ଭୁବନେଶ୍ୱର , ରିପୋର୍ଟ (ଓଡିଶା ତାଜା ନ୍ୟୁଜ୍) ସଚେତନତା କାର୍ଯ୍ୟକ୍ରମ, ଗୁରୁବାର, ଏପ୍ରିଲ 16.4.2020 :– କରୋନା ବିପତ୍ତି ନେଇ ଲକଡାଉନ ସମୟରେ ମାନ୍ୟବର ମୁଖ୍ୟମନ୍ତ୍ରୀ ସରକାରୀ ସ୍ତରରେ ସମସ୍ତ ଯଥାଚିତ ପଦକ୍ଷେପ ନେବା ପରେ ମଧ୍ୟ ଯେପରି କୌଣସି ଗୋଟିଏ ବି ବ୍ୟକ୍ତି ଅସୁବିଧା ରେ ନରହୁ , ସେଥିପାଇଁ ଦଳୀୟ କର୍ମୀ ଓ ନେତୃବୃନ୍ଦ ମାନଙ୍କୁ ଯେଉଁ ଆହ୍ୱାନ ଦେଇ ଥିଲେ କି ନିଜ ଅଞ୍ଚଳ ଦାଇତ୍ଵ ନିଜେ ନିଅନ୍ତୁ ।
ଯେପରି ରାଜ୍ୟରେ କୋୖଣସି ବି ବ୍ୟକ୍ତି ଭୋକିଲା ନରହୁ ଓ କୌଣସି ରୋଗୀ ରକ୍ତ ଅଭାବ ର ସମ୍ମୁଖିନ ନହେଉ । ଏହି ପରିପ୍ରେକ୍ଷୀରେ ଯୁବଜନତା ରାଜ୍ୟ ସଭାପତି ମଧ୍ୟ ମୁଖ୍ୟମନ୍ତ୍ରୀଙ୍କ ଏହି ଆହ୍ୱାନ କୁ ଯୁବଜନତା ର ସମସ୍ତ କର୍ମୀଙ୍କୁ ପାଳନ କରିବାକୁ ଅନୁରୋଧ ରଖିଥିଲେ । ଏହି ସାମାଜିକ ଦାୟିତ୍ୱର ଆହ୍ୱାନ ପରେ ରାଜ୍ୟର କୋଣାଅନୁକୋଣ ରୁ ଅନେକ ଯୁବନେତା ଏଥିରେ ସାମିଲ ହୋଇ ନିଜ ଅଞ୍ଚଳରେ ଗରିବ ଓ ଅସହାୟ ମାନଙ୍କୁ ଖାଦ୍ୟ ଯୋଗାଇବା ସହ ରକ୍ତସଂଗ୍ରହ କରୁଛନ୍ତି । ଯୁବଜନତା ର ଏହି ରାଜ୍ୟସ୍ତରୀୟ କାର୍ଯ୍ୟକ୍ରମ ଏକ ସାମାଜିକ ବିପ୍ଳବ ରେ ପରିଗଣିତ ହୋଇଛି । ଆଜି ଭୁବନେଶ୍ୱର ର ବିଭିନ୍ନ ବସ୍ତି ଅଞ୍ଚଳରେ ରାଜ୍ୟ ସଭାପତି ଅମରେଶ ପତ୍ରୀ ଙ୍କର ପ୍ରତକ୍ଷ ତତ୍ୱାବଧାନ ରେ ବସ୍ତିରେ ଥିବା ଗରିବ ଓ ଅସହାୟ ମାନଙ୍କୁ ସାମାଜିକ ଦୂରତ୍ୱ ବଜାୟ ରଖି ରାସନ ସାମଗ୍ରୀ ଓ ପନିପରିବା ଲୋକଙ୍କୁ ବଣ୍ଟନ କରାଯାଇଛି ।
କରୋନା ମହାମାରୀ ରେ ଜନସାଧାରଣ କିପରି ସଚେତନ ରହିବେ ସେ ବିଷୟରେ ମଧ୍ୟ ଜନସାଧାରଣ ଙ୍କୁ ଅବଗତ କରାଯାଇଛି । ଏହି କାର୍ଯ୍ୟକ୍ରମରେ ବିଜୁ ଯୁବ ଜନତା ଦଳର ରାଜ୍ୟ ସାଧାରଣ ସମ୍ପାଦକ ଜ୍ୟୋତି ରଞ୍ଜନ ଜେନା , ଧୃତି ରଞ୍ଜନ ମାର୍ଥା , ସମ୍ପାଦକ ଆଶିଷ ମିଶ୍ର , ପୃଥୀବିରାଜ ପଣ୍ଡା , ସାଙ୍ଗଠନିକସମ୍ପାଦକ ରଶ୍ମିରଞ୍ଜନ ଦାସ ପ୍ରମୂଖ ଉପସ୍ଥିତ ରହି ସହଯୋଗ କରିଥିଲେ ।
