- କୃଷି କାର୍ଯ୍ୟର ତଦାରଖ ପାଇଁ ୩୦ ଜିଲ୍ଲା ପାଇଁ ୩୦ ଜଣ ନୋଡାଲ ଅଧିକାରୀ ନିଯୁକ୍ତ କରାଯାଇଛି । ସମସ୍ତ ଚାଷୀମାଙ୍କୁ ସୋସିଆଲ ମେଡିଆ ହ୍ଵାଟ୍ସଆପ ମାଧ୍ୟମରେ ଯୋଡିବା ପାଇଁ ନିର୍ଦେଶ ଦିଆହୋଇଛି । ଯଥାଶୀଘ୍ର ୧୦ ଲକ୍ଷ ଚାଷୀମାନଙ୍କୁ ଏ ମାଧ୍ୟମରେ ଯୋଡ଼ାଯିବା ପାଇଁ ସମସ୍ତ କ୍ଷେତ୍ର ଅଧିକାରୀ ମାନଙ୍କ ଠାରୁ ବ୍ଲକ, ଜିଲ୍ଲା ଅଧିକାରୀମାନଙ୍କୁ ନିର୍ଦେଶ ଦିଆ ଯାଇଛି ।
ଭୁବନେଶ୍ୱର / ରିପୋର୍ଟ (ଓଡିଶା ତାଜା ନ୍ୟୁଜ୍ ) କୃଷି ଭବନ ଭୁବନେଶ୍ୱର , ବୁଧବାର ଏପ୍ରିଲ 15.4.2020 :- ଆଜି ଭୁବନେଶ୍ୱର କୃଷି ଭବନ ଠାରେ ଆୟୋଜିତ ସଭାରେ କୃଷି କାର୍ଯ୍ୟ କିପରି କରାଯିବ ସେଥି ନିମନ୍ତେ ବିସ୍ତୃତ ମାର୍ଗଦର୍ଶିକା ଜାରି କରାଯାଇଛି । ସମାଜିକ ଦୁରତାକୁ ମାନି କୃଷି କାର୍ଯ୍ୟ ଆରମ୍ଭ କରାଯାଇଛି ବୋଲି ମନ୍ତ୍ରୀ ଡ଼ ସାହୁ କହିଛନ୍ତି । ସମ୍ପ୍ରତି କରୋନା ଭୁତାଣୁ ସାରା ଦେଶରେ ସମେତ ରାଜ୍ୟରେ ଲକଡାଉନ ଜାରି କରାଯାଇ ଥିବାବେଳେ କୃଷି ଓ କୃଷି କାର୍ଯ୍ୟ ନିମନ୍ତେ ଲକ ଡାଉନ କଟକଣା କୋହଳ କରାଯାଇଛି ।
ସମ୍ପ୍ରତି ରାଜ୍ୟରେ ରବି ଫସଲ ଅମଳ ହେଉଥିବା ଏବଂ ଖରିଫ ଚାଷ ପ୍ରସ୍ତୁତି ଆରମ୍ଭ ହୋଇଥିବାବେଳେ ଜିଲ୍ଲା ଦାୟିତ୍ୱ ରେ ଥିବା ନୋଡାଲ ଅଧିକାରୀ ମାନେ ଅଧିକା କ୍ରିୟାଶୀଳ ହେବା ପାଇଁ ମନ୍ତ୍ରୀ ଡ଼ ସାହୁ କହିଛନ୍ତି । ନୋଡାଲ ଅଧିକାରୀ ମାନେ କ୍ଷେତ୍ର ଅଧିକାରୀ ମାନଙ୍କ ସହିତ ନିରନ୍ତର ସମ୍ପର୍କ ରଖିବେ, ଯେପରି କୃଷି କ୍ଷେତରେ ଉପୁଜୁଥିବା ସମସ୍ୟାର ସମାଧାନ ଦିଗ ରେ ସମୋଚିତ ପଦକ୍ଷେପ ନିଆଯାଇ ପାରିବ । ଏଥି ନିମନ୍ତେ ତଦାରଖ ବ୍ୟବସ୍ତା କୁ ଅଧିକ ଗତିଶୀଳ କରିବା ପାଇଁ ମନ୍ତ୍ରୀ ଡ଼ ସାହୁ କହିଛନ୍ତି ।
ନୋଡାଲ ଅଧିକାରୀମାନେ ପ୍ରତିଦିନ ଜିଲ୍ଲା କୃଷି ଅଧିକାରୀମାନଙ୍କ ସହ ଯୋଗାଯୋଗ କରି ତୃଣମୂଳ ସ୍ତରର ସମସ୍ୟାର ଖବର ସଂଗ୍ରହ କରି ସମାଧାନର ପନ୍ଥା ନିଋପଣ କରିବେ ଏବଂ ସନ୍ଧ୍ୟାରେ ହ୍ଵାଟସଅପ ମାଧ୍ୟମରେ ରିପୋର୍ଟ ଦେବେ । କୃଷି କାର୍ଯ୍ୟର ତଦାରଖ ପାଇଁ ୩୦ ଜିଲ୍ଲା ପାଇଁ ୩୦ ଜଣ ନୋଡାଲ ଅଧିକାରୀ ନିଯୁକ୍ତ କରାଯାଇଛି । ସମସ୍ତ ଚାଷୀମାଙ୍କୁ ସୋସିଆଲ ମେଡିଆ ହ୍ଵାଟ୍ସଆପ ମାଧ୍ୟମରେ ଯୋଡିବା ପାଇଁ ନିର୍ଦେଶ ଦିଆହୋଇଛି । ଯଥାଶୀଘ୍ର ୧୦ ଲକ୍ଷ ଚାଷୀମାନଙ୍କୁ ଏ ମାଧ୍ୟମରେ ଯୋଡ଼ାଯିବା ପାଇଁ ସମସ୍ତ କ୍ଷେତ୍ର ଅଧିକାରୀ ମାନଙ୍କ ଠାରୁ ବ୍ଲକ, ଜିଲ୍ଲା ଅଧିକାରୀମାନଙ୍କୁ ନିର୍ଦେଶ ଦିଆ ଯାଇଛି ବୋଲି ମନ୍ତ୍ରୀ ଡ଼ ସାହୁ କହିଛନ୍ତି ।
