ବିଦ୍ୟୁତ ଆଘାତରେ ଦୁଇଗୋଟି ବଳଦଙ୍କ ମୃତ୍ୟୁ

ଓଡ଼ିଶା ତାଜା ନ୍ୟୁଜ (୩ ଜୁନ ଗୁରୁବାର) କଳାହାଣ୍ଡି :- କଳାହାଣ୍ଡି ଜିଲ୍ଲାର ଲାଞ୍ଜିଗଡ଼ଠାରୁ ମୁନିଗୁଡାକୁ ସଂଯୋଗ କରୁଥିବା ରାସ୍ତାର ବିୟର ବାର ଓ ଓଏସେଲ କଲୋନୀକୁ ଯୋଗ ହୋଇଥିବା ଛିଣ୍ଡା ବିଦ୍ୟୁତ ତାର ସଂସ୍ପର୍ଶରେ ଆସି ଦୁଇ ଗୋଟି ବଳଦର ମୃତ୍ୟୁ ହୋଇଛି । ଲାଞ୍ଜିଗଡ଼ ବଡପଡାର ଜଗନ୍ନାଥ ହରିଜନଙ୍କ ଏକ ବଳଦ ଓ ଲାଞ୍ଜିଗଡ଼ ମେନରୋଡର ଚନ୍ଦ୍ରମଣି ମହାଖୁଡଙ୍କ ଏକ ବଳଦ ଚରି ଆସିବା ପରେ ଛିଣ୍ଡା ବିଦ୍ୟୁତ ତାର ସଂସ୍ପର୍ଶରେ ଆସି ଘଟଣା ସ୍ଥଳରେ ମୃତ୍ୟୁ ବରଣ କରିଥିଲେ ।

ତେବେ ଦୀର୍ଘ ସମୟ ଧରି ବିଦ୍ୟୁତ ତାର ଛିଣ୍ଡି ପଡ଼ିଥିବାକୁ ନେଇ ବିଦ୍ୟୁତ ବିଭାଗର ଘୋର ଅବହେଳା ଦର୍ଶାଇ ଜନସାଧାରଣରେ ଅଭିଯୋଗ ହେଉଛି।ବଳଦ ମୃତ୍ୟୁ ନେଇ ଲାଞ୍ଜିଗଡ଼ ଥାନାରେ ଏକ ଷ୍ଟେସନ ଡାଇରୀ ମଧ୍ୟ ଦିଆଯାଇଛି । ଲାଞ୍ଜିଗଡ଼ ଥାନାଧିକାରୀ ସତ୍ୟାନନ୍ଦ ପାତ୍ର ଓ ସ୍ଥାନୀୟ ରାଜସ୍ଵ ନିରୀକ୍ଷକ ରସିକ ଶବର ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। (ରିପୋର୍ଟ ପ୍ରଦୀପ କୁମାର ଗଉଡ କଳାହାଣ୍ଡି ବ୍ୟୁରୋ ଚିଫ )