧାରକରି ଜିଲା ପ୍ରଶାସନ ଖୋଳତାଢ କରିଥିଲା । ଏଥିରୁ ଜଣାପଡିଥିଲାଯେ, ସଂପୃକ୍ତ କରୋନା ଆକ୍ରାନ୍ତ ଜଣଙ୍କ କଲିକତାର ବାବୁଘାଟରୁ ଏକ ଟାଟା ମ୍ୟାଜିଯୋଗେ ୨୮ତାରିଖ ରାତିରେ ଆସି ୨୯ତୋରିଖ ସକାଳୁ ପାଣିକୋଇଲି ଠାରେ ଓହ୍ଲାଇ ଥିଲେ । ଆକ୍ରାନ୍ତଙ୍କ ସହିତ ଜିଲାର ବିଭିନ୍ନ ସ୍ଥାନରୁ ୧୭ଜଣ ସହଯାତ୍ରୀ ଆସିଥିଲେ ।
ସେମାନଙ୍କ ମଧ୍ୟରୁ ପାଣିକୋଇଲି ଥାନା ଅଂଚଳର ୩ଜଣ ଓ ୬ଜଣ କୋରାଇ ଥାନ ଅନ୍ତର୍ଗତ ମକୁନ୍ଦପୁର ପଂଚାୟତର । ଏହି ତଥ୍ୟ ହସ୍ତଗତ ହେବାପରେ ମକୁନ୍ଦୁପର ପଂଚାୟତର ସଂପୃକ୍ତ ୬ଜଣଙ୍କୁ ପଂଚାୟତରେ ଖୋଲା ଯାଇଥିବା ‘କରେଂଟାନାଇ ସେଂଟର(ସଙ୍କରୋଧ କେନ୍ଦ୍ର)ରେ ରଖାଯାଇ ସେମାନଙ୍କ ସ୍ୱାବା(ରକ୍ତପରୀକ୍ଷା) ନିମନ୍ତେ ପଠାଯାଇଥିଲା । ଆଜି ପରୀକ୍ଷା ରିପୋର୍ଟ ଆସିବା ପରେ ଏମାନଙ୍କ ମଧ୍ୟରୁ ଜଣଙ୍କର କରୋନା ପଜେଟି ରହିଥିବା ସୂଚନା ମିଳିଥିଲା । ସଂପକ୍ତ ବ୍ୟକ୍ତ ଜଣଙ୍କ ୩୨ବର୍ଷର ଯୁବକ ହୋଇଥିବା ଜଣାପଡିଛି । ସଂପୃକ୍ତ ରିପୋର୍ଟକୁ ଆଧାରକରି କୋରାଇ ବ୍ଲକ ମକୁନ୍ଦପୁର ପଂଚାୟତର ୯ଟି ରାଜସ୍ୱ ଗ୍ରାମ ମଧ୍ୟରୁ କେବଳ ଜାଗୁଳେଇ ଗଡିଆ ଗ୍ରାମକୁ ଛାଡିଦେଲେ ଅନ୍ୟ ୮ଟି ରାଜସ୍ୱ ଗ୍ରାମକୁ କଂଟେନମେଂଟ ଜୋନ ଭବେ ଘୋଷଣା କରାଯାଇଛି ।
ସେଥି ମଧ୍ୟରୁ ମକୁନ୍ଦପୁର, ନିସଙ୍କପୁର ଓ ମଥୁରାପୁର ଗ୍ରାମକୁ ‘ଷ୍ଟ୍ରିଟଜୋନ ଭାବେ ଲୋଷିତ କରାଯାଇଥିଲା ବେଳେ ସମସ୍ତ ଅଧିବାସୀ ଘରେ ସଙ୍ଗରୋଧ ଭଳି ରହିବା ପାଇଁ ପ୍ରଶାସନପକ୍ଷରୁ କଡାନିର୍ଦେଶ ଦିଆଯାଇଛି । ଏଥି ସହିତ ଚିହ୍ନଟ ବ୍ୟକ୍ତିଙ୍କର ପରିବାର ସଦସ୍ୟଙ୍କୁ ହୋମ କ୍ୱରେଂଟାଇନ ରଖାଯାଇଛି । ଜିଲାପାଙ୍କ ନିର୍ଦେଶକ୍ରମେ କୋରାଇ ବିଡିଓ ଶ୍ୱେତସ୍ନେିଗ୍ଧା, ବ୍ୟାସନଗର ତହସିଲଦାର ଶରତକୁମାର ମହାପାତ୍ର, କୋରାଇ ଥାନା ଅଧିକାରୀ ରଞ୍ଜିତ କୁମାର ମହାନ୍ତି, କୋରାଇ ଗୋଷ୍ଠୀ ସ୍ୱାସ୍ଖ୍ୟକେନ୍ଦ୍ର ଅଧିକାରୀ ଡା.ହିମାଂଶୁ କୁମାରଙ୍କ ସମେତ ପୁଲିସ ଓ ଡାକ୍ତରୀ ଟିମ ସେଠାରେ ଉପସ୍ଥିତ ରହି ସମସ୍ତ କାର୍ଯ୍ୟା ତଦାରଖ କରୁଥିବା ଜଣା ପଡିଛି ।
