ଓଡ଼ିଶା ତାଜା ନ୍ୟୁଜ (୨୭ ଅଗଷ୍ଟ ଶୁକ୍ରବାର) ରଣପୁର,ରିପୋର୍ଟ /ଅଭିମନ୍ୟୁ :- ଏଠାରେ ସୂଚନା ଯୋଗ୍ୟ ସହିଦ ଓ ସଂଗ୍ରାମୀ ମାନଙ୍କ ଉଦେଶ୍ୟରେ ସମର୍ପିତ ଏଂବ ସମ୍ବିଧାନ ପ୍ରସ୍ତାବନା ଖୋଦେଇ ସ୍ତମ୍ଭ ଆଜି ଜରାଜିର୍ଣ ଅବସ୍ଥାରେ ରହିବା ନିହାତି ଲଜ୍ଜା ର ବିଷୟ l ନବଗଠିତ ରଣପୁର ବିଜ୍ଞାପିତ ଅଂଚଳ ପରିଷଦ ରେ ମଧ୍ୟ ନୂତନ ସ୍ମାରକୀ ସ୍ତମ୍ଭ ରହିବ ଜରୁରୀ l ଫଳତଃ ବର୍ତ୍ତମାନ ଓ ଆଗାମୀ ପିଢ଼ି ରଣପୁର ଇତିହାସ ସମ୍ପର୍କେ ଜ୍ଞାତ ହେବାସହ ଆଞ୍ଚଳିକ ସେନାନୀ ମାନଙ୍କୁ ଜାଣିପାରନ୍ତେ l ଖାଲିସେତିକି ନୁହେଁ ବହୁବାର ଦାବି ହୋଇଛି l ଚାନ୍ଦପୁର ସୁନାଖଳା ରାସ୍ତାକୁ ସହିଦ ରଘୁ ଦିବାକର ଙ୍କ ନାମରେ ଓ ଖଁଡ଼ିସି ମୟୁରଝଲିଆ ରାସ୍ତାକୁ ସହିଦ ଅର୍ଜ୍ଜୁନ ରାଉତ ନାମରେ କରାଯାଉ l
ରଣପୁର ସହରରେ ଏକ ଗଡଜାତ ଭବନ ନିର୍ମାଣ କରାଯାଇ ଇତିହାସର କଥା ବିଶେଷ କରି ପ୍ରଜାମଣ୍ଡଳ ଆନ୍ଦୋଳନ ସମ୍ପର୍କେ ଉଲ୍ଲେଖ ରହୁ l ରଘୁ ଦିବାକର ଆସୋସିଏସନ ରଣପୁର ଅନୁକୁଲ୍ୟରେ ଅନୁଷ୍ଠିତ ଏକାଧିକ ଆଲୋଚନାଚକ୍ରରେ ବହୁ ବକ୍ତାଙ୍କ ଏନେଇ ମତ୍ତ ପ୍ରକାଶ ପାଇଛି l ଅଧ୍ୟାପକ ବିଜୟ ଜେନା ସାମାଜିକକର୍ମୀ ମନୋଜ ଦାସ କାଶୀନାଥ ପ୍ରଧାନ ପ୍ରମୁଖ ବାରଂବାର ସଭାପତି ସୁରେଶ ମିଶ୍ରଙ୍କୁ ଏ ନେଇ ନିଜସ୍ୱ ମତ୍ତ ଦେଇ ଛନ୍ତି l ପ୍ରତି ପଞ୍ଚାୟତରେ ରହିଥିବା ସଂଗ୍ରାମୀ ମାନଙ୍କ ନାମରେ ବିଦ୍ୟାଳୟଗୃହ ପ୍ରାଚୀର ଚିତ୍ର ପଞ୍ଚାୟତ ପରିସରରେ ନାମ ସ୍ତମ୍ଭ ପାଇଁ ଏବେଠୁ ଉଦ୍ୟମ ଜାରି ରହୁ l ମାନ୍ୟବର ବିଧାୟକ ନିହାତି ଜରୁରୀ ପଦକ୍ଷେପ ନେବା ପାଇଁ ଦାବୀ ଜୋର ଧରୁଛି l
