କୋରାଇ / ରିପୋର୍ଟ ( ଓଡିଶା ତାଜା ନ୍ୟୁଜ୍ ) କୋରାଇରୁ ରଶ୍ମିରେଖା ମଲ୍ଲିକଙ୍କ ରିପୋର୍ଟ / ମଙ୍ଗଳବାର, ଏପ୍ରିଲ 14.4.2020 :- ବିଶ୍ୱ ମହାମାରୀ କରୋନା ଲାଗି ସାରା ଦେଶରେ ‘ଲକ ଡାଉନ’ ଜାରି କରାଯାଇଛି । ପ୍ରଥମ ପର୍ଯ୍ୟାୟରେ ଏହି ନିୟମ ୨୧ଦିନ ଲାଗୁ କରାଯାଉଥିଲା ବେଳେ ଏବେ ଆମ ରାଜ୍ୟରେ ଏହାର ଅବଧି ୩୦ତାରିଖ ପର୍ଯ୍ୟନ୍ତ ବର୍ଦ୍ଧିତ ଘୋଷଣା କରାଯାଇଛି । ଲକ୍ଡାଉନକୁ ସମସ୍ତେ କଡ଼ାକଡ଼ିଭାବେ ପାଳନ କରିଥିବାରୁ ବାହାର ରାଜ୍ୟରୁ ରହିଥିବା ଶ୍ରମିକ ବେଶ୍ ପ୍ରଭାବିତ ହେଉଛନ୍ତି ।
ଏଥି ସହିତ ସମସ୍ତ ରାଜ୍ୟର ଓ ଜିଲା ସୀମା ବନ୍ଦ କରି ଦିଆଯାଇଥିବାରୁ ବାହାର ରାଜ୍ୟ ଓ ଅନ୍ୟଜିଲାର ଜିଲାର ଶ୍ରମିକ ବିଭିନ୍ନ ଜିଲା ଏବଂ ବ୍ଲକରେ ଅଟକି ରହିଛନ୍ତି । ପ୍ରବାସୀ ଶ୍ରମିକମାନେ ଯେଉଁଠାରେ ଅଟକି ରହିଛନ୍ତି; ସଂପୃକ୍ତ ବ୍ଲକ ବା ସହରାଂଚଳ ପକ୍ଷରୁ ସେମାନଙ୍କ ନିମନ୍ତେ ଖାଦ୍ୟ ପେୟର ବନ୍ଦୋବସ୍ତ କରାଯାଇଛି । ଏହି ପ୍ରରିପେକ୍ଷିରେ କୋରାଇ ବ୍ଳକର ୨୮ପଂଚାୟତରେ ୧୧୪୩ଜଣ ଅଟକିଥିବା ପ୍ରବାସୀ ଓ ସ୍ଥାନୀୟ ଅଂଚଳର ଅଶହାୟଙ୍କୁ ଆଶ୍ରୟ ସହ ଦିଆଯାଇଛି ରନ୍ଧା ଖାଦ୍ୟ । ଏମାନଙ୍କ ଦୁଇ ଓଳି ରନ୍ଧା ଖାଦ୍ୟ ଦିଆଯିବା ପାଇଁ ବ୍ଲକର ୧୮ଟି ସ୍ଥାନରେ ହେଉଛି ରୋଷେ ହେଉ ପ୍ରଶାସନ ପକ୍ଷରୁ ସୂଚନା ମିଳିଛି । ବାହାର ରାଜ୍ୟ ଓ ଅନ୍ୟଜିଲାର ଶ୍ରମିକଙ୍କୁ ମଧ୍ୟ ପ୍ରତିଦିନ ବିଭିନ୍ନ ସ୍ଥାନରେ ରଖାଯାଇ ଦିନକୁ ଦୁଇଓଳି ରନ୍ଧାଖାଦ୍ୟ ପ୍ରଦାନ କରାଯାଉଛି । ଏଥି ପାଇଁ ବ୍ଲକର ୧୮ଟି ସ୍ଥାନରେ ରୋଷେଇ କରାଯାଇ ସେମାନଙ୍କୁ ଖାଦ୍ୟର ବ୍ୟବସ୍ଥା କରାଯିବା ସହିତ ସେମାନେ ଯେପରି କୌଣସି ସମସ୍ୟାର ସମ୍ମୁଖିନ ନହୁଅନ୍ତି ସେଥିପ୍ରତି କଡ଼ା ନଜର ରଖାଯାଇଛି । କୋରାଇ ବ୍ଲକରେ ରହିଥିବା ବାହାର ରାଜ୍ୟର ଶ୍ରମିକଙ୍କ ମଧ୍ୟରେ ସର୍ବାଧିକ ୧୬୭ ପଶ୍ଚିମବଙ୍ଗ ଓ ବିହାର ୧୧ଜଣ ଓ ଝାଡଖଣ୍ଡ ୩୫ଙ୍କୁ ମିଶାଇ ୨୧୩ଜଣ ରିହିଥିଲା ବେଳେ ୨୪୫ ଅନ୍ୟଜିଲାର ଶମିକଙ୍କ ମିଶାଇ ମୋଟ ୪୫୮ଜଣ ପ୍ରବାସୀ ଶ୍ରମିକ ଅଛନ୍ତି ।
ଏତଦ୍ଭିନ୍ନ ପୂର୍ବରୁ ବ୍ଳକର ୨୨ଟି ସ୍ଥାନରେ ଖାଦ୍ୟ ପେୟର ବ୍ୟବସ୍ଥା କରାଯାଉଥିବା ବେଳେ ଏବେ କିଛି ଲୋକେ ନିଜେ ରୋଷେଇ କରି ଖାଇବାକୁ କହିବା ପରେ ସେମାନଙ୍କୁ ମଧ୍ୟ ସମସ୍ତ ସାମଗ୍ରୀ ଯୋଗାଇ ଦିଆଯାଉଛି । ଏବେ ବ୍ଲକ ଅଂଚଳର ଅଶହାୟ, ରୋଗୀ ତଥା ଦୁଃସ୍ଥ ଅବସ୍ଥାରେଥିବା ୬୮୫ଜଣଙ୍କ ସମେତ ବାହାର ରାଜ୍ୟ ଓ ଅନ୍ୟ ଜିଲାର ୪୫୮ଜଣଙ୍କୁ ମିଶାଇ ମୋଟ ୧,୧୪୩ଜଣଙ୍କ ନିମନ୍ତେ ୧୮ଟି ସ୍ଥାନରେ ରନ୍ଧାଖାଦ୍ୟ ପ୍ରଦାନ କରାଯାଉଛି । ଏଥି ମଧ୍ୟରୁ ବାହାର ରାଜ୍ୟର ପ୍ରବାସୀଙ୍କ ମଧ୍ୟରେ କେହି ମହିଳା ନଥିବା ବେଳେ କେବଳ ୫ଜଣ ନାବାଳକ ଥିବା ଜଣାପଡି । ଏସମ୍ପର୍କରେ ଏବିଡିଓ ଜ୍ଞାନଦା ନାୟକଙ୍କୁ ପଚାରିବାରୁ ସେ ଏସମସ୍ତ ସୂଚନା ଦେବା ସହିତ ଲୋକଙ୍କୁ ରନ୍ଧା ଖାଦ୍ୟ ଯୋଗାଇବାରେ ଯେପରି କୌଣସି ଅସୁବିଧା ନହୁଏ ସେଥିପ୍ରତି ଜିଲା ପ୍ରଶାସନର କଡ଼ା ନିର୍ଦ୍ଦେଶ ରହିବା ସହିତ ସମସ୍ତ କାର୍ଯ୍ୟକୁ ବିଡିଓ ଶ୍ୱେତା ସ୍ନିଗ୍ଧାଙ୍କ ତତ୍ୱାବଧନରେ ହେଉଥିବା ଶ୍ରୀ ନାୟକ ପ୍ରକାଶ କରିଛନ୍ତି ।
