ରଣପୁର ଅଞ୍ଚଳର ଲୋକପ୍ରିୟ ଆଇନଜୀବି ବରିଷ୍ଠ ସିପିଏମ ନେତା ପୁର୍ଣ୍ଣଚନ୍ଦ୍ର ସାମନ୍ତରାୟଙ୍କର ପରଲୋକ

ଓଡ଼ିଶା ତାଜା ନ୍ୟୁଜ (୨୬ ଜୁଲାଇ ସୋମବାର ) ରଣପୁର :- ରଣପୁର ଅଚଂଳର ଲୋକପ୍ରିୟ ଆଇନଜିବି ବରିଷ୍ଠ ସିପିଏମ ନେତା ତଥା ରଣପୁର ପଚାଂୟତ ସମିତିର ପୂର୍ବତନ ଅଧକ୍ଷ ପୁର୍ଣ୍ଣଚନ୍ଦ୍ର ସାମନ୍ତରାୟ ଙ୍କର ଆଜି ମଧ୍ୟହ୍ନରେ ପରଲୋକ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୭୬ ବର୍ଷ ହୋଇଥିଲା । ରଣପୁର ବାରରେ ସେ ଦୀର୍ଘଦିନ ଧରି ଓକିଲାତି କରିଥିଲେ । ଜଣେ ବରିଷ୍ଠ ସିପିଏମ ନେତା ଭାବେ ସେ ଖୁବ ପରିଚିତ ଥିଲେ ।

୧୯୭୧ ମସିହାରେ ସେ ରଣପୁର ପଚାଂୟତ ସମିତି ଅଧକ୍ଷ ଭାବେ ନିର୍ବାଚିତ ହୋଇଥିଲେ । ଏପରିକି ସେ ସିପିଏମ ତରଫୁରୁ ସେ ଅନେକ ଥର ବିଧାୟକ ପାର୍ଥୀ  ଭାବେ ପ୍ରତିଦ୍ୱନ୍ଦୀତା କରିଥିଲେ । ୧୯୪୫ ମସିହାରେ ଜନ୍ମ ଗ୍ରହଣ କରିଥିବା ପୁର୍ଣ୍ଣଚନ୍ଦ୍ର ପିଲା ବେଳୁ ରାଜନୀତି ପ୍ରତି ରୁଚି ରଖିଥିବା ବେଳେ ସମାଜ ସେବାରେ ନିଜ ଜୀବନକୁ ଅତିବାହିତ କରିଥିଲେ । ଆଜି ଅପରାହ୍ନରେ ତାଙ୍କ ମରଶରୀରକ କୁ ସିପିଏମ କାର୍ଯ୍ୟାଳୟ ଓ ପରେ ଏକ ଶୋଭା ଯାତ୍ରାରେ ବାର ଆସୋସିଏସନ କୁ ନିଆଯାଇଥିଲା ।

ସେ ଠାରେ ଆଇନଜୀବି ମାନେ ପୁଷ୍ପମାଲ୍ୟ ଅର୍ପଣ କରିଥିଲେ । ପରେ ଜନ୍ମ ମାଟି ଚମ୍ପାପେଡିରେ ଶବ ସଂସ୍କାର କରାଯାଇଥିଲା । ତାଙ୍କ ବିୟୋଗରେ ରଣପୁର ବିଧାୟକ ସତ୍ୟନାରାୟଣ ପ୍ରଧାନ , ଜିଲ୍ଲା କଂଗ୍ରେସ ସଭାପତି ଆଇନଜୀବି ରଣଜିତ ଦାସ , ପୂର୍ବତନ ପଚାଂୟତ ସମିତି ଅଧକ୍ଷ ଦେବାଶିଷ ପଟ୍ଟନାୟକ ପ୍ରମୁଖ ଶୋକ ପ୍ରକାଶ କରିଥିବା ଜଣାଯାଇଛି । ଚାନ୍ଦପୁର ମନୋଜ ଦାସ ମର୍ମାହତ ହୋଇ ପଡିଛନ୍ତି । ବରିଷ୍ଠ ଆଇନଜୀବୀ ତଥା ସମାଜସେବୀ ସୁରେଶ ଚନ୍ଦ୍ର ମିଶ୍ର ତାଙ୍କ ଅମର ଆତ୍ମାର ସଦ୍ଗତି କାମନା କରିବା ସହ ତାଙ୍କ ମୃତ୍ୟୁରେ ପରିବାର ବର୍ଗଙ୍କୁ ସମବେଦନ ଜଣାଇଛନ୍ତି ।