ଭାରସାମ୍ୟ ହରାଇ ଦୁର୍ଘଟଣାରେ ବାଇକ୍ ଚାଳକ ଗୁରୁତର ଆହତ

ଓଡ଼ିଶା ତାଜା ନ୍ୟୁଜ (୨୪ ମଇ ସୋମବାର ) ବାଙ୍କୀ :- ବାଙ୍କୀ କଟକ ମୁଖ୍ୟ ରାସ୍ତା ଚକୁଳେଶ୍ୱର ଠାରେ ଜଣେ ବାଇକ୍ ଚାଳକ ଦୁର୍ଘଟଣାରେ ଗୁରୁତର ଅବସ୍ଥା ହୋଇ ରାସ୍ତା କଡରେ ପଡିଥିବା ଦେଖି ବାଟରେ ଯାଉଥିବା ଜଣେ ବାଟୋଇ ଆମ୍ବୁଲାନ୍ସ୍‌କୁ ଫୋନ୍ କରିଥିଲେ । ଆମ୍ବୁଲାନ୍ସ୍ ଆସିବା ବିଳମ୍ବ ହେବାରୁ ସ୍ଥାନୀୟ ଲୋକମାନଙ୍କ ଠାରୁ ଖବର ପାଇ ଡମପଡ଼ା ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ôଚ ଆହତ ବ୍ୟକ୍ତିଙ୍କୁ ବାଙ୍କୀ ଉପଖଣ୍ଡ ଚିକିତ୍ସାଳୟକୁ ଆଣି ଚିକିତ୍ସାର ବ୍ୟବସ୍ଥା କରିଥିଲେ ।

ଆହତ ବ୍ୟକ୍ତି ଜଣକ ବାଙ୍କୀ ଡମପଡ଼ା ବ୍ଲକ ଅନ୍ତର୍ଗତ ବାଆଁରା ପଞ୍ଚାୟତର ଦିଲ୍ଲୀପ୍ କୁମାର ବେହେରା(୫୪) ବର୍ଷ ବୋଲି ଜଣାପଡିଛି । ଭାରସାମ୍ୟ ହରାଇ ସେ ଦୁର୍ଘଟଣା ଗ୍ରସ୍ତ ହୋଇଥିଲେ ବୋଲି ଜଣା ପଡିଛି ।    (ରିପୋର୍ଟ/ଗୌତମ ମିଶ୍ର)