ଅଙ୍ଗନୱାଡ଼ି କର୍ମୀ ଓ ସହାୟିକା ମାନଙ୍କୁ କୋରନା ଯୋଦ୍ଧା ମାନ୍ୟତା ପ୍ରଦାନ ,ଅଲ୍ ଓଡିଶା ଅଙ୍ଗନୱାଡ଼ି ଲେଡ଼ିଜ୍ ୱାର୍କର୍ସ ଏସୋସିଏସନ୍  ପକ୍ଷରୁ ମୁଖ୍ୟମନ୍ତ୍ରୀ ଓ ମହିଳା ଶିଶୁ ବିକାଶ ମନ୍ତ୍ରୀଙ୍କୁ କୃତଜ୍ଞତା ଜ୍ଞାପନ

ଓଡ଼ିଶା ତାଜା ନ୍ୟୁଜ (୨୭ ମଇ ଗୁରୁବାର ) ପାରଳାଖେମୁଣ୍ଡି :-  ରାଜ୍ୟରେ କାର୍ଯ୍ୟରତ ସମସ୍ତ ଅଙ୍ଗନବାଡି କର୍ମୀ ଓ ସହାୟିକା ମାନଙ୍କୁ ରାଜ୍ୟ ସରକାର’ଙ୍କ ପକ୍ଷରୁ କରୋନା ଯୋଦ୍ଧା ମାନ୍ୟତା ସହ ବିମାଭୁକ୍ତ କରିବା ଓ କାର୍ଯ୍ୟରତ ସମୟରେ ପ୍ରାଣହାନି ଘଟିଲେ ୫୦ ଲକ୍ଷ ଟଙ୍କାର ଆର୍ଥିକ ସହାୟତା ଘୋଷଣା କରିଥିବା ଯୋଗୁଁ ଅଲ ଓଡିଶା ଅଙ୍ଗନବାଡି ଲେଡିଜ ୱାର୍କର୍ସ ଏସୋସିଏସନ ଗଜପତି ଜିଲ୍ଲାଶାଖା ପକ୍ଷରୁ ମୁଖ୍ୟମନ୍ତ୍ରୀ ଓ ମହିଳା-ଶିଶୁ ବିକାଶ ମନ୍ତ୍ରୀ’ଙ୍କୁ କୃତଜ୍ଞତା ଜ୍ଞାପନ କରାଯାଇଛି ଏଠାରେ ସୂଚନା ଯୋଗ୍ୟ ଯେ , କରୋନା’ର ଦ୍ଵିତୀୟ ଲହର ସମୟରେ ସମସ୍ତ ଅଙ୍ଗନବାଡି କର୍ମଚାରୀ’ଙ୍କ ସୁରକ୍ଷା ପ୍ରତି ରାଜ୍ୟ ସରକାରଙ୍କ ପକ୍ଷରୁ ସମ୍ପୂର୍ଣ୍ଣଭାବେ ଅଣଦେଖା କରାଯାଉଥିବା ପ୍ରତିବାଦ’ରେ ରାଜ୍ୟସଂଘ ପକ୍ଷରୁ ଏକ ୬ ଦଫା ଦାବିପତ୍ର ମାନ୍ୟବର ମୁଖ୍ୟମନ୍ତ୍ରୀ ଓ ମହିଳା-ଶିଶୁ ବିଭାଗ ମନ୍ତ୍ରୀ’ଙ୍କୁ ପ୍ରଦାନ କରା ଯାଇଥିଲା ।ସେହି ଦାବୀ ଗୁଡିକୁ ଗୁରୁତର ସହ ବିଚାର’କୁ ନେଇ ରାଜ୍ୟ ସରକାର ତଥା ମହିଳା ଓ ଶିଶୁ ବିକାଶ ବିଭାଗ ପକ୍ଷରୁ ରାଜ୍ୟର ସମସ୍ତ ଜିଲ୍ଲାର ଜିଲ୍ଲା ସମାଜ କଲ୍ୟାଣ ଅଧିକାରୀ(ଡିଏସଡବ୍ଲ୍ୟୁଓ)’ଙ୍କୁ ଲିଖିତ ଭାବେ ପତ୍ର ଦିଆ ଯାଇଥିଲା ଯେ , ପ୍ରଧାମନ୍ତ୍ରୀ ଗରିବ କଲ୍ୟାଣ ପ୍ୟାକେଜ ଅନ୍ତର୍ଗତ ରାଜ୍ୟ’ର ସମସ୍ତ ଅଙ୍ଗନବାଡି କର୍ମୀ ଓ ସହାୟିକା ମାନଙ୍କୁ ବିମାଭୁକ୍ତ କରାଯିବା ସହ କରୋନା’ରେ

