ଅଭିଯୋଗ ପାଇ ପୁଲିସ ବିଭିନ୍ନ ସ୍ଥାନରେ ଚଢାଉ କରି ଶନିବାର ଭୋରରୁ କବିସୂର୍ଯ୍ୟନଗର ଅଂଚଳରୁ ଆକ୍ରମଣକାରୀ ଯୁବକଙ୍କୁ ଗିରଫ କରିଥିବା ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ କହିଛନ୍ତି ।
ହିଞ୍ଜିଳିକାଟୁ, ରିପୋର୍ଟ/ଶେଷଦେବ ସାହୁ ( ଓଡିଶା ତାଜା ନ୍ୟୁଜ୍ ) ହିଞ୍ଜିଳିକାଟୁ, ଶନିବାର, ଏପ୍ରିଲ 18.4.2020 :- ପୂର୍ବ ଶତୃତାକୁ କେନ୍ଦ୍ର କରି ଜଣେ ଯୁବକ ପଡ଼ୋଶୀ ଘରର ଜଣେ ଯୁବକ ଶୋଇଥିବା ବେଳେ କାତିରେ ଆକ୍ରମଣ କରିଛି । ଆକ୍ରମଣରେ ଯୁବକଙ୍କ ଡ଼ାହାଣ ହାତର ୨ଟି ଆଙ୍ଗୁଠି ଛିଣ୍ଡି ଯାଇ ଗୁରୁତର ଆହତ ହୋଇଛି । ଏଭଳି ଏକ ଘଟଣା ଶୁକ୍ରବାର ଗଂଜାମ ଜିଲ୍ଲା ହିଂଜିଳି ଥାନା କୋଳିଦାସପୁର ଗ୍ରାମରେ ଘଟିଛି । ଗୁରୁତର ଆହତ ଜଣକ ସଂପୃକ୍ତ ଗ୍ରାମର ଅଗାଧୁ ରାଉତ (୨୮) ହୋଇଥିବା ବେଳେ ଆକ୍ରମଣ କାରୀ ଜଣକ ସେହି ଗ୍ରାମର ଅଲେଖ ନାହାକ (୨୫) । ଆହତ ଯୁବକଙ୍କ ବାପା ଧନୁଙ୍କ ଅଭିଯୋଗ କ୍ରମେ ହିଂଜିଳି ଥାନା ନଂ- ୧୨୪/୨୦ରେ ଏକ ମାମଲା ରୁଜୁ କରି ପୁଲିସ ଆକ୍ରମଣକାରୀ ଯୁବକଙ୍କୁ ଗିରଫ କରିଛି । ପ୍ରକାଶ ଯେ, ହିଂଜିଳି ଥାନା କୋଳିଦାସପୁର ଗ୍ରାମର ଦୁଇ ପଡ଼ୋଶୀ ଯୁବକ ସୁରଥରେ କାର୍ଯ୍ୟ କରନ୍ତି । ଗତ ୧ ବର୍ଷ ପୂର୍ବେ କୌଣସି କାରଣରୁ ଉଭୟଙ୍କ ମଧ୍ୟରେ ଗଣ୍ଡଗୋଳ ଘଟିଥିଲା । ଏଥିରେ ଉତ୍ୟକ୍ତ ହୋଇ ଅଗାଧୁ, ଅଲେଖଙ୍କ ହାତକୁ କାମୁଡ଼ି ଦେଇଥିଲା । ପରେ ଉଭୟଙ୍କ ମଧ୍ୟରେ ଶତୃତା ଲାଗି ରହିଥିଲା । ଗତ କିଛି ଦିନ ପୂର୍ବେ ଦୁହେଁ ସୁରଥରୁ ଗ୍ରାମକୁ ଫେରିଥିଲେ । ଶୁକ୍ରବାର ଅପରାହ୍ନରେ ଅଗାଧୁ ଘର ବାରଣ୍ଡାରେ ଶେଇଥିବା ବେଳେ ଅଲେଖ ଏକ କାତି ସାହାର୍ଯ୍ୟରେ ଆକ୍ରମଣ କରରିଥିଲା । ଆକ୍ରମଣରେ ଯୁବକଙ୍କ ଡ଼ାହାଣ ହାତର ୨ଟି ଆଙ୍ଗୁଠି ଛିଣ୍ଡି ଯାଇ ଗୁରୁତର ଆହତ ହୋଇଥିଲେ । ଆକ୍ରମଣ ପରେ ଯୁବକ କାତିକୁ ଏକ କୁଅ ନିକଟରେ ଫୋପାଡ଼ି ଘଟଣା ସ୍ଥଳରୁ ଚମ୍ପଟ ମାରିଥିଲେ । ପରିବାର ସଦସ୍ୟ ଆହତଙ୍କୁ ଉଦ୍ଧାର କରି ଚିକିିତ୍ସା ସକାଶେ ବ୍ରହ୍ମପୁର ବଡ଼ ଡ଼ାକ୍ତରଖାନାରେ ଭର୍ତି କରିଥିଲେ । ଅଭିଯୋଗ ପାଇ ପୁଲିସ ବିଭିନ୍ନ ସ୍ଥାନରେ ଚଢାଉ କରି ଶନିବାର ଭୋରରୁ କବିସୂର୍ଯ୍ୟନଗର ଅଂଚଳରୁ ଆକ୍ରମଣକାରୀ ଯୁବକଙ୍କୁ ଗିରଫ କରିଥିବା ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ କହିଛନ୍ତି ।
