ରଣପୁର ପ୍ରେସ କ୍ଲବର ବାର୍ଷିକ ଉତ୍ସବ ଅନୁଷ୍ଠିତ

ଓଡ଼ିଶା ତାଜା ନ୍ୟୁଜ୍ (୪ ଜୁଲାଇ ରବିବାର) ରଣପୁର /ଅଭିମନ୍ୟୁ ମହାରଣା :- ରଣପୁର ପ୍ରେସ କ୍ଲବର ବାର୍ଷିକ ଉତ୍ସବ ଅନୁଷ୍ଠିତ ହୋଇଛି l କୋଭିଡ କଟକଣାର ନିୟମକୁ ମାନି ପ୍ରେସ କ୍ଲବ ର ଏହି ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ରଣପୁର ଥାନାର ଭାରପ୍ରାପ୍ତ ଅଧିକାରୀ ଶ୍ରୀ ଜ୍ୟୋତି ପ୍ରକାଶ ପଣ୍ଡା ଓ ମୁଖ୍ୟ ବକ୍ତା ଭାବେ ଉପନିରୀକ୍ଷକ ଶ୍ରୀ ପ୍ରୀତି ପ୍ରକାଶ ମହାନ୍ତି ଯୋଗ ଦେଇଥିଲେ । ଅତିଥିମାନଙ୍କୁ ପୁଷ୍ପଗୁଚ୍ଛ ଦିଆଯାଇ ସ୍ୱାଗତ କରିଥିଲେ l

ଅତିଥି ମାନେ ଜଗତରନାଥ ଜଗନ୍ନାଥଙ୍କୁ ପୁଷ୍ପ , ଧୂପ, ଦୀପ ଦେଇ କାର୍ଯ୍ୟକ୍ରମର ଉଦଘାଟନ କରାଯାଇଥିଲା l ପରେ ମୁଖ୍ୟ ଅତିଥି ଓ ମୁଖ୍ୟ ବକ୍ତାଙ୍କୁ ଉପଢୌକନ ଓ ମାନପତ୍ର ଦିଆଯାଇ ସମ୍ବର୍ଦ୍ଧିତ କରାଯାଇଥିଲା । ବରିଷ୍ଠ ସାମ୍ବାଦିକ ତଥା କାର୍ଯ୍ୟକାରୀ ସଭାପତି ବିଶ୍ୱ ରଞ୍ଜନ ଆଚାର୍ଯ୍ୟଙ୍କ ସଭାପତିତ୍ବରେ ସଭା କାର୍ଯ୍ୟ ପରିଚାଳିତ ହୋଇଥିଲା ।

ଏ ପରିପ୍ରେକ୍ଷୀରେ ଶ୍ରୀ ପଣ୍ଡା ଗତ ବର୍ଷ ଓ ଚଳିତ ବର୍ଷ କରୋନା ଭଳି ମହାମାରୀ ରେ ଗଣତନ୍ତ୍ରର ଚତୁର୍ଥ ସ୍ତମ୍ବ ଭାବେ କାର୍ଯ୍ୟ କରୁଥିବା ସାମ୍ବାଦିକ ମାନେ ନିଜ ଜୀବନ କୁ ବାଜି ଲଗାଇ ରାଜ୍ୟ ସରକାରଙ୍କ ନିୟମନୁସାରେ ନିରପେକ୍ଷ ଭାବେ ସମ୍ବାଦ ପରିବେଷଣ କରିଆସୁଛନ୍ତି ।

ଏହି କ୍ଷେତ୍ରରେ ସାମ୍ବାଦିକ ଙ୍କ ମନୋବଳ ଦୃଢ କରିବା ସହ କିପରି ରଣପୁର ଅଞ୍ଚଳର ଜନସାଧାରଣଙ୍କୁ ସୁରକ୍ଷା ପ୍ରଦାନ କରିବା ଓ ରଣପୁର ର ବିଭିନ୍ନ ଉନ୍ନତିକରଣ କାର୍ଯ୍ୟ ଯେପରିକି ଉପର ମଣିନାଗ ପାଇଁ ରୋପ ୱେ ର ବ୍ୟବସ୍ଥା କରାଯିବା ଉପରେ ମତ ଦେଇଥିଲେ । ବିଶେଷ ରୂପେ ଏହି କାର୍ଯ୍ୟକ୍ରମରେ ଗଣମାଧ୍ୟମର ଭୂମିକା ସମ୍ପର୍କରେ ଆଲୋଚନା କରାଯାଇଥିଲା ।

ପ୍ରେସ କ୍ଲବ ସଭାପତି ସୁକାନ୍ତ ପଟ୍ଟନାୟକ, ଉପ-ସଭାପତି ଅଭିମନ୍ୟୁ ମହାରଣା , ସମ୍ପାଦକ ବ୍ରଜ ରଣସିଂହ,ସଙ୍ଘର ଉପଦେଷ୍ଟା କିଶୋର ରାଉତରାୟ , ରଘୁନାଥ ନାୟକ, ପ୍ରଭାତ ପ୍ରଧାନ, ପ୍ରଭାତ ରଥ, ସୁଶୀଲ କୁମାର ରଣା, ଚନ୍ଦ୍ରଭାନୁ ପରିଡା, ଲିସାରଣୀ ମହାପାତ୍ର ପ୍ରମୁଖ ଅନ୍ତର୍ଭୁକ୍ତ ଥିଲେ । ପରେ କୋଷାଧକ୍ଷ କୃଷ୍ଣଚନ୍ଦ୍ର ଦାଶ ଧନ୍ୟବାଦ ଜଣାଇ ସଭାକାର୍ଯ୍ୟ ସମାପ୍ତ ଘୋଷଣା କରିଥିଲେ l