କାର୍ଯ୍ୟରତ ଥିବା ସମୟ’ରେ ପ୍ରାଣହାନୀ ଘଟିଲେ ସେମାନଙ୍କ ପରିବାର’କୁ ୫୦ ଲକ୍ଷ ଟଙ୍କାର ଆର୍ଥିକ ସହାୟତା ମିଳିବ । ଏଥିସହିତ ଅନ୍ୟ ସମସ୍ତ ଦାବୀ ଗୁଡିକୁ ମଧ୍ୟ ରାଜ୍ୟ ସରକାର ମାନି ନେଇଥିବା ଯୋଗୁଁ ସଂଘ ପକ୍ଷରୁ ମାନ୍ୟବର ମୁଖ୍ୟମନ୍ତ୍ରୀ ଓ ରାଜ୍ୟ ମହିଳା ଓ ଶିଶୁ ବିକାଶ ମନ୍ତ୍ରୀ , ବିଭାଗୀୟ ସଚିବ ଓ ନିର୍ଦ୍ଦେଶକ ସମେତ ଜିଲ୍ଲାପାଳ , ଉପଜିଲ୍ଲାପାଳ , ବିଡ଼ିଓ , ଡିଏସଡବ୍ଲ୍ୟୁଓ , ସିଡିପିଓ ପ୍ରମୁଖଙ୍କୁ ଧନ୍ୟବାଦ ଓ ସାଧୁବାଦ ଦେବାସହ ଆନ୍ତରିକ କୃତଜ୍ଞତା ଜଣାଇଛନ୍ତି । ସଂଘ’ର ସମସ୍ତ ଭଉଣୀ ମାନଙ୍କ ଦୃଢ ଏକତା ବଳରେ ଏହା ସମ୍ଭବ ହୋଇପାରିଥିବା ଯୋଗୁଁ ସଂଘ’ର ସମସ୍ତ ଅଙ୍ଗନବାଡି ଭଉଣୀ ମାନଙ୍କୁ ଧନ୍ୟବାଦ ଅର୍ପଣ କରାଯିବା ସହ ଆଗାମୀ ଦିନରେ ଏହିଭଳି ଏକତା ବଜାୟ ରଖିଲେ ଆମପ୍ରତି କୋଣସି ସମସ୍ୟା ଆସିବ ନାହିଁ ବୋଲି ଏକ ଲିଖିତ ପ୍ରେସବାର୍ତ୍ତା ମାଧ୍ୟମ’ରେ ଭାରତୀୟ ମଜଦୂର ସଂଘ ଦ୍ୱାରା ପରିଚାଳିତ “ଅଲ ଓଡିଶା ଅଙ୍ଗନବାଡି ଲେଡିଜ ୱାର୍କର୍ସ ଏସୋସିଏସନ’ର ସାଧାରଣ ସମ୍ପାଦିକା ଝୁନୁପମା ଶତପଥୀ ଜଣାଇଛନ୍ତି । ଏଥିସହିତ ଅଙ୍ଗନବାଡି ଭଉଣୀ ମାନଙ୍କ ଏକତା ପ୍ରତି ସମସ୍ତଙ୍କୁ ଧନ୍ୟବାଦ ଓ ଆମର ଯଥାର୍ଥ ଦାବି ପ୍ରତି ମାନ୍ୟବର ମୁଖ୍ୟମନ୍ତ୍ରୀ ଓ ରାଜ୍ୟ ମହିଳା ଓ ଶିଶୁ ବିକାଶ ମନ୍ତ୍ରୀ’ ସମସ୍ତ ଅଙ୍ଗନବାଡି ଭଉଣୀ ଓ ସହସୟିକା ମାନଙ୍କ ପ୍ରତି ଉଚିତ ନ୍ୟାୟ ପ୍ରଦାନ କରିଥିବା ଯୋଗୁଁ ରାଜ୍ୟସଂଘ’ର ଜିଲ୍ଲାଶାଖା ପକ୍ଷରୁ ଜିଲ୍ଲା ସଭାନେତ୍ରୀ ଜ୍ୟୋତ୍ସ୍ନାରାଣୀ ପାଣିଗ୍ରାହୀ , ସାଧାରଣ ସମ୍ପାଦିକା ପୁଷ୍ପାଞ୍ଜଳୀ ପଣ୍ଡା ଓ କୋଷାଧ୍ୟକ୍ଷା ଅଞ୍ଜଳୀ ନାୟକ ପ୍ରମୁଖ ସେମାନଙ୍କ ସମେତ ଜିଲ୍ଲା ପ୍ରଶାସନ’ଙ୍କୁ କୃତଜ୍ଞତା ଜ୍ଞାପନ କରିଛନ୍ତି l ( ରିପୋର୍ଟ -ଗରୁଡ଼ ଧ୍ଵଜ ଚୌଧୁରୀ )